Gboo Saa Tɛsadonika Ko A 2:3 - Yataa 'a Dɔbɛnɛ Nama

³ Wo e a ɔ yen tena wan gbɛ, nn ni Yataa bai sa tena buɛ min dɔ. Nn ma saman ni, yiima yama nii nn dɔ, a sin to, nn ma wo bun ni.

Gboo Saa Tɛsadonika Ko A 2:3 ပူးပေါင်းရင်းမြစ်များ

CHISƆSI 'A SƆ MƆƐ NU 13:15

Mbɛ mɔɛ ban‑da sawa gboo chɛ kan‑da, Mosisi na‑a min nyɛn, a basan bai n na, Yataa 'a gbonka chɛ mɔɛ na‑a min nyɛn. Mbɛ ya ɔ sɔɛ chɛ nu, Chu n 'na samun chɛ chen chɛ a, an‑na sakana a ta Pɔɔ n tena, an dɔ te, “Nn suun ma nyɔɛ nu, ni bai ɔ bai ɛ wan wo da a, a fɔ koe, min mbe mɔɛ n faa ma nande, wo e ka a fɔ‑a.”

CHISƆSI 'A SƆ MƆƐ NU 4:36

A tɔmɔsi ni kamin dɔndɔ an na, min tɔ ni Chosɛfi. Chisɔsi 'a sɔ mɔɛ n ni an kamin chɛ chee, an dɔ, Banabasi, min fasaien ni, mɔɛ min mbe a bɔɛ n faa ma nande. A na‑a bɔ Difai dambi an dɔ. A sin na‑a suun Saipɔsi wan, yii tinɛ ɔ.

GBOO FEAN BƆƐ KƆYINDI KO A 11:13

An mɔɛ chɛ nu, fania mɔɛ nu mu, an fandi ya koe a sɔ mɔɛ n na. Wai chɛ mɔɛ n fan nɛ, miin mbe mɔɛ n bun, an mbe ben an fandi ya‑a mɔɛ n na, miin mu Chasi 'a sɔ mɔɛ n na.

GBOO FEAN BƆƐ KƆYINDI KO A 2:17

Koe min na mu, nn mbe ee ka yɔ mɔ sɛsɛ dɔ nu, miin mbe Yataa 'a bai ya, fen sɔn koe a a ɔ dechee. Chɛɛ Yataa an‑na nn sɔ. An fɛ mu, nn fan wai chɛ mɔɛ nu Chasi ye, nn mbe a 'a sakana bai ɔ yian tea chia a, a chen kɔɔ.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 4:5

Nn mbe sakana bai min dɔ yian, a ma si ni nn fandi an ma. Chɛɛ a gbu an nɛ, mbɛ Chisɔsi Chasi an mu mansa a. Nn tana sin gbɛ, nn mu wo 'a yɔnɛ n fan na, Chisɔsi ko a.

GBOO FEAN BƆƐ KƆYINDI KO A 6:8

Mɔɛ dɔ n mbe basɔmaya be wan nn ma, dɔ n sin mbe baa bɔ nn ma. Dɔ n mbe nn tɔɛ a dia, dɔ n sin mbe a yɔn. Mɔɛ dɔ n mbe nn ya fania fɔ mɔɛ n na. Chɛɛ chɛ gbɛɛ ɔ, nn mbe tea an fɔ.

GBOO FEAN BƆƐ KƆYINDI KO A 7:2

Kaina ni ma wo faa ɔ, nn ko a. Koe min na mu, nn ma baa ni mɔ ɔ mɔ ma, nn ma mɔ ɔ mɔ sɔ ni chia yama ma, nn ma mɔ ɔ mɔ kafa ni.

Gboo Saa Tɛsadonika Ko A 2:11

Wo‑a a ɔ sɔn fan, nn‑na wo bia buɛ min dɔ dɔndɔ dɔndɔɛ a, yɔ fa n bɛ denɛ n na.

Gboo Saa Tɛsadonika Ko A 4:7

Yataa ma mmɔ chee ni a ta mɔɛ n na, ma koe a fɔɛ yama an dɔ. Chɛɛ ma koe a mu tenchen a ko a.

GBOO FEAN BƆƐ TƐSADONIKA KO A 2:11

Chɛ an‑na a ma, Yataa‑a gbasaya be, an bun koe a. Chɛ ni a ma, an ni dan fania chɛ gbɛɛ a.

2 PITA 1:16

Nn‑na a ɔ yian fan wo a, mbɛ mmɔ 'a mansa Chisɔsi Chasi ɛ na‑a wan gbasaya wa ɔ. Nn‑na a 'a gbasaya ɔ yen fan nn ya gbu a. Nn nii ma chɛ tɛ ni nn gboo an ma.