Gboo Saa Tɛsadonika Ko A 2:4 - Yataa 'a Dɔbɛnɛ Nama

⁴ Chɛɛ nn mbe koɔ wan, yɔ Yataa toen mu nn ni a 'a sakana bai chɛ fɔ buɛ min dɔ, nn sɔen mu min fɔ koe a. A‑a nn dɔ siman fan, a‑a a yen gbɛ mbɛ ɛ che wan dan‑da nn na. Nn ta wai mu min na, an nɛ, Yataa faa ma koe n ma koe a. Chɛɛ nn mbe ee mɔ gbu n faa ma koe n fan ma. An‑na nn yii ma koe n dɔ sɔn.

Gboo Saa Tɛsadonika Ko A 2:4 ပူးပေါင်းရင်းမြစ်များ

DUKU 12:42

Mbɛ Mansa Chisɔsi ɔ, “Wo ma yɔ wai chɛ mɔɛ, danaya ni min dɔ, a basan yiimatɛ a. Ni a kun ti ma‑a ta‑a tachɛ ɔ, ɛ a to wan a bɔɛ n kun ma, daun fenɛ be koe a an ma, tima ma.

DUKU 16:11

Ni wo ma danaya bɔ ni dunya chɛ ɔ nyanɛ ɔ, mɔ ɔ mɔ ee to‑a nɔ, a ni nyanɛ chɛndɛ konan wo ma.

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

GBOO DOMI KO A 8:27

Yataa sin gbu, a‑a a ɔ sɔn fan, koe miin mbe mmɔ faa n dɔ. Chɛ an fɛ mu, ɛ a Nyina chɛ yii ma sɔn fan. A mu min na, Yataa Nyina chɛ ɛ a disa tena wan mmɔ ko a, a 'a mɔɛ nu. A Nyina chɛ sin mbe samunɛ chɛ tena koe chɛ an ko a, Yataa toen mu min na an ko a.

GBOO SAA KƆYINDI KO A 7:25

Ka n mbe koɔ gbɛ, a si den tɔngbɔɛ n ma, miin ma si nin bɛ fuu ɔ, wo‑a gboo nyɛn a si miin ma. Mansa Chisɔsi an ma chɛ don ni n da ɔ, n mbe ka min fɔ‑a. Chɛɛ bai min mbe n da a, n mbe ka an fɔ‑a. N mbe koɔ tena wan, yɔ mɔɛ, wo e kun wo ni dan min na. Koe min na mu, Yataa chinchinden fan mu n ma.

GBOO SAA KƆYINDI KO A 9:17

N mbe ka wai min chɛ‑a, ni n fandi kun ma a ni, n ni pawa ɔ tisa‑a wan. Chɛɛ a ee ka wan. N mbe wai chɛ chɛ tena, koe min na mu, Yataa wandi an‑na n sɔ a chɛ koe a.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.

GBOO FEAN BƆƐ KƆYINDI KO A 5:16

Chɛ an fɛ mu, a ka gbɛ sanche ma, mmɔ ee mɔ ɔ mɔ ya to mɔgbuya ta fɛ chia a. Mmɔ na‑a Chasi wɛɛ ya boo ɔ boo mɔgbuya ta fɛ chia a, tima dɔndɔ a, mmɔ ee an yiinachii chɛ chɛ tena to a a.

Gboo Kadesia Ko A 1:10

Ni n ma‑a chɛ fɔ‑a, n mbe ee ka a ma‑a na tea tea ɔ, mɔ gbu n ni to n na. Chɛɛ n mbe a ma tena wan ka, Yataa faa ni chima n na. Ni n toen ni tun mɔ gbu n faa ma koe an na, n nii che ma‑a tima chɛ a, Chasi 'a wai chɛ mɔɛ a.

Gboo Kadesia Ko A 2:7

Chɛɛ an na‑a a ɔ yen fan, mbɛ Yataa ban‑da gbɛ n ya a, sakana bai chɛndɛ chɛ ɔ yian koe mɔɛ n na, miin ma Chu mɔ a. A maen fan mu dechee, yɔ Yataa na‑a Pita ya buɛ min dɔ, a ɔ yian koe a mɔɛ chɛ n na, miin mu Chu mɔɛ a.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 6:6

Wo ma chɛ ma dechee an ya kɔɔɛ ma wan, an faa chima koe a mɔgbuya ɔ. Chɛɛ wo a ma, wo faa gbɛɛ a, yɔ Chasi 'a yɔnɛ nu, miin mbe Yataa faa ma koe ma.

Gboo Kɔdɔsai Ko A 3:22

Wo wan yɔnɛ nu, chia ɔ chia a, wo kooya be chɛ n ma, miin mu wo ti n na dunya chɛ ma. Wo ma a be dechee an ya kɔɔ wan, mɔ gbu n faa chima koe a dechee. Chɛɛ wo a be wo faa gbɛɛ a, Mansa Chisɔsi ma chianɛ ɛ wo ɔ.

1 TIMOTI 6:20

Timoti, fen chɛ bia i boo fea a, Yataa‑a fenɛ min be i ma. I ma i too ma sɔ wooya chia ɔ bɔɛ ma, chian mbe ee min dɔ Yataa ko a, mɔɛ dɔ n mbe min chee an dɔ yiimatɛ.

2 TIMOTI 1:14

Yataa Nyina 'a gbasaya ɔ, min mbe mmɔ fɛ, tea chɛ min been mu i ma, a bia i boo fea a.

2 TIMOTI 2:2

N na‑a i kan fan koe n sɛsɛ ma, a sin, mɔ sɛsɛ ni wan nɔ siiya a. An kan chɛ a ben mɔ dɔ mende n tena, miin danayaen mu, an ni mɔ dɔ mende n bɛɛ kan.

GBOO IBU MƆƐ N KO A 4:13

A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”