GBOO DOMI KO A 7:4 - Yataa 'a Dɔbɛnɛ Nama

⁴ N suun ma nyɔɛ nu Chasi ɔ, wo wɛɛ ɛ ka wan. Sawa ta fɛ chia a, a maen fan mu dechee yɔ wo wɛɛ na‑a fa wan. Chasi‑a saya min chɛ, a‑a a ma yɔ wo wɛɛ fa‑a sawa tena. A sin sanche gbɛ, wo e Chasi an ko a, min kɔɔ sɔ‑a saya ɔ. Chɛ ma‑a, min mbe a ma, mmɔ ni gbɔɛ be Yataa ko a.

GBOO DOMI KO A 7:4 ပူးပေါင်းရင်းမြစ်များ

MATIU 26:26

An mbe kɛn daun chɛ chɛ‑a, Chisɔsi‑a biidi dɔndɔ ya. Mbɛ a‑a Yataa ɔ tisa, a ni biidi chɛ dua. Mbɛ a‑a a ɔ kai kai, mbɛ a‑a a du du an ma, ɛ ta‑a a fɔ‑a, a ɔ, “N fandi gbu, n gboo an nɛ. Wo a bia, wo ni a daun.”

MAKI 4:20

Chɛɛ mɔɛ dɔ n sin mbe wan yɔ duu gboo chɛndɛ chɛ, chin fen kuu n bea‑a ka min ma. An gbɔ‑a wan wɔsɔkɔɔ. Dɔ n gbaa ni wan an kansanɛ ma chɛmɛ dɔndɔ, dɔ nu bi wɔdɔ, dɔ n sin ni bi sawa. Mɔɛ chɛ n bɛɛ ɛ ka wan, miin mbe sakana bai chɛndɛ chɛ a min, mbɛ an‑na a sa an faa ɔ chɛndɛ chɛ, mbɛ an‑na a ma, yɔ sakana bai chɛ‑a a fɔ buɛ min dɔ an ye, a ma koe a.”

CHƆN 15:8

Wo e ko chɛndɛ min ma‑a, ni an da a koa‑a, wo e ma‑a ka a ɔ yian fan na, mbɛ n fɛ denɛ mu wo a. An ko chɛndɛ chɛ n sin mbe a ɔ yian‑da wan to mɔɛ n na, Fa kamayaen mu buɛ min dɔ.

CHƆN 3:29

Sɛnama tana, musu fuu kai an ta mu a a. Chɛɛ an kai chɛ bɔɛ tana, min mbe ta a ya ɔ, dɔbɛn chɛ koe a, a too an ma sɔenɛ ɛ ma dechee. A bu ɔ dia‑a wan, ni a‑a musu fuu kai gbu kuiɛ a min. N ta buɔdia da faen mu ka wan gbɛ.

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

GBOO DOMI KO A 6:11

A chia dɔndɔ gbe chɛ a, wo wɛɛ ni wo wandi ya gbɛ mɔ faenɛ n na, ko yama 'a gbasaya ee to wo kun ma. Chɛɛ wo e gbɛ fɔɛ min dɔ, wo e Yataa an ko a, mɔ dɔndɔɛ mu gbɛ wo a Chisɔsi Chasi a.

GBOO DOMI KO A 6:14

Wo ma dɔn to ko yama ni gbasaya sɔn wo kun ma. Wo ee sawa chɛ an kɔɔ, chɛɛ wo e Yataa 'a koadia demanɛ an kɔɔ.

GBOO DOMI KO A 6:2

Tea ko a, chɛ ee ma. Ni ko yama ma koe mu to, mbɛ mmɔ faenɛ mu gbɛ. Mmɔ ee kun to ma‑a fɔɛ ɔ, mmɔ ɛ ta‑a ko yama ma‑a tun tun.

GBOO DOMI KO A 6:22

Chɛɛ sanche chɛ ɔ, wo kun bɔ‑a wo 'a ko yama n dɔ, wo ma‑a gbɛ Yataa 'a yɔnɛ n na. Wo 'a fɔɛ chɛ ɔ gbɛ, wo e gbɛ tenchen Yataa an ko a. Chɛ sin tɔnɔnɛ mu kuɔ fɔ fɔɛ an na wo ko a.

GBOO DOMI KO A 7:3

Chɛ an fɛ mu, a chɛɛ ɛ wɛ fɔɛ ɔ tima min na, a ee kai dɔ gbɛɛ sɔn. Ni a‑a chɛ ma, mɔɛ n mbe a chee ko tɛ musu an na. Chɛɛ sawa‑a min fɔ, ni a chɛɛ fa‑a, a ee to musu si sawa chɛ kɔɔ. Ni an musu chɛ‑a kai dɔ gbɛɛ sɔn, mɔɛ n mbe ee a chee ko tɛ musu a.

GBOO DOMI KO A 7:6

A ni ma boo ɔ boo gbɛ sanche chɛ ɔ, mmɔ kunɛ bɔen fan mu gbɛ sawa chɛ boo ɔ. Koe min na mu, mmɔ fa‑a sawa ta fɛ chia a, min na‑a mmɔ bia pimbi chenɛ a. Mmɔ ee ma‑a to Yataa ko a, chia chɛ n na, sawa nyɛnden chɛ‑a min fɔ. Chɛɛ kuɔ fɔ ko a gbɛ, mmɔ ɛ ma‑a gbɛ chia nama an na, chia chɛ, Yataa Nyina‑a mmɔ sɔ min ma.

GBOO DOMI KO A 8:2

A mu min na, Chisɔsi Chasi 'a gbasaya ɔ, mmɔ kunɛ bɔ‑a ko yama 'a gbasaya ɔ, min mbe na saya a. Yataa Nyina min mbe fɔɛ chɛndɛ be, an‑na a ma chɛ ma‑a.

GBOO SAA KƆYINDI KO A 10:16

Ni mmɔ ma‑a Mansa Chisɔsi 'a tebu chɛ ma, a yɛ to, ni mmɔ ma‑a gbɛ min‑da kɔpu chɛ ɔ, mmɔ‑a Yataa fai min dua koe a, mmɔ ɛ ma ka Chasi wii an ma sɔn‑da kuiɛ dɔndɔya ɔ. A sin to, ni mmɔ‑a biidi ɔ kai, mmɔ ni a daun, mmɔ ɛ ma‑a ka Chasi gboo an ma sɔn‑da kuiɛ dɔndɔya ɔ.

GBOO FEAN BƆƐ KƆYINDI KO A 11:2

N faa gbaaen mu kaka wo ko a, yɔ Yataa faa gbaaen mu buɛ min dɔ. Koe min na mu, wo e wan yɔ sɛnama, min ma kai koe ɔ sɔn. N‑na wo yan mɔ dɔndɔ gbe an ko a, min mu Chasi a.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Kadesia Ko A 5:18

Chɛɛ ni Yataa Nyina‑a wo sɔ chia ma, mbɛ wo ee to sawa kɔɔ.

Gboo Ɛfisɔsi Ko A 2:15

a‑a Chu sawa n ka wan an gba n dɔ, ni koe chɛ nu, sawa chɛ ni miin din mɔɛ n ma, an ma koe a. A toen ni, a ni Chu mɔɛ n na gbuu, an bɛ mɔɛ n na, miin ma Chu mɔ a, an ni ma mɔ nama dɔndɔɛ a, a wan Chasi ɔ. Chia chɛ a mu, a na‑a kuiɛ dɔndɔya a an tɛ ɔ.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 4:17

An ma a fɔ ni, mbɛ n toen mu dechee wo boo fenɛ n fan ma sɔn koe a. Chɛɛ n toen mu n ni a ɔ yen, Yataa ni wo deman, basan koe chɛ a n ma.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Kɔdɔsai Ko A 1:22

Chɛɛ sanche gbɛ, wo ma‑a gbɛ Yataa dia nyɔɛ n na, min mbe a ma, wo ni ma gbɛ tenchen a ko a, mabɔɛ sima wɛɛ ma na ma wo ma, a chen kɔɔ. A‑a chɛ ma saya chɛ an dɔ, Chasi‑a min chɛ kɔn gbengbandenɛ ma, mɔgbuya gboo ɔ.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

Gboo Kɔdɔsai Ko A 2:14

A‑a mmɔ kun ka wan, a bɔ mmɔ 'a ko yama n dɔ, Yataa ni mmɔ gbɛmbo‑a miin ko a. A‑a saya min chɛ kɔn gbengbandenɛ ma, Yataa‑a a boo bɔ nɔ wan an ko yama chɛ n dɔ.

Gboo Kɔdɔsai Ko A 2:20

Wo bɛ Chasi a, wo wan fa‑a dɔndɔ a, mbɛ nyina yama n 'na gbasaya ee to wo kun ma dunya ɔ. Chɛ an fɛ mu, ko ɔ ko ma a ma to, wo ni bea dunya chɛ ɔ fɔɛ fɛ, ko ɔ ko ma a ma, wo ni bea a ɔ sawa n fɛ.

GBOO IBU MƆƐ N KO A 10:10

Chisɔsi ni Yataa faa ma koe an ma. A sin, a chia chɛ a mu, mmɔ ma‑a tenchen Yataa ko a. Chisɔsi na‑a a wandi gboo min be yasi a, gba dɔndɔ gbe, a ma ma ni to fea, an na‑a a ma chɛ ma‑a.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.

KO Ɔ NUNDENƐ 19:7

Mmɔ bu ɔ ni dia, mmɔ ni buɔdia wa bɔ, mmɔ ni basɔmaya be a ma. Sa tɔngbɔɛ 'a musu fuu tima che‑a, a sin, a 'a sɛnama‑a a ma bɛn, a fuu koe gbu a.

KO Ɔ NUNDENƐ 21:9

Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”