Gboo Saa Tɛsadonika Ko A 3:6 - Yataa 'a Dɔbɛnɛ Nama

⁶ Chɛɛ Timoti yɛ‑a sanche gbɛ nɛ, a ka wo tena. A na‑a bai min na, a si koadia ma, ni wo kai fa buɛ Chisɔsi a, buɔdia mu. A ni a fɔ nn ye, mbɛ tima ɔ tima ko a, wo e yii na chii chɛndɛ an chɛ nn na. A sin, nn toen mu nn ni wo yen buɛ min dɔ, wo wɛɛ wo toen mu ka wan nn yen koe a.

Gboo Saa Tɛsadonika Ko A 3:6 ပူးပေါင်းရင်းမြစ်များ

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

CHISƆSI 'A SƆ MƆƐ NU 18:1

Chɛ gbakɔ, Pɔɔ bɔ‑a wan Atɛnsi duu ɔ, mbɛ a ta‑a Kɔyindi duu ɔ.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

GBOO SAA KƆYINDI KO A 11:2

N mbe wo wai bɔ tena, koe min na mu, wo e wo yii na chii tena n na tima ɔ tima ko a. Wo sin mbe bea tena wan kan chɛ fɛ, n‑na min chɛ wo a.

GBOO SAA KƆYINDI KO A 13:13

Chɛ ni ma wɛɛ ma‑a, ko sawa an fan mbe nɔ, miin mbe ma‑a nɔ tun. An mu kai fa an na Chisɔsi a, yiinatɛ a ma, ni a ko a dia koe a mmɔ ye. Ko sawa chɛ n tɛ, a kuu ba mu koadia an na.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

Gboo Fiipai Ko A 1:8

Koe min na mu, n toen mu wo a, yɔ Chisɔsi Chasi 'a koadia ɛ buɛ min dɔ. Yataa wandi an mu n 'na siiya a, ni tea ma chɛ a.

Gboo Kɔdɔsai Ko A 1:4

Koe min na mu, nn‑na a a min, wo kai faen mu buɛ min dɔ Chisɔsi Chasi a. A sin to, koadia min nyɔn sima ɛ wo faa ɔ, Yataa 'a mɔɛ gbɛɛ ko a.

Gboo Kɔdɔsai Ko A 4:18

N fandi gbu, n fan Pɔɔ, n fɛn mbe ka gboo chɛ nyɛn‑da, n ni wo kɔndɔn. A ni ma wo yii ma, mbɛ n mbe sa ɔ pimbi chenɛ a. Yataa ni wo dua.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 2:17

Nn suun ma nyɔɛ nu Chasi ɔ, mmɔ tɛ ka‑a tima kundu min kɔɔ, nn faa gbɛɛ nii ma bɔ ni wo tena. Nn nii wɛɛ nɔ, chɛɛ nn yiima ni wan wo kɔ. Wo sɔɛ‑a nn bia wan kaka, a sin, nn‑na butuin chɛ wan, na koe a to wo kɔndɔn‑da.

Gboo Saa Tɛsadonika Ko A 2:9

Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

Gboo Saa Tɛsadonika Ko A 3:7

Chɛ mu nn ma faachima an na, nn 'na ko yawaen dɔ bia chɛ gbɛɛ ɔ, a basan faamɔnɛ a. Nn suun ma nyɔɛ nu, wo kai fa buɛ chɛ Chisɔsi a, a ma‑a faamanande a nn ma.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

1 TIMOTI 1:5

Chɛ fɔen mu i ye, min mbe a ma, koadia ni ma nɔ. Koadia min kaen mu faa ɔ gbɛenɛ ɔ, yiima a koenɛ fion, a basan danaya gbau gbau a Yataa a.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.

FIDEMƆN 1:5

Koe min na mu, n‑na i 'a koadia ma tɔɛ a min, Yataa 'a mɔɛ n gbɛɛ ko a. A yɛ to, i kai faen mu buɛ min dɔ Mansa Chisɔsi a.

GBOO IBU MƆƐ N KO A 13:3

Mɔɛ miin mbe sa ɔ pimbi chenɛ a, an bakoe ni ma wo faa ɔ, yɔ wo bɛ an mbe nɔ an na. Ni chɛ n bɛɛ, miin mbe tɔɔya ɔ bia tena. Wo a ma yɔ wo bɛ an mbe an tɔɔya chɛ ɔ bia tena.

GBOO IBU MƆƐ N KO A 13:7

Wo ma nyina wo ya ɔ sɔɛ n ma, chɛ nu, miin na‑a Yataa bai sa wo tena. Wo wo yii na chii min na‑a an tan fɔɛ ɔ, mbɛ wo‑a wo kai fa Yataa a, yɔ an ni buɛ min dɔ.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.