Gboo Saa Tɛsadonika Ko A 2:16 - Yataa 'a Dɔbɛnɛ Nama

¹⁶ Nn ni sakana bai chɛ sa wan, mɔɛ chɛ n tena, miin ma Chu mɔ a. Chɛ an ni a ma, an mbe bauncha ma sɔn Yataa a. An‑na butuin chɛ wan, min mbe a ma, nn ni sɛmbɛ chɛ ma koe a to. Chɛ gbu‑a a ma gbɛ, an 'na ko yama maenɛ da fa‑a gban. A sin, Yataa ɛ a faatɛ a bɔ tena gbɛ an ma, mbɛ a sin ɛ ko ma gbaaenɛ si‑a wan an na.

Gboo Saa Tɛsadonika Ko A 2:16 ပူးပေါင်းရင်းမြစ်များ

MATIU 12:45

Chɛɛ ɛ a bɔ nyina yama wɔnfea chee wan, miin yau an ni ben a ma, mbɛ an gbɛɛ ma‑a kamin chɛ fɛ. Chɛ‑a a ma wan gbɛ, kamin chɛ ma buɛ ni yaua‑a kaka, a ni ben a kɔma ma. Ɛ ma‑a ka wan wo ko yama ma mɔɛ bonda chɛ sima n na, wo wɛn mbe ka ban‑da n dɔ.”

MATIU 23:32

Wo wo bemba n ta bemba n 'na wai a ban fan gbɛ, an na‑a wai min kuu sɔ suun.

MATIU 24:14

Mbɛ a sin, sakana bai chɛndɛ chɛ, a si Yataa 'a mansaya ma, mɔɛ n mbe a ɔ yian‑da wan mɔɛ gbɛɛ a dunya gbɛɛ ɔ. Chɛ ɛ a ma‑a wan, mɔɛ n ni sakana bai chɛndɛ chɛ a min chɛnyɛ koɛ kan kɔ kan dɔ. A sin, a tima a mu dechee, dunya ɛ danka‑a.”

MATIU 24:6

Wo e chɛɛ ma tɔɛ a min‑da wan wo a tindanɛ, wo ni chɛɛ ma tɔɛ a min pɔɔ. Koe chɛ n mbe ma‑a wan, chɛɛ wo ma chian. Chɛ ni ma wɛɛ, a ee a ɔ yian, mbɛ tima che‑a dunya ban koe a.

MATIU 3:12

Ɛ mɔ gbu gbɛɛ gbɛmbo‑a wan. Ɛ mɔ gbu chɛndɛ n bɔ‑a wan a yama n ya a, yɔ sɛnɛ sa mɔɛ ɛ fenɛ ɔ fɛ buɛ min dɔ, a pofe bɔ koe a a chɛndɛ ya a. Ɛ a pofe a dɛ‑a wan, mbɛ a‑a a chɛndɛ si tena ɔ bɛn. Ɛ mɔ yama n tɔɔya‑a wan kuɔ fɔ ta ɔ, yɔ mɔɛ ɛ a fonɛ minda buɛ min dɔ ta a.”

MAKI 16:16

Mɔɛ miin mbe an kai fa‑a n na, yii ni chɛ an kunɛ ɔ Yataa chia a, an mbe bauncha ma sɔn‑da wan. Chɛɛ mɔɛ miin mbe ee an kai fa‑a n na, Yataa ɛ kaa a tɛ‑a wan an bakoe ma, an ni ma tɔɔya ɔ.

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 14:5

Mbɛ mɔɛ dɔ nu, miin nii ma ka Chu mɔ a, an bɛ Chu mɔɛ dɔ n na, an‑na a siman fan, maumaya koe sɛ koe a an ma, an ni an ma bon bon senɛ a, aan an ni fa.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 19:9

Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.

CHISƆSI 'A SƆ MƆƐ NU 21:21

A sin, a fɔen fan mu an ye, mbɛ e ben tena Chu mɔɛ n gbɛɛ, miin mbe mɔɛ n 'na chɛnyɛ ɔ, miin ma Chu mɔ a, an kan‑da koe miin na. Mbɛ an ni an kan kɔ sɔ mmɔ 'a sawa chɛ n na, Yataa na‑a miin be Mosisi ma. An dɔ te to, i ɔ, an ma an 'na denɛ n na kamincha to, n mbe ee baa, Chu n 'na manda n na tachɛ koe a.

CHISƆSI 'A SƆ MƆƐ NU 23:12

Banda ɔ ka‑a kɛn, mbɛ Chu mɔɛ dɔ nu, an bɛn‑da, an‑na dɔbɛnɛ chɛ, a si Pɔɔ ma. Mbɛ an‑na an gboo, an dɔ, an mbe ee fen kɔ fen daun, an sin mbe ee yii wɛɛ min, aan an ni Pɔɔ fa.

CHISƆSI 'A SƆ MƆƐ NU 24:9

Chu mɔɛ chɛ n bɛɛ‑a toa si wan a da a bai dɔndɔ gbe chɛ kɔɔ, an dɔ, a gbɛɛ ɛ ka wan.

CHISƆSI 'A SƆ MƆƐ NU 25:2

A che‑a kɛn Chuusaɛn, Chu n tɛ mɔɛ nu Yataa a, an 'na mansa nu, ni Chu n ya ɔ sɔɛ nu, an‑na a ɔ yian Kɔfana Fesɔsi a, mbɛ Pɔɔ‑a sawa sɛsɛ yɔn fan. An‑na Kɔfana Fesɔsi disa wan,

CHISƆSI 'A SƆ MƆƐ NU 25:7

An na‑a kɛn Pɔɔ a, Chu mɔɛ miin ka‑a Chuusaɛn duu ɔ, an sɔ‑a wan gbɛɛ Pɔɔ 'a tindanɛ. Mbɛ an Chu mɔɛ n bun‑da kun sɛsɛ si‑a Pɔɔ kun ma, an nii che toa si‑a miin kɔɔ.

CHISƆSI 'A SƆ MƆƐ NU 4:12

Yataa‑a gbasaya be Chisɔsi dɔndɔ gbe an ma, a ma koe a mɔ gbu gbɛɛ ni bauncha ma sɔn. Yataa ma tɔ dɔ mende a bɔ ni to dunya chɛ ɔ, mmɔ ɛ min chee bauncha ma sɔn koe a, a fɔ dechee Chisɔsi dɔndɔ gbe.”

CHISƆSI 'A SƆ MƆƐ NU 9:23

Tee sɛsɛ bendenɛ gbakɔ, Chu mɔɛ n bɛn‑da wan kaina dɔndɔ, mbɛ an‑na a ɔ bɛn Sɔɔ fa koe a,

GBOO SAA KƆYINDI KO A 10:33

Wo koe n ma dechee, yɔ n mbe a ma buɛ min dɔ. N mbe butuinɛ chɛ wan mɔ ɔ mɔ faa chima koe a, n tachɛ buɛ gbɛɛ ɔ. N mbe ee n yii na chii, n fandi a tɔnɔnɛ an ko a. Chɛɛ tɔnɔnɛ chɛ mu, mɔɛ gbɛɛ ko a, an ni bauncha ma sɔn.

Gboo Kadesia Ko A 5:11

Chɛɛ n suun ma nyɔɛ nu Chasi ɔ, n tana, n‑na n boo bɔ kanɛ chɛ koe a, mbɛ ni mɔɛ a ma kamincha ni, a ee ya mɔ tandenɛ a Yataa tena. Chɛ an fɛ mu, an mbe tun ko yawaenɛ sa‑a n ma. Ni chɛ sin ko a mu, Chu mɔɛ n faa nii tɛ‑a n ma, ni n ni mɔɛ n kan, a si an na kamincha koe an ma. Chɛɛ n mbe mɔɛ n kan, a si Chisɔsi 'a saya an ma, kɔn gbengbandenɛ ma.

Gboo Ɛfisɔsi Ko A 3:13

Chɛ an fɛ mu, wo dimu, wo faa ma yɔn, a si tɔɔya chɛ ma, n mbe min chɛ tena wo ko a. A gbu sin ni na basɔmaya a wo tena.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

GBOO FEAN BƆƐ TƐSADONIKA KO A 2:10

Ɛ chia yama sɛsɛ ya‑a wan, a ni mɔɛ n bun. Mɔɛ chɛ nu, miin mbe na‑a kasaa‑a. An mbe kasaa‑a koe min na, an ma an boo si ni tea bai kɔɔ, a si Chisɔsi ma. A ma to ni a 'a tea a, min mbe a ma, an ni bauncha ma sɔn.

1 TIMOTI 2:4

A mu min na, a toen mu mɔ ɔ mɔ ni tea chia sɔn, mɔ ɔ mɔ ni bauncha ma sɔn.

GBOO IBU MƆƐ N KO A 6:8

Chɛɛ ni an duu gboo chɛ, wai nyan‑da a ma, a basan binɛ a, duu gboo a tenden ma. A to‑a ɛnden fan na, Yataa ni a danka, a sin, ta an mbe a kasaa‑a.

KO Ɔ NUNDENƐ 22:11

Chɛ an fɛ mu, ko yama ma mɔɛ chɛ n gbɛɛ, an ni a a tun ko yama ma a. Mɔɛ chɛ n gbɛɛ ko tɛ‑a, an ni a a tun ko yama yama tɛ a. Mɔɛ chɛ n sin, miin mbe ko chɛndɛ ma, an ni a a tun ko chɛndɛ ma koe a. Mɔɛ chɛ n bɛɛ, miin mbe tenchen Yataa ko a, an ni a a tun ma koe a a ko a.”