Gboo Saa Tɛsadonika Ko A 3:8 - Yataa 'a Dɔbɛnɛ Nama

⁸ A mu fɔɛ nama an na nn tena, wo kai fa buɛ chɛ gban Mansa Chisɔsi a.

Gboo Saa Tɛsadonika Ko A 3:8 ပူးပေါင်းရင်းမြစ်များ

CHƆN 15:4

Mmɔ ma mɔ dɔndɔya ɔ, wo ma n boo ka, n bɛɛ, n mbe ee wo boo ka‑a. Kɔnɛ bonɛ ee kun a ni gbɔ be, ni a kaenɛ ma‑a kɔnɛ kuu ba ma. A chia dɔndɔ gbe chɛ a, wo wɛɛ, wo ee kun wo ni ko ɔ ko ma, mɔɔ ni mmɔ bɛ ma‑a mɔ dɔndɔya ɔ.

CHƆN 15:7

Ni mmɔ bɛ ma‑a mɔ dɔndɔya ɔ, mbɛ wo‑a n 'na bai n sa wo yii ma gban, ɛ nyan‑da wan. Fen kɔ fen, wo toen mu min na, mbɛ wo‑a Fa Yataa ɔ tisa a ko a, ɛ a be‑a wan wo ma.

CHƆN 8:31

Mɔɛ chɛ nu, miin dan‑da ka Chisɔsi a, a koɔ‑a an tena, a ɔ, “Ni wo‑a wo too ma sɔ n da a kuiɛ ma, wo e ma‑a n fɛ mɔɛ chɛndɛ chɛndɛ n fan na.

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO SAA KƆYINDI KO A 16:13

Wo ma bɛndenɛ ni ma, tima ɔ tima. Wo sɔ gban, wo 'a danaya ɔ, Chisɔsi Chasi a, wo sin ma chian. Wo ɔ ni gbɛa gbau.

Gboo Kadesia Ko A 5:1

Ni yɔncha tana mu, Chasi‑a mmɔ bɔ a ɔ. Chɛ an fɛ mu, mmɔ sɔ chidi, a ko a. Wo butuin chɛ, min mbe a ma, wo ma na don to an yɔncha fanka ma chɛ kɔɔ.

Gboo Ɛfisɔsi Ko A 3:17

A sin ni a ma to, Chasi wakoe ni ma wo faa ɔ, koe min na mu, wo‑a wo kai fa a a. N mbe samunɛ chɛ tena, wo ni sɔ gban koadia ɔ, wo ni yɛ, wo ɔ ni gbɛa chɛndɛ chɛ.

Gboo Fiipai Ko A 1:21

N mbe fɔɛ min dɔ, basɔmaya be koe a mu Chasi ma, nn fea a, nn ni ma mɔ dɔndɔɛ a. Chɛ an fɛ mu, ni n fa‑a, a nyin kaka. Koe min na mu, nn fea a Chasi a, nn fan mbe ma‑a gbɛ.

Gboo Fiipai Ko A 1:27

Koe chenama mu gbɛ min na sanche, an nɛ. Wo koe n ma, wo 'a fɔɛ ɔ, yɔ mɔɛ nu miin dan‑da sakana bai chɛndɛ chɛ a, a si Chasi ma. Chɛ an mbe a ma‑a, n ni na wo tena, n ma na wɛɛ wo tena, n mbe wo ma tɔ chɛndɛ a min‑da wan. Mbɛ wo e sɔ ɔ gban, wo yiima a kandenɛ ɛ, wo kuiɛ a kandenɛ ɛ. A sin, wo e wan wo boo si‑a wo nyɔn kɔɔ wo sɔɛ gbɛɛ a, danaya chɛ ko a, min mbe bɔ sakana bai chɛndɛ chɛ ɔ.

Gboo Fiipai Ko A 4:1

Chɛ an fɛ mu, n suun ma nyɔɛ nu Chasi ɔ, n toen mu wo a, wo sin yen sɔɛ ɛ n na. N bu ɔ di wo ko a, a yɛ to, wo wan mu tɔnɔnɛ a, n 'na wai ko a. N dia nyɔɛ nu, wo bɛ Mansa Chisɔsi a, wo ma‑a ka buɛ min dɔ mɔ dɔndɔɛ a, wo ma yɛ to kuu kɔ chɛ ɔ.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Saa Tɛsadonika Ko A 3:7

Chɛ mu nn ma faachima an na, nn 'na ko yawaen dɔ bia chɛ gbɛɛ ɔ, a basan faamɔnɛ a. Nn suun ma nyɔɛ nu, wo kai fa buɛ chɛ Chisɔsi a, a ma‑a faamanande a nn ma.

GBOO IBU MƆƐ N KO A 10:23

Mmɔ ma a ɔ yian bi, mbɛ mmɔ yii na tɛen mu Chisɔsi an ma, mbɛ sinan, mmɔ‑a yiima dɔ mende ya. Koe min na mu, a wɛn‑na mmɔ too ɔ dia, a ee a da a kuiɛ yɔn.

GBOO IBU MƆƐ N KO A 3:14

Koe min na mu, mmɔ gbɛɛ, mmɔ bɛ Chasi a, mmɔ ɛ ko dɔndɔɛ an dɔ. Ɛ ma‑a ka wan, ni mmɔ‑a danaya saa chɛ bia gban, aan mmɔ 'a fɔɛ danka a.

GBOO IBU MƆƐ N KO A 4:14

A ka gbɛ an tima chɛ ma, tɛ mɔ wa, mɔ gbu n tɛ Yataa a, an mbe gbɛ mmɔ boo ɔ, min ta‑a banda bu ɔ. A mu Chisɔsi an na, Yataa 'a denɛ. Chɛ an fɛ mu, mmɔ ni mmɔ boo a chii, mmɔ kai fa koe ma a a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

2 PITA 3:17

Chɛɛ n dia nyɔɛ nu, wo tana, wo‑a chɛ ɔ sɔn fan gbɛ. Chɛ an fɛ mu, wo wo kun ma fɛn, sawa sɔn bai chɛ n ma na a ma, wo ni saman, mbɛ wo ka‑a chia ma. An ni a ma, wo ni bea, a bɔ wo sɔ tena chɛndɛ chɛ ɔ.

KO Ɔ NUNDENƐ 3:11

A ɔ ee yansan tena to, mbɛ n na‑a. Chɛ an‑na a fɔ, wo gboo ɔ ma fa dan koe a n na, min mbe a ma, wo ee na‑a fo‑a wo 'a boo ɔ gbasi woo a.

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.