Gboo Saa Tɛsadonika Ko A 3:2 - Yataa 'a Dɔbɛnɛ Nama

² Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

Gboo Saa Tɛsadonika Ko A 3:2 ပူးပေါင်းရင်းမြစ်များ

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

CHISƆSI 'A SƆ MƆƐ NU 16:5

Mbɛ chɔchi mɔɛ chɛ n gbɛɛ ɔ gbɛa‑a gbau, an 'na kaifaya ɔ Chisɔsi a, a sin, an ma ni mun‑da wan tee ɔ tee a.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

GBOO DOMI KO A 16:21

Timoti, nn fea ɛ wai chɛ min na, a‑a wo kɔndɔn ka. N bɔɛ Chu mɔɛ chɛ n bɛɛ, Dusiɔsi, ni Chason, ni Sosipata, an‑na wo kɔndɔn ka.

GBOO SAA KƆYINDI KO A 3:10

N 'na wai maen fan ni, yɔ chen sɔ mɔ wa. N fan‑na chenɛ chɛ kuu si. Yataa an‑na mɔnɛ chɛ be n ma. Mbɛ mɔ dɔ mende sin mbe ta‑a chen chɛ sɔɛ a ya ɔ ma. An fɛ mu, mɔ ɔ mɔ ni tima ya, chen chɛ sɔ buɛ a.

GBOO SAA KƆYINDI KO A 4:17

Chɛ gbu an fɛ mu, n mbe Timoti sɔ tena wo tena. Mɔɛ mu a a, mɔɛ ɛ che i yii sɔ‑a min ma gbau gbau, wai chɛ koe a Chisɔsi Chasi ko a. N 'na denɛ mu gbɛ a a, n toen mu min na kaka. Ɛ a ma‑a wan wo ee nyina‑a koe n ma, n mbe bea tena miin fɛ, n 'na fɔɛ ɔ, Chisɔsi 'a sɔmɔya ɔ. N ni mɔɛ n kan ko dɔndɔ gbe chɛ n fan na, chɔchi kan kɔ kan dɔ, n ni ta miin dɔ.

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

GBOO FEAN BƆƐ KƆYINDI KO A 1:19

Koe min na mu, Yataa 'a denɛ Chisɔsi Chasi, a ee ka. Sidasi ni ma, Timoti, ni n fan, nn na‑a a wakoe ɔ yian fan wo a. A wan Chisɔsi ee dɔn koe ma, mbɛ a ban‑da to a ma. Chɛɛ a ta nan gbu, tima ɔ tima ko a, a dɔndenɛ an mbe ma a ma.

GBOO FEAN BƆƐ KƆYINDI KO A 2:12

N che‑a wan Towasi duu ɔ, sakana bai chɛndɛ chɛ ɔ yian koe a nɔ, a si Chasi ma. N che‑a kɛn, n‑na a ɔ yen fan, mbɛ Mansa Chisɔsi na‑a chia sa wan nɔ, a 'a wai chɛ koe a.

GBOO FEAN BƆƐ KƆYINDI KO A 2:13

Chɛɛ n faa nii ma chima ni, koe min na mu, n nii ma Taitɔsi tan ni nɔ, n suun ma nyɔɛ Chasi ɔ. Chɛ na‑a a ma wan, n‑na n saa nɔ mɔɛ n na, mbɛ n ta‑a Masidonia chɛnyɛ ɔ.

GBOO FEAN BƆƐ KƆYINDI KO A 8:23

Taitɔsi nan tana, nn bɔɛ mu a a, nn fea, nn mbe wai chɛ tena min na, basan koe a wo ma. Mmɔ suun ma nyɔɛ tɔɛ chɛ n tana sin Chasi ɔ, chɔchi n 'na sɔ mɔɛ mu an na. An sin mbe na basɔmaya an na Chisɔsi Chasi tena.

Gboo Fiipai Ko A 1:25

N danden fan mu chɛ a. A sin, n ko a, n‑na a ɔ sɔn fan, mbɛ n mbe ma‑a wan fɔɛ chɛ ɔ. N mbe ma‑a wan tun wo gbɛɛ tɛ ɔ, n ni basan wo ma, wo‑a wo kai fa min chɛ Chasi a, a ma ni munda. Chɛ ni a ma, wo bu ɔ ni dia, a chenama ɔ, Chisɔsi Chasi a.

Gboo Kɔdɔsai Ko A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a.

Gboo Kɔdɔsai Ko A 1:7

Wo‑a a min ka wan Ɛpafasi a, nn bɛ ɛ Yataa 'a wai chɛ min na. A mu mɔɛ an na, min ko a di nn ye, koe min na mu, ɛ Chasi 'a wai chɛ tena nɔ danaya ɔ, nn ko a.

Gboo Kɔdɔsai Ko A 4:12

Wo bɔɛ dɔndɔ wɛɛ to, Ɛpafasi, min mu to Yataa 'a wai chɛ mɔɛ a, ɛ wo kɔndɔn tena. Tima ɔ tima ko a, ɛ samunɛ chɛ tena wan wo ko a, a faa gbɛɛ a. A ɔ, Yataa ni a ma, wo ni sɔ gban a ko a, wo yii na tɛenɛ ɛ gbae Yataa faa ma koe gbɛɛ ma, min mbe wo ko a.

Gboo Kɔdɔsai Ko A 4:9

An fea, wo bɔɛ dɔndɔ a, min tɔ mu Wɔnesimɔsi, an fan mbe na tena. A wɛɛ, suun ma nyɔɛ an nɛ Chasi ɔ, nn toen mu min na, a sin mbe wai chɛ tena a faa gbɛɛ a, Chasi ko a. An mbe si‑a wan ko ɔ ko ma, min mbe nɛ, an ni a ɔ yian wo a.

Gboo Saa Tɛsadonika Ko A 3:13

Chia chɛ a mu, ɛ wo ɔ gbɛa‑a, min mbe a ma, mmɔ Fa chen kɔɔ, mabɔ ee ma‑a wo ma. Chɛ ɛ ma‑a wan, mmɔ 'a mansa Chisɔsi ɛ na‑a tima min na, an bɛ gbɛɛ chɛ n na, miin mu a ta n na.

Gboo Saa Tɛsadonika Ko A 3:5

N nii ma a ɔ sɔn, wo ni gbɛ buɛ min dɔ. Ni wo ni wan tun sɔ ɔ gban, Chasi ko a. Chɛ ma, ni Sitana kun‑da wan wo ma, wo ni wo kan kɔ sɔ Chasi a. Mbɛ nn 'na wai nyima gbɛɛ, a ma‑a fufafuu a. N ma che ni to chɛ ɔ bia‑a. Chɛ an fɛ mu, n‑na Timoti a na wo tena, a ni a gba bɔ.

GBOO FEAN BƆƐ TƐSADONIKA KO A 2:17

A ni wo faa ma nande, wo ɔ ni gbɛa. Chɛ ni a ma, tima ɔ tima ko a, wo ni bai sa min nyin, a yɛ to, wo ni koe ma min nyin.