GBOO DOMI KO A 1:3 - Yataa 'a Dɔbɛnɛ Nama

³ An sakana bai chɛ sien mu a 'a denɛ an ma. A 'a den chɛ a 'a mɔgbuya ta fɛ chia sin, min sien mu a ma, a bɔ‑a Mansa Defidi 'a dambi ɔ wan.

GBOO DOMI KO A 1:3 ပူးပေါင်းရင်းမြစ်များ

MATIU 1:1

Chisɔsi bemba n ta bemba n fan nɛ. Chisɔsi bɔ‑a Mansa Defidi 'a dambi an dɔ, min bɛɛ bɔ‑a Ebeami 'a dambi ɔ.

MATIU 1:16

Chekɔpi an‑na Chosɛfi suun, min 'na musu ni Mɛi a, min na‑a Chisɔsi suun, an mbe min chee, an dɔ, Chasi, kunka mansa.

MATIU 1:6

Mbɛ Chɛsi‑a Mansa Defidi suun. Defidi an‑na Sɔɔmon suun, min de ni Wuyia 'a musu a.

MATIU 12:23

Mɔɛ miin gbɛɛ ni ka nɔ sɔ ɔ, an tɛnɛ‑a wan koe chɛ a. Mbɛ an dɔ an nyɔn ma, an dɔ, “O, mɔɛ min bɔ‑a Mansa Defidi 'a dambi ɔ, a wakoe fɔen fan mu. An mɔna chɛ an mbe na bɔ ka a 'a dambi ɔ?”

MATIU 15:22

Mbɛ a tima chɛ a, musu dɔndɔ ni wan an tanda chɛ ɔ, min ni Kenaan mɔɛ a. A na‑a wan Chisɔsi tena. A bun‑da yee tɛ‑a, a ɔ, “I wɛn bɔ‑a Mansa Defidi 'a dambi ɔ, chinchin n ma. Mansa, n 'na den musuma gbandien mu a yama boo a, nyina yama ɛ a tɔɔ tena.”

MATIU 26:63

Chɛɛ Chisɔsi ma bai ɔ bai fɔ ni, a‑a a ma maun fan. Mbɛ tɛ mɔ wa chɛ ɔ, “Tea fɔ nn ye, Yataa ko a, ni i wan mu Chasi a, kunka mansa chɛ a, Yataa 'a denɛ chɛ.”

MATIU 27:43

A danden fan mu a a, mbɛ Yataa ɛ wan a fɛ tima ɔ tima ko a. Mbɛ Yataa ni a wan Chisɔsi baun bɛ sanche, sanche, ni a toen fan mu a a. Koe min na mu, a ɔ, Yataa 'a denɛ mu an na.”

MATIU 3:17

Mbɛ a yen ko, kuiɛ a min‑da a ka banda bu ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a chɛndɛ chɛ.”

MATIU 9:27

Mbɛ Chisɔsi ben‑da nɔ ma, mbɛ a bun‑da ta‑a. Mbɛ fion tɔ fea nu, an‑na a sɔ a fɛ. An ni wan yee tɛ‑a gbankon, an dɔ, “I wɛn bɔ‑a Mansa Defidi 'a dambi ɔ, chinchin nn ma.”

DUKU 1:35

Mbɛ maeka chɛ ɔ, “Yataa Nyina an mbe ma‑a i fɛ, mbɛ Yataa Wa 'a gbasaya, a‑a a ma, i‑a bu ya. Chɛ an fɛ mu, e denɛ min suun‑da, ɛ ma‑a tenchen Yataa 'a wai an na. A sin, an mbe a chee‑a wan, an dɔ, Yataa 'a denɛ.

DUKU 1:69

Gbasaya tɔ wa, Yataa‑a a a na, mmɔ baun koe a. Mɔɛ chɛ kaen mu, a 'a yɔnɛ Defidi 'a dambi an dɔ,

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

CHƆN 1:34

A ɔ, “N‑na chɛ ɔ yen fan, a ma‑a,” a ɔ, “n sin mbe a fɔ tena gbɛ, mbɛ mɔɛ chɛ mu Yataa 'a denɛ an na.”

CHƆN 1:49

Natanɛɛ ɔ, “Kan mɔ,” a ɔ, “Yataa 'a denɛ chɛndɛ chɛndɛ mu i a,” a ɔ, “Isɔɛɛ mɔɛ n 'na mansa mu i a.”

CHƆN 10:30

Nn fea Fa a, mɔ dɔndɔɛ mu nn na.”

CHƆN 10:36

N tana, Fa an‑na n ya, a‑a n sɔ dunya chɛ ɔ. Chɛ an‑na a fɔ, wo ee kun, wo ni kunɛ si n kun ma, baa bɔ koe a a ma. Koe min na mu, n‑na a fɔ, n dɔ, a 'a denɛ mu n na.

CHƆN 20:28

Mbɛ a wan Tɔmɔsi ɔ gbɛ, a ɔ, “I wan mu n 'na mansa a, i wan mu n 'na Yataa a.”

CHƆN 20:31

Chɛɛ miin nyɛndenɛ ɛ ka gboo chɛ ɔ, an nyɛn‑da, min mbe a ma, wo ni wo kai fa Chisɔsi a, mbɛ a wan mu kunka mansa a. A yɛ to, mbɛ Yataa 'a denɛ mu a a, a sin, ni wo‑a wo kai fa a a, wo e kuɔ fɔ fɔɛ ma sɔn‑da wan.

CHƆN 5:25

Ka n mbe chɛ ma din wo tena, mbɛ tima ɛ che tena wan, a gbu sin che‑a, tima min na, mɔ faenɛ n mbe n kuiɛ a min‑da, n fan, Yataa 'a denɛ. An fɛn sin mbe an too ma sɔ‑a a ma, an mbe kuɔ fɔ fɔɛ ma sɔn‑da wan.

CHƆN 7:42

Yataa 'a gboo ɔ te, mbɛ kunka mansa ɛ na‑a bɔ‑a Mansa Defidi 'a dambi ɔ wan. A sin mbe suun‑da Chudia chɛnyɛ ɔ wan, Bɛtɛɛn duu ɔ, a wan Mansa Defidi waa a.”

CHISƆSI 'A SƆ MƆƐ NU 2:30

Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ.

CHISƆSI 'A SƆ MƆƐ NU 3:13

Ebeami ni Yataa min fai, Aisaki ni min fai, Chekɔpi wɛɛ ni min fai, mmɔ bemba n ta bemba n bɛɛ n‑na Yataa min fai, an‑na basɔmaya wa chɛ be a 'a wai chɛ mɔɛ Chisɔsi ma. Chɛɛ wo to‑a wan nɔ, wo‑a a bia, mbɛ wo‑a a be ya ɔ sɔɛ n ma. Mbɛ wo yɛ‑a, Kɔfana Padeti chen kɔɔ, a ni a yii na chii tena kɛn Chisɔsi chɛ boo ka koe a, wo‑a kɔɔsa bia chɛ wan a wakoe ma.

CHISƆSI 'A SƆ MƆƐ NU 8:36

Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

GBOO DOMI KO A 1:9

Yataa an mu n 'na sii a, mbɛ n mbe bai min fɔ tena, tea bai mu. A sin, n mbe wai chɛ tena an ko a n faa gbɛɛ a. Sakana bai chɛ, a si a 'a denɛ ma, n mbe a ɔ yian‑da mɔɛ n na. Yataa‑a a ɔ sɔn fan, mbɛ wo e wan n 'na yiinachii ɔ tima ɔ tima ko a.

GBOO DOMI KO A 4:1

A nyin gbɛ mmɔ ni bai sa, a si nn fan Chu n bɔ kɔnkɔɛ ma, nn bemba Ebeami, a na‑a miin dɔ yen.

GBOO DOMI KO A 9:3

Chɛ ɛ ma tena n na, n suun ma nyɔɛ n fan ko a, Chu mɔɛ nu, n chɛnyɛ mɔɛ nu. Ni chɛ ɛ ma wan demanɛ a an tena, ɛ ma wan n 'na yiinachii ɔ, n fandi gbu, Yataa ni n danka, mbɛ nn fea tɛ du‑a Chasi a, an ko a.

GBOO DOMI KO A 9:5

An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.

GBOO SAA KƆYINDI KO A 1:9

Yataa ee a da a kuiɛ yɔn. A wan‑na wo chee, ma koe a dia nyɔncha wa chɛ ɔ, wo bɛ a 'a denɛ a, Chisɔsi Chasi, mmɔ 'a mansa.

GBOO SAA KƆYINDI KO A 10:18

A sin, wo Isɔɛɛ mɔɛ n ma fɛn, ni an mbe koe miin ma. Ni an‑na soe chɛ n daun, an mbe min bɔ ka yasi n na Yataa tena, an mbe ma ka a ɔ yian fan na, mbɛ an bɛ mu Yataa 'a kuiɛ dɔndɔɛ ɔ.

Gboo Kadesia Ko A 4:4

Chɛɛ tima che‑a kɛn chɛndɛ chɛ, Yataa‑a a wandi gbu ta denɛ a na wan dunya ɔ. Musu an‑na a bu ya, mbɛ a‑a a suun mɔgbuya chia a. A sin, a ni sawa an kɔɔ, fɔɛ ɔ.

Gboo Saa Tɛsadonika Ko A 1:10

A sin, a 'a denɛ na koe, a ka banda bu ɔ, wo e a ma kɔn tena wan. A 'a denɛ Chisɔsi, a‑a a ma min na a kɔɔ sɔ, a ka saya ɔ. A 'a den chɛ sin fan‑na mmɔ kun ka, Yataa ma na faatɛ a bɔ mmɔ ma ya ɔ ma.

1 TIMOTI 2:5

Koe min na mu, Yataa ɛ dɔndɔ gbe. A sin, mɔ dɔndɔ gbe an mbe mmɔ tɛ mmɔ bɛ a a. A mɔɛ chɛ mu Chisɔsi Chasi an na,

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

2 TIMOTI 2:8

I yii ni to Chisɔsi Chasi kɔ, min bɔ‑a Mansa Defidi 'a dambi ɔ, a yɛ to, a wɛn kɔɔ sɔ‑a a ka saya ɔ. Sakana bai chɛndɛ chɛ, n mbe min kan, a‑a a fɔ ka wan.

1 CHƆN 1:3

Nn‑na koe min dɔ yen, nn‑na min na min nn too a, nn mbe ka an dɔ yian‑da wo a. Chɛ ɛ a ma‑a wan, mmɔ ni ma kuiɛ dɔndɔɛ ɔ, yɔ nn mbe buɛ min dɔ kuiɛ dɔndɔya ɔ, nn bɛ mmɔ Fa Yataa a, an fea a 'a denɛ Chisɔsi Chasi a.

1 CHƆN 3:23

A sin, a 'a sawa gbu an nɛ, mbɛ mmɔ ni mmɔ kai fa a 'a denɛ Chisɔsi Chasi a. A yɛ to, mmɔ ni to mmɔ nyɔn na, yɔ a 'a sawa‑a min fɔ mmɔ ye.

1 CHƆN 3:8

Sitana ɛ wan ko yama ma‑a tun, a ka dunya kuu sɔ tima ma. Chɛ an fɛ mu, mɔɛ chɛ min mbe a boo a chii‑a ko yama ma, Sitana 'a mɔɛ mu. Yataa 'a denɛ sin na‑a, min mbe a ma, a ni an Sitana 'a wai a fasan.

1 CHƆN 4:15

Ni mɔ ɔ mɔ‑a a fɔ den, mbɛ Chisɔsi mu Yataa 'a denɛ an na, a ma‑a mɔ dɔndɔɛ a, an fea Yataa a. Yataa wɛɛ, a ma‑a mɔ dɔndɔɛ a, an fea an mɔɛ chɛ a.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

1 CHƆN 5:5

Koe min na mu, mɔɛ min mbe kun dunya chɛ ma, an mu dechee mɔɛ chɛ a, min danden mu a a, mbɛ Chisɔsi mu Yataa 'a denɛ an na.

2 CHƆN 1:7

Fania fɔ mɔɛ sɛsɛ n mbe ben tena dunya ɔ. Mɔɛ nu, miin mbe ee dɔn a ma, mbɛ Chisɔsi Chasi na‑a wan dunya chɛ ɔ, mɔgbuya ɔ. An mɔ bonda chɛ nu, mɔ bun mɔɛ mu an na, Chasi chɛɛ ma nyɔɛ nu.

KO Ɔ NUNDENƐ 2:18

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Tiyatiya duu ɔ. A ɔ, “N fan, mɔɛ chɛ, n fɛn mu Yataa 'a denɛ a,” a ɔ, “n fɛn ya ɛ yɔ sanku manɛ, n chenɛ ɛ man‑da taun, yɔ kundu min bɔ‑a faa ta ɔ,” a ɔ, “n 'na sakana an nɛ.”