FIDEMƆN 1:1 - Yataa 'a Dɔbɛnɛ Nama

¹ N fan Pɔɔ, n fɛn mbe nɛ pimbi chenɛ a Chisɔsi Chasi ko a, n fan mbe gboo chɛ nyɛn tena i tena, i wan Fidemɔn. Nn mbe a nyɛn tena, nn fea Timoti an na, mmɔ suun ma nyɔɛ. Fidemɔn, nn wai chɛ nyɔɛ mu i a, i sin ko a di nn ye.

FIDEMƆN 1:1 ပူးပေါင်းရင်းမြစ်များ

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

GBOO SAA KƆYINDI KO A 3:9

Koe min na mu, nn mbe wai chɛ tena Yataa an ko a. Wo sin, wo e wan yɔ wo e a 'a yadi ɔ wan. A yɛ to, wo e wan bɛɛ yɔ a 'a chen sɔenɛ.

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

Gboo Kadesia Ko A 3:26

Koe min na mu, ni wo‑a wo kai fa Chisɔsi Chasi a, wo gbɛɛ mu Yataa 'a denɛ n fan na, wo gbɛɛ mu gbɛ mɔ dɔndɔɛ an na, wo bɛ Chisɔsi Chasi a.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 6:20

Koe min na mu, bai chɛ an ko a mu ka, n mbe sa ɔ pimbi chenɛ a. Wo samunɛ chɛ n ko a, min mbe a ma, n ni koɔ mɔɛ gbɛɛ tena, faagbɛa ɔ, yɔ a nyin n ni koɔ buɛ min dɔ.

Gboo Fiipai Ko A 1:1

N fan Pɔɔ, n fan mbe gboo chɛ nyɛn tena, nn fea Timoti a. Chisɔsi Chasi 'a wai chɛ mɔɛ mu nn na. Nn fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, miin ma‑a mɔ dɔndɔɛ a Chisɔsi Chasi a, Fiipai duu ɔ. A yɛ to, ni chɔchi ya ɔ sɔɛ n tena, an bɛ mɔɛ chɛ n na, miin mbe deman chɔchi ma.

Gboo Fiipai Ko A 2:25

N‑na n yii na chii wan a a, mbɛ a nyin fan n ni Ɛpafɔditɔsi a yɛ to wo tena. N suun ma nyɔɛ an nɛ, n bɔ soya mɔɛ, n bɔ wai chɛ mɔɛ Chasi ko a. A sin, wo‑a an sɔ, basan koe a n ma nɛ.

Gboo Fiipai Ko A 4:3

A sin, n mbe i wɛɛ ɔ tisa tena, i wɛn mbe wai chɛ tena danaya ɔ, n toen mu i ni musu fea chɛ n deman. Koe min na mu, an‑na toa si wan n kɔɔ, n 'na wai ɔ, sakana bai chɛ a ta koe a ya ɔ ma. An bɛ ni Kemendi a, a basan n bɔ wai chɛ mɔɛ tɔɛ n na. A sin, an tɔɛ ɛ wan gboo chɛ ɔ, mɔɛ n tɔɛ ɛ min dɔ, miin mbe kuɔ fɔ fɔɛ ma sɔn‑da.

Gboo Kɔdɔsai Ko A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a.

Gboo Kɔdɔsai Ko A 4:11

Chisɔsi chɛ wɛɛ, min tɔɛ mu ka to Chɔsitɔsi, a wɛɛ ɛ wo kɔndɔn tena. Nn bɛ ɛ wai chɛ mɔɛ miin gbɛɛ a, Yataa 'a mansaya ko a, an sawa chɛ dechee, an fan mu Chu mɔɛ n na. A sin, tima ɔ tima ko a, an bakoe mu buɔdia wa an na n tena.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

GBOO FEAN BƆƐ TƐSADONIKA KO A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena, pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

FIDEMƆN 1:23

Nn fea mu nɛ Ɛpafasi a, pimbi chenɛ a, Chisɔsi Chasi ko a. A ni i kɔndɔn.

FIDEMƆN 1:24

Chɛ n bɛɛ, n bɔɛ wai chɛ mɔɛ Maki, ni Ayisitakɔsi, ni Demasi, a basan Duku a, an mbe i kɔndɔn tena.

FIDEMƆN 1:9

Chɛɛ i 'a koadia n faa ɔ, a‑a a ma, n mbe i disa tena wan gbɛ. N fan Pɔɔ, n mbe chɛ ma tena wan, chenan kai mu wɛɛ n na, a sin, n mbe to sa ɔ pimbi chenɛ a Chisɔsi Chasi ko a.