GBOO DOMI KO A 4:3 - Yataa 'a Dɔbɛnɛ Nama

³ Koe min na mu, Yataa 'a gboo‑a a fɔ wan, a ɔ, “Ebeami‑a a kai fa wan Yataa a. A sin, Yataa wɛɛ‑a a ya mɔ tandenɛ a a chen kɔɔ.”

GBOO DOMI KO A 4:3 ပူးပေါင်းရင်းမြစ်များ

MATIU 20:9

Mɔɛ miin danka‑a ka na‑a wai chɛ tena chɛ, a‑a an pawa tee dɔndɔ 'a pawa da faenɛ a gban.

MAKI 12:10

Ɛ wan n yii ma, mbɛ wo‑a a kan fan Yataa 'a gboo ɔ, a kaka min‑na a fɔ, a ɔ, ‘Chen sɔ mɔɛ n na‑a ban senɛ min dɔ, an dɔ, a ma nyin, an gbu ma‑a gbɛ senɛ kuu ba wandi a, chenɛ gbu ko a.

GBOO DOMI KO A 10:11

Ɛ wan dechee yɔ Yataa 'a gboo‑a a fɔ buɛ min dɔ, mbɛ mɔɛ min mbe a kai fa a a, a mɔɛ chɛ ee che‑a mau‑a.

GBOO DOMI KO A 11:2

Yataa ma ban ni a 'a mɔɛ chɛ n dɔ, a na‑a a boo sɔ ka miin ma kɛn suun, ma koe a a ta mɔɛ n na. Kai Idaicha na‑a gbonyɛ wan Yataa tena a si an ma. Wo‑a a ɔ sɔn fan a nyɛnden mu buɛ min dɔ an disa chɛ tena chɛ Yataa 'a gboo ɔ.

GBOO DOMI KO A 4:11

A gbakɔ ni gbɛ, Ebeami a kamincha‑a. A sin, a a kamincha koe chɛ, a ni tɔmɔsi an na, a ɔ yian koe a, mbɛ Yataa na‑a a ya pɛn mɔ tandenɛ a, a a e na to kamincha‑a. Chɛ sin na‑a ma, a ɔ yian koe a, mbɛ mɔɛ miin gbɛɛ an kai fa‑a Yataa a, mbɛ a‑a an ya mɔ tandenɛ n na a chen kɔɔ, an mɔɛ chɛ n mbe ma‑a dechee yɔ Ebeami 'a denɛ nu Yataa ta fɛ chia a. An mbe ma‑a wan ka Ebeami tena, an ni a fɔ an na ma kamincha nin bɛɛ.

GBOO DOMI KO A 4:5

Chɛɛ mmɔ mɔɛ yen bɛ, a e na a chɛ chɛ wai n ya, mbɛ an fan mbe a ya mɔ tandenɛ a, a ni a kai fa Yataa a. Mbɛ Yataa ɛ a yii na chii wan, an mɔɛ chɛ‑a a kai fa min chɛ a a. Ni an mɔɛ na‑a ko yama ma boo ɔ boo, Yataa ɛ a fɔ wan, a ɔ, a ma ko yama ma ni. Yataa ɛ an mɔɛ chɛ ya ka wan mɔ tandenɛ a.

GBOO DOMI KO A 4:9

Mansa Defidi na‑a bai sa ka a si dua min ma, a ee mɔɛ chɛ n dechee ko a, miin na kaminchaen mu. Chɛɛ ɛ wan chɛ n bɛɛ ko a, miin na ma kamincha ni. Mmɔ ban‑da a fɔ‑a, mbɛ Ebeami‑a a kai fa wan Yataa a, a sin, Yataa‑a a ya mɔ tandenɛ a a chen kɔɔ.

GBOO DOMI KO A 9:17

Koe min na mu, a nyɛnden fan mu Yataa 'a gboo ɔ, mbɛ Yataa na‑a Fɛdo ma Ichipi mansa a koe n fan ko a. A na‑a a ma mansa a, a ɔ yian koe an na, a wan Yataa gbasayaen mu buɛ min dɔ. A yɛ to, min mbe a ma, dunya gbɛɛ ni a wan Yataa 'a gbasaya chɛ ɔ yen.

CHIMISI 2:23

Chɛ na‑a a ma wan, Yataa 'a gboo na‑a bai min fɔ, a bɔ‑a a a. A ɔ, “Ebeami‑a a kai fa wan Yataa a. A sin, Yataa wɛɛ‑a a ya mɔ tandenɛ a a chen kɔɔ.” A yɛ to, Ebeami gbu chee‑a wan Yataa dia nyɔɛ a.

CHIMISI 4:5

Bai min nyɛndenɛ ɛ Yataa 'a gboo ɔ, wo ma a ya bai fuu a. A ɔ, Yataa‑a a Nyina min be mmɔ ma, a ɔ, toomaya an mbe a ɔ, mmɔ ma koe a Yataa ko a.