GBOO DOMI KO A 5:2 - Yataa 'a Dɔbɛnɛ Nama

² Mmɔ 'a danaya chɛ ko a Yataa a, Chasi‑a a ma, mmɔ boo kun‑da Yataa 'a koadia deman chɛ ma, min mbe ka mmɔ ko a sanche. Mmɔ ɛ buɔdia bɔ wan gbɛ sanche, koe min na mu, mmɔ yii na tɛen fan mu gbɛ, mbɛ Yataa sɔnɛ dɔ ɛ ma‑a wan mmɔ ɔ ya ɔ ma.

GBOO DOMI KO A 5:2 ပူးပေါင်းရင်းမြစ်များ

MATIU 25:21

Mbɛ a ɔ, ‘En wai. Mɔ chɛndɛ mu i a, i sin‑na a ɔ yian n na, mbɛ i danayaen mu kɔpɔ ɛnden bɛɛ kun ma. Chɛ ko a, n mbe kɔpɔ sɛmbɛnden be‑a wan i ma, i ni a kun ma fɛn. Na, mɔ ni buɔdia bɔ.’

CHƆN 10:7

Chɛ‑a a ma wan, mbɛ Chisɔsi ɔ, “Ka n mbe chɛ ma din wo tena. N mbe wan dechee yɔ sa kuii chɛ da, sa chɛ n mbe don min na, an mbe bɔ.

CHƆN 10:9

N fan mu sa kuii chɛ da a. Ni mɔ ɔ mɔ ben‑da n tena chia a, a ni don, a mɔɛ chɛ ɛ kun ka ma sɔn‑da wan. Ɛ don‑da wan, a ni bɔ, a faa ma a. A sin mbe a daun fenɛ ma sɔn‑da wan.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHISƆSI 'A SƆ MƆƐ NU 14:27

An sin, an che‑a kɛn Andiɔki duu ɔ, an‑na chɔchi mɔɛ chɛ n gbɛɛ a kan fan kaina dɔndɔ, mbɛ an si‑a ko ɔ ko ma, an‑na a ɔ yian, Yataa‑a miin chɛ an ye. A yɛ to, Yataa‑a chia sa buɛ min dɔ mɔɛ chɛ n ko a, miin ma Chu mɔ a, an kai fa koe a Chisɔsi a.

GBOO DOMI KO A 11:20

Tea gbu mu chɛ a. Chɛɛ an ma danɛ min chɛ ni Yataa a, an‑na a ma, an wagban‑da a ma. Wo tana sin, wo chii‑a gban a ma, koe min na mu, wo danda a a. Chɛɛ wo ma dɔpandaya bɔ, a si chɛ ma. Wo e min ma, chianɛ ni ma wo ɔ Yataa ko a.

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

GBOO DOMI KO A 14:4

Yataa 'a yɔnɛ n fan nɛ, i wan ta ma an na. Gbasaya kan kɔ kan mbe ee i boo ɔ, kaa a tɛ koe a mɔ dɔ mende a yɔnɛ sɔnɛ ma. Gbasaya ɛ an yɔnɛ chɛ kun ti an boo ɔ, kaa a tɛ koe a a sɔn chɛndɛ ma, a basan a yama a. A sin, an yɔnɛ chɛ chenɛ ɛ sɔ‑a wan gban, koe min na mu, Mansa Yataa an mbe a ma‑a a ni sɔ.

GBOO DOMI KO A 15:13

Yataa, min‑na yiinatɛ chɛ be, a ni buɔdia be wo ma. Yataa, a ni faachima be wo ma. A ni koe chɛ n ma wo ye, koe min na mu, wo kai faen mu an na. Yiinatɛ chɛ ma ni mun‑da wo ɔ kaka, Yataa Nyina 'a gbasaya ɔ.

GBOO DOMI KO A 2:7

Mɔɛ dɔ nu, an mbe ko chɛndɛ an ma tima ɔ tima, an mbe Yataa 'a dua yanɛ a, a 'a tando, a basan kuɔ fɔ fɔɛ a, ɛ min be. An mɔɛ chɛ nu, Yataa ɛ an kuɔ fɔ fɔɛ be‑a wan an ma.

GBOO DOMI KO A 3:23

A mu min na, mɔ gbu gbɛɛ‑a ko yama ma, a sin, mɔ gbu gbɛɛ ma bɔ ni Yataa faa ma chia a, an sɔnɛ n bɛɛ ka‑a Yataa ta fɛ.

GBOO DOMI KO A 5:5

Yiinatɛ chɛ mmɔ ɔ, a ee ma fania a, koe min na mu, Yataa 'a koadia koo mmɔ faa an dɔ. Yataa Nyina, min mbe mmɔ fɛ, Yataa wandi‑a min be mmɔ ma, an‑na koadia chɛ chɛ mmɔ ɔ.

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

GBOO DOMI KO A 8:24

Koe min na mu, a ka mmɔ 'a bauncha ma sɔn tima ma, yiinatɛ chɛ an mbe mmɔ ɔ. Chɛɛ mmɔ yii na tɛen mu fenɛ min ma, ni mmɔ‑a a yen gbɛ, mbɛ mmɔ yii ee che to ma‑a a kɔ. Koe min na mu, mɔ yii ee che ma‑a fenɛ kɔ, mmɔ ban‑da min yen‑da.

GBOO SAA KƆYINDI KO A 15:1

N suun ma nyɔɛ nu Chasi ɔ, ka n mbe chɛ puin gbɛ wo yii ma, a si sakana bai chɛndɛ chɛ ma, n ni min fɔ wo ye. Wo na‑a min na min, a sin, wo 'a kaifa gbu Chisɔsi a, a kuu sien mu an ma gbau gbau.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ KƆYINDI KO A 4:17

Nn mbe ko gbɛama miin dɔ bia tena ka sanche, ɛndenɛ mu, a sin, an dɔ ee mɛ tena. Chɛ an mbe na‑a kuɔ fɔ tɔnɔnɛ wa an na, min benden mu kaka ko gbɛama chɛ n ma.

Gboo Ɛfisɔsi Ko A 2:18

Chasi an‑na a ma, Chu mɔɛ nu, ni miin ma Chu mɔ a, mmɔ bɛ, mmɔ ɛ si mmɔ Fa Yataa chen kɔɔ. Mmɔ‑a chia chɛ ma sɔn Yataa Nyina 'a gbasaya an dɔ.

Gboo Ɛfisɔsi Ko A 3:12

Mmɔ kai faen fan mu a a, an fɛ mu, mmɔ dɔndɔɛ mu mmɔ a, mmɔ bɛ a a. Chia a kaen fan mu mmɔ ya ɔ Yataa tena, mmɔ sin mbe sɔ wan a chen kɔɔ, chian mbe ee ma mmɔ ya a.

Gboo Ɛfisɔsi Ko A 6:13

Chɛ an fɛ mu, wo wo ma chii gbae, Yataa 'a chɛɛ chɛ koe a. Chɛ an mbe a ma‑a, wo ni kun sɔ‑a gban, ko yama ma tee chɛ kɔɔ. A ni a ma, wo ni butuinɛ chɛ, aan a danka a, wo e sɔ ɔ chidi.

GBOO FEAN BƆƐ TƐSADONIKA KO A 2:16

Nn mbe samunɛ chɛ tena, Mansa Chisɔsi Chasi tena, an fea mmɔ Fa Yataa a, min toen mu mmɔ a. A sin, ɛ mmɔ faa ma nande tima ɔ tima ko a. Koe min na mu, a 'a koadia demanɛ, a ma mmɔ a bea ni kuɔ fɔ. A sin, a na‑a yiinatɛ be wan mmɔ ma chɛndɛ chɛ.

GBOO IBU MƆƐ N KO A 3:6

Chɛɛ Chasi tana, Yataa 'a denɛ mu a a, a danayaen mu, a sin mbe Yataa 'a chenɛ an kun ma. A sin, mmɔ wan mu Yataa 'a chenɛ a, ni mmɔ‑a mmɔ faa sɔ, mmɔ ni dan a a, mmɔ yii a ni tɛ a ma.

GBOO IBU MƆƐ N KO A 6:18

Chɛ ni a ma, mɔɛ n ni a ɔ yen, chia fea a, miin mbe ee mun, Yataa ɛ koe min ma. Yataa‑a a ɔ yian fan, mbɛ ko ee nɔ, min mbe a ma, a ni a da a kuiɛ yɔn. Chɛ ɛ a ma‑a wan, mmɔ wɛn na‑a bui‑a Chasi tena, mmɔ kun ma fɛn koe a, tooɔdia min mbe mmɔ ko a, mmɔ bu ɔ diama ɛ ma‑a wan, a bia koe a fɔin.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

KO Ɔ NUNDENƐ 21:11

An duu chɛ ni man tena wan, Yataa 'a manɛ a. A ni man tena taun, yɔ dɛmunɛ. Ɛ ma‑a mia mia yɔ mɛmɛ.

KO Ɔ NUNDENƐ 21:23

A sin, tee ma gbɔsɔ nii an duu chɛ ma, kau ma gbɔsɔɛ wɛɛ nii a ma. Koe min na mu, Yataa 'a manɛ ɛ wan a ɔ, a yɛ to, sa tɔngbɔɛ wɛɛ ɛ manɛ be wan a ma, yɔ dambo ɛ manɛ be buɛ min dɔ.

KO Ɔ NUNDENƐ 21:3

A sin, n‑na mɔɛ kuiɛ a min fan gbankon, a ka mansa sea chɛ tena, a ɔ, “A yen ko, Yataa waa ɛ ma tena gbɛ mɔ gbu n tɛ ɔ wan. An bɛ an mbe ma tena gbɛ an na, an sin mbe ma‑a a 'a mɔɛ n fan na. A wan Yataa wandi, ɛ ma‑a wan an tɛ ɔ, an mbe ma‑a an 'na Yataa a.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”