GBOO DOMI KO A 1:9 - Yataa 'a Dɔbɛnɛ Nama

⁹ Yataa an mu n 'na sii a, mbɛ n mbe bai min fɔ tena, tea bai mu. A sin, n mbe wai chɛ tena an ko a n faa gbɛɛ a. Sakana bai chɛ, a si a 'a denɛ ma, n mbe a ɔ yian‑da mɔɛ n na. Yataa‑a a ɔ sɔn fan, mbɛ wo e wan n 'na yiinachii ɔ tima ɔ tima ko a.

GBOO DOMI KO A 1:9 ပူးပေါင်းရင်းမြစ်များ

Gboo Ɛfisɔsi Ko A 6:18

Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.

GBOO DOMI KO A 9:1

N mbe ka tea bai an fɔ tena. N mbe ee fania fɔ tena, a mu min na, Chasi an ta mu n na. N 'na yiinachii gbu wɛɛ, an fea Yataa Nyina a, ɛ min 'na gbasaya kɔɔ, an dɔnden fan mu n 'na tea chɛ ma.

Gboo Saa Tɛsadonika Ko A 5:17

Wo samunɛ chɛ tima ɔ tima.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

Gboo Saa Tɛsadonika Ko A 3:10

Su ɔ tee a, nn mbe samunɛ chɛ tena wo ko a, nn faa gbɛɛ a. Nn mbe a ɔ tisa tena, a ni a ma mmɔ bɛ ni mmɔ nyɔn ye, nn ni wo deman chia dɔ n na, miin nyin wo 'a danaya ko a.

Gboo Saa Tɛsadonika Ko A 1:2

Tima ɔ tima ko a, wo e wan nn 'na samunɛ ɔ. Nn mbe Yataa fai wan wo gbɛɛ ko a.

Gboo Fiipai Ko A 3:3

Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.

Gboo Fiipai Ko A 1:4

A sin, tima ɔ tima, ni n ma‑a samunɛ chɛ‑a wo gbɛɛ ko a, n mbe a chɛ buɔdia an dɔ.

CHISƆSI 'A SƆ MƆƐ NU 27:23

Koe min na mu, kunun yɛɛ ma, Yataa min ta mu n na, a yɛ to, n mbe min fai, a 'a maeka ni wan sɔ ɔ n baima,

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

Gboo Fiipai Ko A 2:22

Chɛɛ wo wandi gbu, wo‑a a ɔ sɔn fan, ɛ buɛ min dɔ n tena. Ɛ wan n tena, yɔ denɛ n fea a fa a. Nn fea chɛ, nn‑na wai chɛ wan, sakana bai chɛndɛ chɛ ɔ yian koe a.

Gboo Kadesia Ko A 1:20

N mbe ka min nyɛn tena, wo tena, tea mu. N mbe ka a fɔ‑a Yataa chen kɔɔ wan.

GBOO FEAN BƆƐ KƆYINDI KO A 11:31

Tando ni be Yataa ma kuɔ fɔ ko a. A wan mu Mansa Chisɔsi Chasi fa a, ni a 'a Yataa. A‑a a ɔ sɔn fan, mbɛ n mbe ka tea an fɔ tena.

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

CHISƆSI 'A SƆ MƆƐ NU 12:5

Mbɛ an‑na Pita ma gban pimbi chenɛ a. Chɛɛ a tima chɛ a, chɔchi mɔɛ chɛ n ni wan Yataa fai‑a a ko a, an faa gbɛɛ a.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

DUKU 18:1

Tee dɔndɔ a, Chisɔsi‑a tai tɛ wan a fɛ denɛ n tena. Tai chɛ‑a a ɔ yian fan an na, mbɛ a nyin fan an ni samunɛ ma ti bia tima ɔ tima ko a. A yɛ to, an gboo ɔ ma fa samun chɛ a.

MAKI 1:1

Sakana bai chɛndɛ kuu sɔɛ an nɛ, a si Chisɔsi Chasi ma, Yataa 'a denɛ.

FIDEMƆN 1:4

N mbe Yataa wai bɔ wan tima ɔ tima, ni n‑na samunɛ chɛ i ko a, i wan Fidemɔn.

Gboo Fiipai Ko A 1:3

Tima ɔ tima, ni n‑na n yii na chii wo a, n mbe n 'na Yataa wai bɔ wan.