GBOO DOMI KO A 3:3 - Yataa 'a Dɔbɛnɛ Nama

³ Tea mu a a, mbɛ Chu mɔɛ dɔ n nii ma dan ni sakana bai chɛ a. Chɛɛ chɛ ma a ɔ yian ni, mbɛ Yataa ɛ a da a kuiɛ ka‑a wan a gba ɔ, koe min na mu, an dɔ n‑na chɛ ma.

GBOO DOMI KO A 3:3 ပူးပေါင်းရင်းမြစ်များ

MATIU 24:35

Dunya gbɛɛ ɛ ban‑da wan, chɛɛ n da a bai ee ka‑a a gba ɔ kuɔ fɔ ko a.”

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

GBOO DOMI KO A 10:16

Chɛɛ mɔɛ gbɛɛ ma, miin‑na an boo si sakana bai chɛndɛ chɛ kɔɔ. Kai Aisaya wandi gbu na‑a a fɔ wan, a ɔ, “Mansa Yataa, mɔ ɔ mɔ ma dan ni nn 'na sakana bai a, nn‑na min fɔ.”

GBOO DOMI KO A 11:29

Koe min na mu, ni Yataa ban‑da a boo sɔ‑a mɔɛ miin ma, a ban‑da a sɔ‑a an ma. Ni a‑a mɔɛ miin dua, a ban‑da an dua‑a. A ee a da a kuiɛ yɔn.

GBOO DOMI KO A 9:6

Chɛ ma a yian ni gbɛ, mbɛ Yataa na‑a an too ɔ dia koe miin chɛ koe a an ye, a ma an chɛ ni. Koe min na mu, a ma ma ni, mbɛ Isɔɛɛ mɔɛ n gbɛɛ mu mɔɛ n fan na, miin‑na Yataa sɔn. An dɔ n ma a sɔn.

GBOO FEAN BƆƐ KƆYINDI KO A 3:18

Mmɔ gbɛɛ sin, koa kan kɔ kan mbe ee to bun dɔ mmɔ ya a. Chɛ an fɛ mu, mmɔ ɛ Mansa 'a manɛ an na ta, yɔ mɛmɛ. Yataa Nyina sin, min mu Mansa chɛ a, ɛ a ma tena wan, mmɔ ma‑a tee ɔ tee a Yataa bɔ nyɔɛ a, manɛ ɔ.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

2 TIMOTI 2:13

Ni danaya ee mmɔ ɔ a ko a, ɛ a 'a danaya a tun fan, koe min na mu, a ee che a kan kɔ sɔ‑a a wandi a.

GBOO IBU MƆƐ N KO A 4:2

Koe min na mu, sakana bai chɛndɛ chɛ, a che‑a buɛ min dɔ mmɔ ma, a che‑a ka wan an bɛɛ ma. Chɛɛ an sakana bai chɛ, an‑na min na min, an ma tɔnɔnɛ sɔn ni a ɔ. Koe min na mu, a nii ma danaya tan ni an dɔ, min sima ni ma an dɔ.