Gboo Saa Tɛsadonika Ko A 2:9 - Yataa 'a Dɔbɛnɛ Nama

⁹ Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

Gboo Saa Tɛsadonika Ko A 2:9 ပူးပေါင်းရင်းမြစ်များ

DUKU 18:7

Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

DUKU 2:37

A to‑a fuinyaya chɛ an dɔ gbɛ, aan a sanɛ che‑a san bi sɛi kun ma naaninɛ ɔ. A nii bɔ Yataa 'a kata chɛ ɔ. Su ɔ ni tee a, ɛ Yataa fai wan nɔ, ɛ samunɛ chɛ, a basan sun bia a.

CHISƆSI 'A SƆ MƆƐ NU 18:3

mbɛ an bɛ ni wan an na. Koe min na mu, an bɛ ni wai dɔndɔ gbe an chɛ. Pɔɔ ni a 'a daun fenɛ ma sɔn tɛndi nyan wai an dɔ, yɔ Akuida wɛɛ, an fea a 'a musu a.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 20:31

Chɛ an fɛ mu, wo wo wandi kun ma fɛn, mɔ bonda chɛ n boo ɔ. Wo wo yii na chii, mbɛ su ɔ tee a, n ni wo a si wan. N‑na chɛ ma wan san sawa ko a, di a n ya a.

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO DOMI KO A 15:19

A yɛ to, a bɔ‑a to koe n tɔmɔsi gbau gbau n dɔ, a basan kamaya koe wa n na, n‑na miin ma. A sin, Yataa Nyina‑a gbasaya be n ma koe chɛ n gbɛɛ ma koe a. A sin chia chɛ a mu, Yataa 'a sakana bai chɛndɛ chɛ a si Chasi ma, n‑na a sa wan kan kɔ kan, a ka Chuusaɛn duu ɔ, a ta Idiikɔn chɛnyɛ ɔ.

GBOO SAA KƆYINDI KO A 4:12

Nn mbe wai chɛ wan, nn sɔɛ a, nn boo n na, nn da a daun fenɛ ma sɔn koe a. Ni an‑na nn main, nn mbe dua wan an ko a. Ni an‑na ko yawaenɛ sa nn ma, nn mbe nn faa bia wan.

GBOO SAA KƆYINDI KO A 9:15

Chɛɛ chɛ gbɛɛ ɔ, n ma bea nin bɛ tea chɛ dɔndɔ wɛɛ fɛ. N sin mbe ee gboo chɛ nyɛn tena an tea chɛ konde gbain koe an na. Koe min na mu, n mbe ee chia be tena mɔ ɔ mɔ ma, n da tɔn koe a tea yonka chɛ tɛ koe a. A fisa wɛɛ n ni fa.

GBOO SAA KƆYINDI KO A 9:18

N 'na pawa sin gbu ɛ ma chɛ an na. Mbɛ n ni ma‑a sakana bai chɛ ɔ yian‑da, n ma tisa chɛ pawa ko a. N mbe ee bea tena n 'na tea fɛ, n ni che a ɔ nyɔɔ.

GBOO SAA KƆYINDI KO A 9:4

Nn bɛɛ, tea ɛ wan nn boo ɔ, nn ya sɔ koe a wo ya ɔ, daun fɛnɛ wakoe a, ae?

GBOO FEAN BƆƐ KƆYINDI KO A 11:27

N‑na wai chɛ wan n sɔɛ gbɛɛ a. Tima sɛsɛ ko a, n ni chi wan n ya a. Tima sɛsɛ ko a, kɔnkɔɛ‑a n bia wan, n kanɛ a gbaa‑a, a sin n nii daun fen ma sɔn. Tima sɛsɛ ko a, chima ni n bia wan, koa a tenden bɛɛ nii n ma.

GBOO FEAN BƆƐ KƆYINDI KO A 11:9

Mmɔ bɛ sin ni tima min na, n sin toen ni demanɛ a, n nii ma n 'na yakɔɔtawa si ni mɔ ɔ mɔ kun ma. Mmɔ suun ma nyɔɛ nu Chasi ɔ, miin na‑a ka Masidonia chɛnyɛ ɔ, an fan‑na fen kɔ fen be n ma, min ma gbɔsɔɛ ni n ma. N ni buɛ min dɔ, a kɔma a, n mbe ma‑a ka wan, ya ɔ ma wɛɛ. N mbe ee n 'na yakɔɔtawa sa‑a wo kun ma, chia ɔ chia a.

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Fiipai Ko A 4:16

Koe min na mu, Tɛsadonika duu ɔ nan fan bɛɛ, n ni nɔ tima min na, wo ni wo boo fenɛ a ta wan n ye, gba sɛsɛ ko a.

Gboo Saa Tɛsadonika Ko A 1:3

Nn mbe ma samunɛ chɛ‑a tima ɔ tima mmɔ Fa Yataa tena, wo wakoe ɛ ma wan nn yii ma. Nn mbe Yataa wai bɔ tena wo ko a, wo e wai min chɛ tena. Koe min na mu, wo kai faen mu Mansa Chisɔsi a. Nn mbe a wai bɔ tena, koadia ko a, min mbe a ma tena wo e wai chɛ tena wo sɔɛ a. Nn mbe a wai bɔ tena, yiinatɛ ko a, wo gboo ɔ ma fa ni min chɛ koe a mmɔ 'a mansa Chisɔsi Chasi a.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

Gboo Saa Tɛsadonika Ko A 2:6

Nn tando koe nɛnɛ, a ee nn yii ma. Nn ma wo ɔ tisa ni a ma koe a, mɔ dɔ gbɛɛ n bɛɛ a.

Gboo Saa Tɛsadonika Ko A 3:10

Su ɔ tee a, nn mbe samunɛ chɛ tena wo ko a, nn faa gbɛɛ a. Nn mbe a ɔ tisa tena, a ni a ma mmɔ bɛ ni mmɔ nyɔn ye, nn ni wo deman chia dɔ n na, miin nyin wo 'a danaya ko a.

1 TIMOTI 1:11

Kan chɛ ɛ kamaya sakana bai chɛndɛ an dɔ, Yataa wandi, mmɔ ɛ min tando, a‑a min be n ma.

1 TIMOTI 4:10

Chɛ an fɛ mu, mmɔ ɛ tɔɔ, mmɔ ɛ sɛchɛ kaka. Koe min na mu, mmɔ yiima gbɛɛ a tɛen mu Yataa an ma. A ee chinɔ ɛnden bɛɛ a, ɛ mmɔ baun, a bɛbɛɛ mmɔ wɛn danden mu a a.

1 TIMOTI 5:5

Fuinya musu chɛndɛ chɛndɛ, mɔ ee min boo ɔ, a yii faen mu Yataa an ma. Su ni tee a, ɛ samunɛ chɛ wan, ɛ ta‑a Yataa ɔ tisa‑a a deman koe a.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.