Gboo Saa Tɛsadonika Ko A 1:9 - Yataa 'a Dɔbɛnɛ Nama

⁹ Mɔɛ chɛ n gbɛɛ mbe wan bai sa‑a, a si nn bia buɛ ma, wo boo ɔ, nn na‑a wo kɔndɔn‑da tima min na. A yɛ to, a si wo‑a wo kan kɔ sɔ buɛ min dɔ fen chɛ n na, miin ma Yataa a. Wo‑a chɛ ma tea Yataa an fai koe a, min mbe ma‑a nɔ kuɔ fɔ ko a.

Gboo Saa Tɛsadonika Ko A 1:9 ပူးပေါင်းရင်းမြစ်များ

MATIU 16:16

Mbɛ Saimɔn Pita ɔ, “I mu Chasi an na, nn kun ka mansa. Yataa min mbe ee fa kuɔ fɔ ko a, a 'a denɛ mu i wan na.”

CHISƆSI 'A SƆ MƆƐ NU 14:15

“N bɔ nu, wo toen mu wo ni ko bonda chɛ ma, fen ko a? Nn bɛɛ, mɔ gbu mu nn na, yɔ wo e ka buɛ min dɔ. Nn mbe nɛ, sakana bai chɛndɛ chɛ ɔ yian koe a wo a, wo ni wo boo bɔ tataya ko bonda chɛ n dɔ. Wo ni wo ya a mun Yataa ma, min mbe ee fa kuɔ fɔ ko a. A wan‑na banda a dan, an fea duu gboo a, kɔ yii wɛɛ, a basan fen kɔ fen na, miin be an dɔ.

GBOO DOMI KO A 9:26

A ɔ, a sin, an kaina chɛ gbu, Yataa na‑a a fɔ kaina an ye, mbɛ a 'a mɔ ma an na, a ɔ, a wan Yataa ɛ a fɔ‑a to an kaina dɔndɔ gbe chɛ wan an ye, a ɔ, a wan Yataa min mbe ee fa kuɔ fɔ ko a, a ɔ, a 'a denɛ mu an na.

GBOO SAA KƆYINDI KO A 12:2

Wo‑a a ɔ sɔn fan, mbɛ tima min na wo nii ma Yataa sɔn, wo‑a a ɔ sɔn fan wo ni min ma. An‑na wo ka wan a ma, chia sɛsɛ a, wo e ben fenɛ n fai‑a, miin mbe ee koɔ.

Gboo Saa Tɛsadonika Ko A 2:1

Nn suun ma nyɔɛ nu Chasi ɔ, wo wandi a ɔ sɔn fan, mbɛ nn na‑a min chɛ‑a nɛ, mbɛ na yama ma.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

1 TIMOTI 4:10

Chɛ an fɛ mu, mmɔ ɛ tɔɔ, mmɔ ɛ sɛchɛ kaka. Koe min na mu, mmɔ yiima gbɛɛ a tɛen mu Yataa an ma. A ee chinɔ ɛnden bɛɛ a, ɛ mmɔ baun, a bɛbɛɛ mmɔ wɛn danden mu a a.

GBOO IBU MƆƐ N KO A 12:22

Chɛɛ wo‑a min ma gbɛ, wo na‑a Sayɔn kɔnkɔɛ kɔɔ, wo na‑a duu wa chɛ ɔ Yataa tena, min mbe ee fa kuɔ fɔ ko a. Wo na‑a Chuusaɛn, min mbe banda bu ɔ, maeka wu sɛsɛ n mbe kaina min, buɔdia ɔ.

1 CHƆN 5:21

N 'na denɛ nu, wo ma a ma, fen kɔ fen bakoe ni ben Yataa ma, wo faa n dɔ.

KO Ɔ NUNDENƐ 17:2

A ɔ, “Mansa wa chɛ nu dunya chɛ ɔ, an‑na waa ma basan fan an duu dia chɛ a.” A ɔ, “Mɔɛ miin sin gbɛɛ an mbe dunya ɔ, an‑na a 'a gbɛ yama chɛ min fan, min mbe yiinachii yama ma munda, a bɛbɛɛ ko tɛ. An gbɛ chɛ sin‑na an bia wan.”