GBOO DOMI KO A 10:3 - Yataa 'a Dɔbɛnɛ Nama

³ Chɛɛ an ma a ɔ gbɛ ni, Yataa ɛ a ya buɛ min dɔ mɔɛ ni tan a tena. An‑na min ma, an bea‑a wan an ta sawa n fɛ, a si an mbe ma buɛ min dɔ an ni tan Yataa tena. An ma bea ni chia fɛ, Yataa ɛ mɔɛ ya buɛ min dɔ mɔ tandenɛ a a tena.

GBOO DOMI KO A 10:3 ပူးပေါင်းရင်းမြစ်များ

DUKU 10:29

Chɛɛ kamin chɛ nii ma to ni, a ni mau a bɔɛ n tena. Chɛ an fɛ ni, a‑a a fɔ to, a ɔ, “Nyɔn n gbu mu n 'na mɔɛ n na?”

DUKU 16:15

Mbɛ Chisɔsi ɔ, “Mɔɛ n mu wo a, miin mbe an fandi n ma mɔ chɛndɛ n na an bɔɛ n ya kɔɔ, chɛɛ Yataa‑a wo faa n dɔ sɔn fan. Mɔ gbu n mbe fenɛ min ya fen ma kawaenɛ a, an mu fen ma nyamuienɛ a Yataa tena.

GBOO DOMI KO A 1:17

Koe min na mu, sakana bai chɛndɛ chɛ ɛ a ɔ yian tena wan, Yataa ɛ a ma buɛ min dɔ, mmɔ ni tan a tena. Chɛ ee bɔ ko dɔ mende kan kɔ kan dɔ, mɔɔ dechee danaya dɔndɔ gbe Yataa a. Ɛ wan dechee, yɔ Yataa 'a gboo‑a a fɔ buɛ min dɔ, a ɔ, “Mɔɛ min mbe a kai fa‑a Yataa a, ɛ an ya mɔ tandenɛ a, a sin fan mbe kuɔ fɔ fɔɛ ma sɔn.”

GBOO DOMI KO A 10:2

N danden fan mu a a, mbɛ an‑na an fandi be wan Yataa ma. Chɛɛ an fandi be chɛ, a ma a ɔ yian ni, mbɛ an‑na Yataa wakoe ɔ gbɛ wan chɛndɛ chɛ.

GBOO DOMI KO A 10:20

Kai Aisaya nan gbu, a na‑a Yataa 'a gbonka chɛ wan faagbɛa wandi gbu a. A ɔ, Yataa na‑a a fɔ wan, a ɔ, mɔɛ miin nii an ya a kan tena Yataa a, a ɔ, an fan‑na a yen. A ɔ, a wan Yataa sin na‑a a wandi yian fan chɛ n na, miin nii a wakoe ɔ tisa tena.

GBOO DOMI KO A 11:7

Fen mu to? Isɔɛɛ mɔɛ n gbɛɛ ma fen chɛ yen ni, an ni min yan tena, mɔɔ dechee mɔ kuunden chɛ nu, Yataa na‑a miin ya a ta mɔɛ n na, an fan na‑a a yen. Yataa na‑a a ma wan, mɔɛ tɔɛ chɛ n‑na an boo don an too n dɔ, kɛn a ni an chee tena tima min na.

GBOO DOMI KO A 3:22

Yataa ɛ mmɔ ya wan mɔ tandenɛ n na a chen kɔɔ, ni mmɔ‑a mmɔ kai fa Chisɔsi Chasi a. Yataa ɛ chɛ ma wan mɔ ɔ mɔ ko a, min kai faen mu Chisɔsi a. Koe min na mu, a ni ma Chu mɔ a, a ma ma Chu mɔ a, Yataa ɛ mɔɛ gbɛɛ bia dɔndɔ gbe.

GBOO DOMI KO A 3:26

Chɛɛ sanche chɛ ɔ gbɛ, a ee a ya ka tena to mɔɛ n 'na ko yama n na. Chɛɛ ɛ a ɔ yian tena wan, mbɛ a wan mbe mɔ gbu ya dechee mɔ tandenɛ a. Ɛ ka a ɔ yian tena wan, mbɛ a wandi gbu tanden fan mu. A sin, ɛ mɔ ɔ mɔ ya wan mɔ tandenɛ a, mɔɛ min mbe i kai fa‑a Chisɔsi a.

GBOO DOMI KO A 5:19

Adami dɔndɔ gbe na‑a Yataa da a kuiɛ bɔ wan a ɔ, min na‑a a ma, mɔ sɛsɛ ma‑a ko yama ma mɔɛ n na. A ma‑a ka wan to, Chisɔsi dɔndɔ gbe dechee, an‑na Yataa da a kuiɛ a min, min‑na a ma, Yataa ɛ a a tun‑da wan mɔ sɛsɛ ya koe a mɔ tandenɛ n na.

GBOO FEAN BƆƐ KƆYINDI KO A 5:21

Mmɔ ko a ni, Yataa‑a ko yama gbɛɛ si Chasi kun ma. Chɛɛ Chasi chɛ nii ma ko yama kan kɔ kan ma ni. Yataa‑a chɛ ma, min mbe a ma, mmɔ ni ma mɔ tandenɛ a a chen kɔɔ. Koe min na mu, mmɔ ma‑a mmɔ dɔndɔɛ a Chasi a.

Gboo Fiipai Ko A 3:9

mbɛ nn fea ma‑a mɔ dɔndɔɛ a. N ni nn fan Chu n 'na sawa miin bia, an fan ma a ma ni, n ma‑a mɔ tandenɛ a Yataa chen kɔɔ. Chɛɛ min ma‑a, n‑na n kai fa wan Chasi a. Chɛ an‑na a ma dechee, Yataa‑a n ya mɔ tandenɛ a, a chen kɔɔ.

2 PITA 1:1

N fan, Saimɔn Pita, n fan mbe gboo chɛ nyɛn tena wo tena. Chisɔsi Chasi 'a wai chɛ mɔɛ mu n na, a 'a sɔ mɔɛ mu to n na. N mbe gboo chɛ nyɛn tena wo wan tena, wo wɛn danden mu Chasi a, yɔ nn mbe buɛ min dɔ. Mmɔ 'a Yataa mu an na, ni mmɔ baun mɔɛ, min‑na mmɔ ya mɔ tandenɛ a Yataa tena.