GBOO DOMI KO A 3:2 - Yataa 'a Dɔbɛnɛ Nama

² Ma koe a Chu mɔɛ a, tɔnɔnɛ gbu an kɔkoo a ɔ chia sɛsɛ a. A saa mu min na, an nɛ, Yataa na‑a a 'a sakana bai gbɛɛ fɔ an fan ye.

GBOO DOMI KO A 3:2 ပူးပေါင်းရင်းမြစ်များ

CHƆN 5:39

Wo e Yataa 'a gboo kan fan chɛndɛ chɛ, koe min na mu, ɛ wo yii ma, an mbe a ma‑a, wo ni kuɔ fɔ fɔɛ ma sɔn. Bai miin gbu sin nyɛnden mu gboo chɛ ɔ, an sien mu n fan ma.

CHISƆSI 'A SƆ MƆƐ NU 7:38

Mosisi chɛ sin ni wan Isɔɛɛ mɔɛ n tɛ ɔ, an na sɔndenɛ ni tima min na fuinɛ ma. An bɛ ni nɔ mmɔ bemba n ta bemba n na, ni maeka chɛ wɛɛ, min koɔ‑a a tena Saina kɔnkɔɛ ɔ. A sin‑na Yataa 'a sakana bai ma sɔn fan, min mbe fɔɛ be, a a ben koe a mmɔ tena.

GBOO DOMI KO A 1:2

A 'a sakana bai chɛ, a na‑a a ma wan suun tima a gbɔɔ, a 'a gbonka chɛ mɔɛ n‑na tooɔdia chɛ a a. A sin nyɛnden fan mu a 'a gboo ɔ.

GBOO DOMI KO A 2:18

Wo e a fɔ wan to, mbɛ wo‑a a ɔ sɔn fan, Yataa toen mu koe miin na, a ma koe a. A sin, wo ɔ, sawa ban‑da wo kan‑da ko chɛndɛ n ma, wo e miin ma.

GBOO DOMI KO A 3:1

Mɔɛ dɔ n mbe tisa chɛ wan, ni ma koe a Chu mɔɛ a, ni tɔnɔnɛ ɛ wan a ɔ, a ben ma koe a mɔɛ a, min ma Chu mɔ a. Chɛ ma, ni tɔnɔn kan kɔ kan mbe wan a ɔ, mɔ gbu a kamincha koe a.

GBOO DOMI KO A 3:3

Tea mu a a, mbɛ Chu mɔɛ dɔ n nii ma dan ni sakana bai chɛ a. Chɛɛ chɛ ma a ɔ yian ni, mbɛ Yataa ɛ a da a kuiɛ ka‑a wan a gba ɔ, koe min na mu, an dɔ n‑na chɛ ma.

GBOO DOMI KO A 9:4

An mu Isɔɛɛ mɔɛ n fan na, Yataa‑a a boo sɔ miin ma, a ɔ, a ta mɔɛ mu an na. A na‑a an ma wan a 'a denɛ n na, mbɛ a‑a a ɔ yian an na, a kamayaen mu buɛ min dɔ. A na‑a a 'a dɔbɛnɛ n chɛ wan an na, mbɛ a‑a a 'a sawa wɛɛ be Mosisi ma an ko a. Yataa na‑a a ɔ yian fan to an na, an mbe a fai buɛ min dɔ teaya ɔ. Yataa na‑a tooɔdia sɛsɛ chɛ wan an na.

GBOO SAA KƆYINDI KO A 9:17

N mbe ka wai min chɛ‑a, ni n fandi kun ma a ni, n ni pawa ɔ tisa‑a wan. Chɛɛ a ee ka wan. N mbe wai chɛ chɛ tena, koe min na mu, Yataa wandi an‑na n sɔ a chɛ koe a.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

Gboo Kadesia Ko A 2:7

Chɛɛ an na‑a a ɔ yen fan, mbɛ Yataa ban‑da gbɛ n ya a, sakana bai chɛndɛ chɛ ɔ yian koe mɔɛ n na, miin ma Chu mɔ a. A maen fan mu dechee, yɔ Yataa na‑a Pita ya buɛ min dɔ, a ɔ yian koe a mɔɛ chɛ n na, miin mu Chu mɔɛ a.

1 TIMOTI 6:20

Timoti, fen chɛ bia i boo fea a, Yataa‑a fenɛ min be i ma. I ma i too ma sɔ wooya chia ɔ bɔɛ ma, chian mbe ee min dɔ Yataa ko a, mɔɛ dɔ n mbe min chee an dɔ yiimatɛ.

GBOO IBU MƆƐ N KO A 5:12

Tima chɛ gbu sin na gbɛ, a ni ma‑a ko ma kawaenɛ an na, ni wo ni wan gbɛ mɔ dɔ mende n kan‑da. Chɛɛ sanche wɛɛ, mɔɔ ni mɔ dɔ mende‑a wo kan, a nama a, a si Yataa bai kuu sɔ tena ma. Wo e wan dechee yɔ den toa nu, miin mbe a kuu sɔ susu yii ma, an mbe ee daun fen dɔ gbɛama daun.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 22:6

Mbɛ maeka chɛ‑a a fɔ n ye, a ɔ, “Bai chɛ n mu tea bai n fan na, a nyin mɔ ɔ mɔ ni dan miin na. Yataa Mansa an mbe a Nyina be a 'a gbonka chɛ mɔɛ n ma, min mbe a ma, an mbe a 'a sakana bai sa. A sin‑na a 'a maeka a na, a ni a ɔ yian mɔɛ n gbɛɛ a, miin mbe a ko a, koe miin mbe na tena ma‑a sanche.”