Gboo Saa Tɛsadonika Ko A 3:3 - Yataa 'a Dɔbɛnɛ Nama

³ Chɛ an mbe a ma‑a, an ni ko yawaenɛ sa wɛɛ wo ma, wo dɔndɔ wɛɛ ee mun‑da to. Koe min na mu, tɛnɛ ko ma a Yataa wandi tena, mbɛ mmɔ ɛ ko yawaen bonda chɛ n dɔ bia wan.

Gboo Saa Tɛsadonika Ko A 3:3 ပူးပေါင်းရင်းမြစ်များ

DUKU 21:12

Chɛɛ koe chɛ n gbɛɛ mbe e na to ma‑a, an mbe wo bia‑a wan, mbɛ an‑na ko ma gbaaenɛ sa wo ma. An mbe ta‑a wan wo a, wo gbɛmbo koe a, mmɔ 'a samun chɛ chenɛ n na, mbɛ an‑na wo sa pimbi chenɛ a. An mbe na‑a wan wo a, mansa n chen kɔɔ, an bɛ kun ti n na. An mbe chɛ gbɛɛ si‑a wan wo a, a si n bakoe ma.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 2:25

Koe min na mu, Mansa Defidi wandi gbu na‑a chɛ an fɔ, Yataa 'a gboo ɔ, a si Chisɔsi ma, a ɔ, ‘N mbe Mansa Yataa yen fan sɔ ɔ n ya kɔɔ, tima ɔ tima ko a. Ɛ n baima, chɛ an‑na a fɔ, n ma n gbɔsɔ ni.

CHISƆSI 'A SƆ MƆƐ NU 21:11

Akabɔsi chɛ na‑a wan nn tena, mbɛ a‑a Pɔɔ 'a bu tɛ chii yuu ya, a‑a a wandi chenɛ ɔ chii, a basan a boo a. Mbɛ a‑a a fɔ, a ɔ, “Yataa Nyina ɔ te, a ɔ, mɔɛ min ta mu bu tɛ chii yuu chɛ a, Chu mɔɛ n mbe a chii‑a ka wan Chuusaɛn duu ɔ. A ɔ, an sin mbe a be‑a wan mɔɛ chɛ n ma, miin ma Chu mɔ a.”

CHISƆSI 'A SƆ MƆƐ NU 21:13

Chɛɛ Pɔɔ ɔ te, “Wo e di chɛ tena ka, n faa yɔn koe an na. Fen mu wo e chɛ ma tena? N ma ma bɛn ni, n sa koe dechee an ko a pimbi chenɛ a, chɛɛ n fa koe wɛɛ gbu a, Chuusaɛn duu ɔ, Mansa Chisɔsi ko a.”

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

GBOO DOMI KO A 5:3

Chɛ dechee ma, chɛɛ mmɔ buɔdia bɔ mmɔ 'a tɔɔya n dɔ. Koe min na mu, mmɔ‑a a ɔ sɔn fan, mbɛ tɔɔya an mbe na faabia a mmɔ tena.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO SAA KƆYINDI KO A 4:9

Chɛɛ n ta yiinachii ɔ, mansa ma nn na. Nn fan, Chasi 'a sɔ mɔɛ chɛ nu, nn maen fan mu yɔ mɔɛ nu, Yataa‑a miin ma yii, ma yii dankama a. Nn mbe wan yɔ mɔɛ nu, ya ɔ sɔɛ n mbe ta miin na, an mbe an fa mɔɛ gbɛɛ ya kɔɔ. Ɛ ka wan, koe min na mu, mɔɛ gbɛɛ ya an mbe nn na. Mɔ gbu n bɛ maeka n na, an ya an mbe nn na, kɔ an ni a ɔ yen, koe min mbe ma‑a nn na.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Fiipai Ko A 1:28

A sin, chian mbe ee wo ɔ, a si ko ɔ ko ma, wo chɛɛ ma nyɔɛ n mbe min ma. Chɛ ɛ wan yɔ gbau an nɛ, an tena, mbɛ an mbe na tena wan kasaa a. Chɛɛ wo tana, a mu bauncha an na wo ko a. A sin, ɛ ka tena Yataa an na.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Saa Tɛsadonika Ko A 5:9

Yataa ma mmɔ ya ni a ta mɔɛ n na, a ma koe an na, a ni faa tɛ‑a bɔ mmɔ ma, mmɔ ni tɔɔya ɔ bia. Chɛɛ a ma koe mu, mmɔ ni bauncha ma sɔn, a ka mmɔ 'a mansa Chisɔsi Chasi a.

GBOO FEAN BƆƐ TƐSADONIKA KO A 1:4

Chɛ an fɛ mu, nn bɛɛ, nn mbe koɔ chɔchi tɔɛ chɛ n dɔ, nn kunɛ kɔɔ sɔenɛ a, a si wo ma. A si wo e koe n dɔ bia tena buɛ min dɔ. An mbe a ma tena wɛɛ wo e tɔɔ tena, wo kai faenɛ mu tun Chisɔsi a.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

1 PITA 2:21

An ko bonda chɛ mu, Yataa na‑a wo chee, a ɔ, wo ni a ma. Koe min na mu, Chasi wandi gbu‑a ko yawaenɛ ɔ bia wan wo ko a, min mu tɔmɔsi a wo tena. Chɛ ni a ma, wo wɛɛ ni puin a chen gba ɔ.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.