GBOO DOMI KO A 4:2 - Yataa 'a Dɔbɛnɛ Nama

² Ni Ebeami chɛ chɛ wai n fan na‑a a ma, mbɛ Yataa‑a a ya mɔ tandenɛ a, chɛ ni ma‑a yonkatɛ chia an na a boo ɔ mɔɛ n tena. Chɛɛ chia ee nɔ, ɛ yonka tɛ min na Yataa chen kɔɔ.

GBOO DOMI KO A 4:2 ပူးပေါင်းရင်းမြစ်များ

GBOO DOMI KO A 15:17

Chɛ an‑na a fɔ, n mbe Chisɔsi Chasi a sɛ, chia ɔ chia a, min sien mu Yataa ma.

GBOO SAA KƆYINDI KO A 1:29

Chɛ ni a ma, mɔ gbu kan kɔ kan mbe ee yonka tɛ Yataa chen kɔɔ.

GBOO SAA KƆYINDI KO A 1:31

Chɛ an‑na a fɔ, a nyɛnden fan mu Yataa 'a gboo ɔ, mbɛ mɔɛ min toen mu a ni yonka tɛ, a ni a tɛ koe a ma dechee, Mansa Yataa‑a min chɛ a ko a.

GBOO SAA KƆYINDI KO A 4:7

Wo ta mɔgbuya, a a ma sɛ ni, a ni ben mɔ ɔ mɔ ta ma ɛnden bɛɛ a. Fen kɔ fen min mbe wo boo ɔ, Yataa an‑na a be wo ma. Ni wo‑a an ma sɔn Yataa an na, tea kan kɔ kan mbe ee wo boo ɔ, yonka tɛ koe a, yɔ wo ma an ma sɔn ni an na gbama a.

GBOO SAA KƆYINDI KO A 9:16

N mbe sakana bai chɛndɛ min dɔ yian tena mɔɛ n na, a si Chisɔsi Chasi ma, an mbe ee che a ma‑a n ni yonka tɛ. A dinden fan mu n ma, a ma koe a ka. A sin, a ma ɛ chian‑da gba n ko a, ni n ma sakana bai chɛ ɔ yian ni mɔɛ n na.

GBOO FEAN BƆƐ KƆYINDI KO A 11:12

N sin mbe ka koe min na, n mbe an na tun‑da, a ma koe a. N mbe chɛ ma‑a wan, mɔɛ chɛ n kɔɔ bɔ koe a. Mɔɛ chɛ nu, miin mbe an fandi ya Chasi 'a sɔ mɔɛ n na, an ma chia sɔn, yonka tɛ‑a. An mbe ta‑a a fɔ‑a, an dɔ, nn bɛ an na, nn mbe wai dɔndɔɛ an na.

GBOO FEAN BƆƐ KƆYINDI KO A 11:30

Ni n mbe kun fan n ni yonka tɛ, n mbe yonka tɛ‑a, a si koe chɛ n fan ma, miin mbe a ɔ yian, mbɛ gbasaya ee n boo ɔ.

GBOO FEAN BƆƐ KƆYINDI KO A 5:12

Wo ma a yen, mbɛ nn mbe nn fandi pɛmbɛ tena wan to wo tena. Chɛɛ nn mbe ka min ma‑a, nn mbe dɔ yian chɛndɛ an chɛ tena wo a, min mbe a ma, wo ni yonka tɛ nn ma. Chɛ ni a ma, wo ni che mɔɛ dɔ n da a kuiɛ yɛman‑da. Mɔɛ dɔ nu, miin mbe yonka tɛ mɔɛ ma buɛ ma a gboo ma, an mbe ee na a tɛ a sɔnɛ ma.

Gboo Kadesia Ko A 3:22

Chɛɛ Yataa 'a gboo ɔ te, dunya gbɛɛ, ɛ ko yama 'a gbasaya an kɔɔ. Chɛ ko a, Yataa na‑a tooɔdia min chɛ, ɛ a be‑a chɛ n fan ma, miin mbe an kai fa‑a Chisɔsi Chasi a.

Gboo Ɛfisɔsi Ko A 2:9

Wo chɛ chɛ wai nu, an fan ma a ma ni, chɛ ni ma, ɛnden bɛɛ a, mɔ ɔ mɔ ma na yonka tɛ, a si a ma.

Gboo Fiipai Ko A 3:9

mbɛ nn fea ma‑a mɔ dɔndɔɛ a. N ni nn fan Chu n 'na sawa miin bia, an fan ma a ma ni, n ma‑a mɔ tandenɛ a Yataa chen kɔɔ. Chɛɛ min ma‑a, n‑na n kai fa wan Chasi a. Chɛ an‑na a ma dechee, Yataa‑a n ya mɔ tandenɛ a, a chen kɔɔ.