Gboo Saa Tɛsadonika Ko A 1:5 - Yataa 'a Dɔbɛnɛ Nama

⁵ A mu min na, nn‑na sakana bai chɛndɛ chɛ ɔ yian wo a, a si Chisɔsi Chasi ma. Nn ma a ɔ yian ni dechee nn da n fan dɔ. Chɛɛ Yataa Nyina an bɛɛ ni ka wai chɛ‑a gbasaya wa ɔ. A sin, nn danden fan ni a a, mbɛ nn mbe tea bai n fan fɔ. Wo sin gbu na‑a nn yen fan, mmɔ bɛ ni tima min na, nn ni fɔɛ min nyɔn sima ɔ. Nn‑na chɛ gbɛɛ ma, basan koe an na wo ma.

Gboo Saa Tɛsadonika Ko A 1:5 ပူးပေါင်းရင်းမြစ်များ

MAKI 16:20

Mbɛ a fɛ denɛ n ta‑a kan kɔ kan, an mbe ben‑da sakana bai chɛndɛ chɛ ɔ yian‑da mɔɛ n na. Mansa Chisɔsi sin basan‑da wan an ma, an 'na wai gbɛɛ ɔ. A sin, a‑a a ɔ yian tɔmɔsi n dɔ, miin ni yen an 'na sakana bai gbaa chia a, mbɛ an mbe tea chia an na.]

DUKU 1:1

Koe miin ma‑a suun, mɔ sɛsɛ n ya‑a a ɔ yen fan, a ka a kuu sɔ tena. An mɔɛ chɛ n dɔ n sin, an‑na an koe n na ben fan nn tena. Koe min na mu, Yataa 'a sakana a ben mɔɛ ni an na. Mɔɛ dɔ nu, miin‑na koe chɛ n na min, an si‑a wan, an‑na a nyɛn gboo ɔ.

CHISƆSI 'A SƆ MƆƐ NU 11:21

A sin, Mansa Yataa 'a gbasaya ni wan an kun ma. Mɔ sɛsɛ sin‑na an kai fa wan Mansa Chisɔsi a, mbɛ an‑na an ya a mun a ma.

CHISƆSI 'A SƆ MƆƐ NU 16:14

Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

GBOO DOMI KO A 1:16

N 'na danaya Yataa 'a sakana bai chɛndɛ chɛ a, a da faenɛ mu gban. Koe min na mu, Yataa 'a gbasaya ɛ wan sakana bai chɛ ɔ. Chia mu an na, Yataa ɛ a 'a mɔɛ n baun min na, a 'a mɔɛ chɛ n gbɛɛ, miin‑na an kai fa Chisɔsi a. A saa mu Chu mɔɛ n fan na, mbɛ chɛ n bɛɛ, miin ma Chu mɔ a, an na‑a an gbaa chia a.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 2:16

Chɛ an fɛ mu, koe chɛ n gbɛɛ ɛ ma‑a wan tee chɛ ma, Yataa ɛ a ma‑a tee min na Chisɔsi Chasi ni kaa tɛ koe ma, miin mbe nun dɔ mɔɛ n yiima ɔ. N mbe bai chɛ an fɔ tena mɔɛ n ye, sakana bai chɛndɛ chɛ ɔ, n mbe min dɔ yian ka.

GBOO SAA KƆYINDI KO A 1:24

Chɛɛ mɔɛ dɔ n‑na a ɔ sɔn fan, mbɛ Chasi chɛ, an mu Yataa 'a gbasaya a, an mu a 'a yiimatɛ a. Mɔɛ chɛ nu, Yataa‑a miin chee bauncha ma sɔn koe a. An ni ma Chu mɔ a, an ma ma Chu mɔ a, an‑na chɛ ɔ sɔn fan.

GBOO SAA KƆYINDI KO A 10:33

Wo koe n ma dechee, yɔ n mbe a ma buɛ min dɔ. N mbe butuinɛ chɛ wan mɔ ɔ mɔ faa chima koe a, n tachɛ buɛ gbɛɛ ɔ. N mbe ee n yii na chii, n fandi a tɔnɔnɛ an ko a. Chɛɛ tɔnɔnɛ chɛ mu, mɔɛ gbɛɛ ko a, an ni bauncha ma sɔn.

GBOO SAA KƆYINDI KO A 3:16

Wo gbu sin‑na a ɔ sɔn fan, mbɛ wo gbɛɛ mu Yataa 'a chenɛ an na. A sin, Yataa Nyina ɛ wan wo tɛ ɔ.

GBOO SAA KƆYINDI KO A 3:6

N fan‑na wai chɛ kuu sɔ, mbɛ Apɔdɔsi‑a toa si a kɔɔ. Chɛɛ Yataa wandi gbu an‑na a ma, a ta‑a ya ɔ ma.

GBOO SAA KƆYINDI KO A 4:20

Koe min na mu, Yataa 'a mansaya wakoe, a ee dechee mɔ da an dɔ, chɛɛ a gbasaya gbu ɛ ma wan nɔ.

GBOO SAA KƆYINDI KO A 9:14

A chia dɔndɔ gbe chɛ a, Mansa Chisɔsi‑a chɛ an fɔ, a si a 'a sakana bai chɛndɛ ɔ yian mɔɛ n ma. Mbɛ an bɛɛ, mɔɛ miin mbe an sakana bai chɛ a min, an ni an ma koe chɛ.

GBOO FEAN BƆƐ KƆYINDI KO A 3:6

An‑na a ma nn ma‑a wai chɛ mɔɛ chɛndɛ n na, Yataa 'a dɔbɛn nama chɛ ko a. Dɔbɛn nama chɛ sin, sawa ma min nyɛnden mu, chɛɛ Yataa Nyina mu. Sawa min nyɛnden mu, ɛ na saya an na, chɛɛ Yataa Nyina ta na, ɛ na fɔɛ an na.

Gboo Kadesia Ko A 2:2

Chisɔsi na‑a koe min dɔ yian n na, an na‑a a ma, n sɛ‑a Chuusaɛn. A sin, n‑na a sa wan an kɔɔ, chɛɛ nn dechee ni bɛnɛ ɔ, nn bɛ an 'na gbakoo n na. N‑na sakana bai chɛndɛ chɛ ɔ yian an na, n na‑a min dɔ yian mɔɛ chɛ n na, miin ma Chu mɔ a. N‑na chɛ ma, min mbe a ma, n‑na wai min chɛ, a ma na to n ma gbama gbama a.

Gboo Kadesia Ko A 5:5

Koe min na mu, mmɔ tana, Yataa Nyina 'a gbasaya ɔ, yiinatɛ ɛ ka mmɔ wɛn dɔ, mbɛ Yataa ɛ mmɔ ya wan mɔ tandenɛ n na, a tena. Mmɔ kai faenɛ ɛ Chasi a, mbɛ chɛ ɛ ma‑a wan.

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Ɛfisɔsi Ko A 3:20

Mmɔ Yataa tando, min 'na gbasaya ɛ wai chɛ tena mmɔ ɔ. A gbasaya ɛ wan Yataa boo ɔ, koe n ma koe a mmɔ yii nii miin dɔ. Ɛ koe n ma wan, miin koo an ni ben chɛ n ma, mmɔ ɛ a ɔ tisa miin ma koe a.

Gboo Fiipai Ko A 2:13

Koe min na mu, Yataa an mbe wai chɛ tena wo ɔ. A wan mbe a ma tena, wo ma bɛndenɛ ɛ kooya be koe a a ma. A sin, ɛ gbasaya chɛ wo ɔ, a faa ma koe ma koe a.

Gboo Fiipai Ko A 4:9

Ko ɔ ko, wo‑a n yen miin ma‑a, wo‑a miin kan, an to‑a wo yii ma, wo an ma. An ni ma n da a bai n na, chɛ ma, an ni ma n chɛ chɛ wai n na. A sin, Yataa min mbe faa chima be mmɔ ma, ɛ ma‑a wan wo kɔ.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

Gboo Saa Tɛsadonika Ko A 2:13

Nn mbe Yataa wai bɔ tena ko dɔndɔ an ko a, tima ɔ tima. Nn na‑a a 'a sakana bai chɛ ɔ yian wo a tima min na, wo‑a wo boo si wan a kɔɔ. Wo ma a ya ni da a bai gbama a. Chɛɛ wo‑a a ya, a wan Yataa 'a sakana bai an na. A gbu sin mu an na. A sin mbe wai tena wo a, wo wɛn kai faen mu Chasi a.

GBOO FEAN BƆƐ TƐSADONIKA KO A 2:14

Nn ni sakana bai chɛndɛ min sa ka wo tena, Yataa na‑a wo chee an dɔ, bauncha chɛ ma sɔn koe a. A na‑a wo chee, min mbe a ma, a ni basɔmaya be wo ma, yɔ a na‑a min nyɔn sima be mmɔ 'a mansa Chisɔsi Chasi ma.

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

2 TIMOTI 2:8

I yii ni to Chisɔsi Chasi kɔ, min bɔ‑a Mansa Defidi 'a dambi ɔ, a yɛ to, a wɛn kɔɔ sɔ‑a a ka saya ɔ. Sakana bai chɛndɛ chɛ, n mbe min kan, a‑a a fɔ ka wan.

GBOO IBU MƆƐ N KO A 10:22

Chɛ an fɛ mu, mmɔ na Yataa baima, faa chɛndɛ a, a yɛ to, mmɔ kai faenɛ a a gban. Mmɔ faa ɔ gbɛenɛ ni ma, mmɔ yiima a koenɛ ɛ fo, mmɔ gboo wɛɛ ma koenɛ, mmɔ gbɛenɛ fo.

GBOO IBU MƆƐ N KO A 6:11

Nn toen mu wo gbɛɛ, wo ni butuin dɔndɔ gbe chɛ chɛ wo faa gbɛɛ a, aan wo 'a fɔɛ danka a. Chɛ an mbe a ma, wo yii na tɛen mu koe miin ma, wo ni an ma sɔn.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

1 PITA 1:3

Tando ni be Yataa ma. A wan mu Mansa Chisɔsi Chasi fa a, ni a 'a Yataa. Koe min na mu, a chinchin‑da wan mmɔ ma a ɔ benden ba a. Chɛ‑a a ma wan, mmɔ‑a fɔɛ nama ma sɔn. Chisɔsi Chasi na‑a a kɔɔ sɔ wan a ka saya ɔ. Chɛ naen mu gbɛ yiinatɛ ɔ benden ba an na mmɔ tena.

1 PITA 5:3

Wo ma ma mansa n na mɔɛ chɛ n kun ma, Yataa‑a miin be wo ma an kun ma fɛn koe a. Chɛɛ wo sɔnɛ ni ma tɔmɔsi chɛndɛ a an tena, a nyin an ni bea min fɛ.

2 PITA 1:10

Chɛ an‑na a fɔ, n suun ma nyɔɛ nu Chasi ɔ, wo butuinɛ chɛ wo sɔɛ gbɛ a. Wo ni a ɔ yian, mbɛ Yataa‑a wo chee min chɛ, a‑a a boo min sɔ wo ma, ma koe a a ta mɔɛ n na, kuɔ fɔ koe mu. Chɛ sin mbe a ma‑a wan, wo ee sɛmbɛ‑a wo kai fa koe a Yataa a.

2 PITA 1:19

Chɛ an fɛ mu gbɛ mmɔ gbu 'a danaya gbu ɔ gbɛa‑a gbɛ, sakana bai chɛ a, Yataa 'a gbonka chɛ mɔɛ n na‑a min dɔ yian suun. Ɛ nyan‑da wan wo ko a, ni wo‑a wo too ma sɔ a ma. Koe min na mu, ɛ wan yɔ dambo manɛ si ɔ pimbi pimbi ɔ. Ɛ ma wan man‑da aan banda ɔ ni ka, mbɛ sayi ma tɔmbuaka man‑da wo faa ɔ, min mu Chisɔsi wandi a.