Gboo Saa Tɛsadonika Ko A 2:1 - Yataa 'a Dɔbɛnɛ Nama

¹ Nn suun ma nyɔɛ nu Chasi ɔ, wo wandi a ɔ sɔn fan, mbɛ nn na‑a min chɛ‑a nɛ, mbɛ na yama ma.

Gboo Saa Tɛsadonika Ko A 2:1 ပူးပေါင်းရင်းမြစ်များ

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO SAA KƆYINDI KO A 15:2

An mu sakana bai chɛndɛ a, min mbe che wo baun‑da, ni wo‑a a a tun wo boo si koe a a kɔɔ. Ni wo ma chɛ an ma ni, wo kai faen fan mu fuu Chisɔsi Chasi a.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Kadesia Ko A 2:2

Chisɔsi na‑a koe min dɔ yian n na, an na‑a a ma, n sɛ‑a Chuusaɛn. A sin, n‑na a sa wan an kɔɔ, chɛɛ nn dechee ni bɛnɛ ɔ, nn bɛ an 'na gbakoo n na. N‑na sakana bai chɛndɛ chɛ ɔ yian an na, n na‑a min dɔ yian mɔɛ chɛ n na, miin ma Chu mɔ a. N‑na chɛ ma, min mbe a ma, n‑na wai min chɛ, a ma na to n ma gbama gbama a.

Gboo Kadesia Ko A 4:11

N mbe faagbaa an dɔ, mbɛ n tɔɔya‑a wo ko a fuu.

Gboo Fiipai Ko A 2:16

Bai chɛ, min mbe fɔɛ be, wo a bia wo boo fea a. Chɛ an mbe a ma‑a Chasi na tee ma, n bu ɔ diama an mbe ma‑a, n kunɛ kɔɔ sɔenɛ ɛ, mbɛ n ma bui chɛ ni gbama a, n ma sɛchɛ chɛ ni gbama a, wo tɛ ɔ.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

Gboo Saa Tɛsadonika Ko A 3:5

N nii ma a ɔ sɔn, wo ni gbɛ buɛ min dɔ. Ni wo ni wan tun sɔ ɔ gban, Chasi ko a. Chɛ ma, ni Sitana kun‑da wan wo ma, wo ni wo kan kɔ sɔ Chasi a. Mbɛ nn 'na wai nyima gbɛɛ, a ma‑a fufafuu a. N ma che ni to chɛ ɔ bia‑a. Chɛ an fɛ mu, n‑na Timoti a na wo tena, a ni a gba bɔ.

GBOO FEAN BƆƐ TƐSADONIKA KO A 1:10

Chɛ an mbe ma‑a, ɛ na‑a tima min na an tee wa chɛ ma, tando ma sɔn koe a, a basan basɔmaya a. A ma sɔn koe a, a ka a ta mɔɛ chɛ n gbɛɛ a, miin kai faen mu a a. Wo wɛɛ, wo e ma‑a wan an tɛ ɔ. Koe min na mu, wo‑a wo kai fa sakana bai chɛ a, nn‑na min fɔ wo ye.

GBOO FEAN BƆƐ TƐSADONIKA KO A 3:1

A danka a gbɛ, nn suun ma nyɔɛ nu Chasi ɔ, wo samunɛ chɛ nn ko a. An mbe a ma, sakana bai chɛ, a si Mansa Chisɔsi ma, a tɛ ma tɛ, a ni fasan a ɔ ben‑da bui chɛ bui chɛ a. A sin to, mɔɛ n ni an boo a si a kɔɔ basɔmaya a, yɔ wo‑a a ma buɛ min dɔ.