GBOO DOMI KO A 9:3 - Yataa 'a Dɔbɛnɛ Nama

³ Chɛ ɛ ma tena n na, n suun ma nyɔɛ n fan ko a, Chu mɔɛ nu, n chɛnyɛ mɔɛ nu. Ni chɛ ɛ ma wan demanɛ a an tena, ɛ ma wan n 'na yiinachii ɔ, n fandi gbu, Yataa ni n danka, mbɛ nn fea tɛ du‑a Chasi a, an ko a.

GBOO DOMI KO A 9:3 ပူးပေါင်းရင်းမြစ်များ

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

CHISƆSI 'A SƆ MƆƐ NU 22:5

Chu n tɛ mɔ wa Yataa a, ni Chu kuti wa ɔ mɔɛ n gbɛɛ, an mbe kun fan an ni siiya bɔ chɛ ma. N‑na gboo nyɛndenɛ ma sɔn, a ka an fan na, ta koe a mmɔ suun ma nyɔɛ n tena, Damasikɔsi duu ɔ. A sin, n ni ta tena nɔ, chɛ n bɛɛ bia koe an na, n ni na an na, an chiienɛ ɛ, Chuusaɛn duu ɔ, an tɔɔya koe a.

CHISƆSI 'A SƆ MƆƐ NU 28:21

Mbɛ an dɔ a ma, an dɔ, “Nn ma‑a gboo nyɛnden kan kɔ kan ma sɔn ni, a ka Chudia chɛnyɛ ɔ, a si i ma. A yɛ to, mmɔ suun ma nyɔ kan kɔ kan, a ma ka ni nɔ, a ni na i 'a siibia a, chɛ ma, a ni bai yama ɔ yian, a si i ma.

GBOO DOMI KO A 1:3

An sakana bai chɛ sien mu a 'a denɛ an ma. A 'a den chɛ a 'a mɔgbuya ta fɛ chia sin, min sien mu a ma, a bɔ‑a Mansa Defidi 'a dambi ɔ wan.

GBOO DOMI KO A 11:1

Chɛɛ n mbe chɛ an fɔ tena gbɛ. Yataa nii ma Isɔɛɛ mɔɛ n na yɛ ni a boo kɔ. A nii ma chɛ ma ni ɛnden bɛɛ a. N fandi gbu wɛɛ, Isɔɛɛ mɔɛ mu n na. Ebeami an mu n bemba a. N bɔ‑a Bɛnchamin 'na dambi an dɔ.

GBOO DOMI KO A 11:14

Kɔkɔɛ chɛ ɛ che‑a wan a ma‑a, n ta mɔɛ nu, miin mu Chu n na, n ni a ma toomaya ni chɛ an faa ɔ. Chɛ ɛ a ma‑a wan, an dɔ n ni bauncha ma sɔn.

GBOO DOMI KO A 16:11

N bɔ Chu mɔɛ chɛ wɛɛ, Ɛdɔdiɔn, n mbe a kɔndɔn tena. Chisian chɛ n gbɛɛ, miin mbe Nasisɔsi 'a chenɛ a, n mbe an kɔndɔn tena.

GBOO DOMI KO A 16:21

Timoti, nn fea ɛ wai chɛ min na, a‑a wo kɔndɔn ka. N bɔɛ Chu mɔɛ chɛ n bɛɛ, Dusiɔsi, ni Chason, ni Sosipata, an‑na wo kɔndɔn ka.

GBOO DOMI KO A 16:7

Andɔnikɔsi an fea Chunia, n mbe an bɛɛ kɔndɔn tena. N bɔ Chu mɔɛ n fan nɛ, nn bɛ ni miin na pimbi chenɛ a. Chisɔsi 'a sɔ mɔɛ nu, an‑na an sɔn fan chɛndɛ chɛ. An sin pɛn pɛn na‑a an kai fa Chisɔsi Chasi a, n ya ɔ.

GBOO DOMI KO A 9:2

N 'na chinchincha koo, mɔnɛ wɛɛ ee ban n faa ɔ.

GBOO SAA KƆYINDI KO A 12:3

Sanche gbɛ, n toen mu wo ni chɛ an dɔ sɔn. Mbɛ mɔ ɔ mɔ, Yataa Nyina ɛ min fɛ, a ee Chisɔsi main. A sin, mɔ ɔ mɔ ee a bɔ a da ɔ, a ni Chisɔsi chee mansa a, ni Yataa Nyina ma a sɔ ni chia ma.

GBOO SAA KƆYINDI KO A 16:22

Mɔ ɔ mɔ, Mansa Chisɔsi ko a ee dia min ye, danka ni ma a fɛ. Mansa Chisɔsi, na wɛ nn ye.

GBOO FEAN BƆƐ KƆYINDI KO A 12:15

Ɛ ma wan buɔdia n ma, n ni n boo fenɛ gbɛɛ be, a basan n fandi gbu wɛɛ a, basan koe a wo ma. N mbe chɛ ma‑a wan, n 'na koadia kun ma ɛ sa‑a wan wo ko a, n ta ma ni dɔɔya wɛɛ wo faa ɔ.

Gboo Kadesia Ko A 1:8

Chɛɛ an ni a fɔ wɛɛ, nn fan, nn ni sakana bai dɔ mende sa, a si Chisɔsi ma, Yataa ni nn danka kuɔ fɔ ko a. Chɛ ma, maeka gbu wɛɛ, min ka‑a banda bu ɔ, ni a wɛɛ‑a chɛ ma, danka ni ma a ma kuɔ fɔ ko a.

Gboo Kadesia Ko A 1:9

Nn‑na min fɔ wo ye tee, n mbe ka to an fɔ tena wo ye. Ni mɔ ɔ mɔ‑a sakana bai chɛndɛ dɔ mende sa wo tena, a ka chɛ ma wo na‑a wo boo si ka min kɔɔ, Yataa ni a mɔɛ chɛ danka kuɔ fɔ ko a.

Gboo Kadesia Ko A 3:10

Mɔɛ gbɛɛ, miin too ma sɔen mu Mosisi 'a sawa ma, an tan koe a Yataa chen kɔɔ, an mbe Yataa 'a danka an kɔɔ. Koe min na mu, Yataa 'a gboo ɔ te, a ɔ, “Yataa ɛ mɔ ɔ mɔ danka‑a wan, min mbe ee don‑da koe chɛ n gbɛɛ kɔɔ, miin mbe a 'a sawa gboo ɔ, a ni an gbɛɛ ma.”

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Ɛfisɔsi Ko A 6:5

Wo wan yɔnɛ nu, wo kooya be wo ti n ma. Wo chian an ma, a sin, masamba ni ma wo ɔ an ko a. Wo kooya be an ma wo faa gbɛɛ a, yɔ wo e a be buɛ min dɔ Chisɔsi Chasi ma.