Gboo Ɛfisɔsi Ko A 6:8 - Yataa 'a Dɔbɛnɛ Nama

⁸ Wo ni a ɔ sɔn, ko chɛndɛ kan kɔ kan, mɔɛ ɛ min ma, Mansa Chisɔsi ɛ a nyɔn sima tɔnɔnɛ be wan a ma. Chɛ ɛ ma wan, a mɔɛ chɛ ni ma yɔn fan na, chɛ ma, a ni ma mɔ dɔ mende wɛɛ a.

Gboo Ɛfisɔsi Ko A 6:8 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

MATIU 20:7

Mbɛ an dɔ, ‘Chɛɛ mɔ ɔ mɔ ma nn ya ni wai chɛ ko a, nn ni ban.’ Mbɛ kamin chɛ ɔ, ‘Wo na, wo ni ta wai chɛ n 'na yadi ɔ.’ Mbɛ an bɛɛ ta‑a.

MATIU 5:12

Wo bu ɔ ni dia kaka, koe min na mu, Yataa ɛ tɔnɔnɛ chenama sa tena ɔ bɛn‑da wan wo ko a banda bu ɔ. Wo wo faa bia, a mu min na, an‑na ko yawaen dɔndɔ gbe chɛ an sa suun Yataa 'a gbonka chɛ mɔɛ n ma, an‑na min sa ka wo wɛɛ ma.”

MATIU 6:1

Chisɔsi ɔ, “Ni wo ma‑a a sɔ‑a wo 'a Yataa fai manda n fɛ, wo ma a ma fanka ɔ den. Ni wo‑a chɛ ma, Fa Yataa, min mbe banda bu ɔ, a ee na‑a tɔnɔn kan kɔ kan be‑a wo ma.

MATIU 6:4

Chɛ ɛ a ma‑a wan, i 'a wai nyima ni ma nun dɔ koe a. A sin, Fa Yataa, min‑na nun dɔ koe kan kɔ kan dɔ sɔn, ɛ a tɔnɔnɛ be‑a wan i ma.”

DUKU 14:14

Mɔɛ n fan nɛ, miin mbe ee che i ta wai nyima a yɛ‑a. Chɛɛ ni i‑a chɛ ma, e dua ma sɔn‑da wan. Tima min na, mɔɛ miin tanden ni Yataa tena, an mbe ma‑a an kɔɔ sɔ‑a a ka saya ɔ, Yataa ɛ a tɔnɔnɛ be‑a wan i ma.”

DUKU 6:35

Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.

GBOO SAA KƆYINDI KO A 12:13

A chia dɔndɔ gbe chɛ a, mmɔ wan mɔ gbu gbɛɛ, mmɔ ɛ ka wan. Mmɔ ni ma Chu mɔ a, chɛ ma, mɔɛ nu miin ma Chu mɔ a, mmɔ ni ma yɔn fan na, mmɔ ma ma yɔn na. Yii min chɛ‑a mmɔ kunɛ ɔ, Yataa chia a, a Nyina‑a mmɔ ma mɔ dɔndɔɛ a, gboo dɔndɔɛ sɛ‑a mmɔ ma. A sin, Yataa‑a an Nyina dɔndɔ gbe chɛ a na, ma koe a mmɔ fɛ.

GBOO FEAN BƆƐ KƆYINDI KO A 5:10

Koe min na mu, mmɔ gbɛɛ, mmɔ ɛ sɔ‑a wan Chisɔsi chen kɔɔ tee dankama tee ma, a ni kaa a tɛ mmɔ wakoe ma. Ɛ mmɔ gbɛmbo‑a wan dɔndɔ dɔndɔɛ a. Mɔ ɔ mɔ sin mbe koe miin ma‑a, dunya ma gboo chɛ ɔ, an koe n ni nyan, an ni yaua wan, mɔ ɔ mɔ ɛ an pawa ma sɔn‑da.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.

Gboo Kɔdɔsai Ko A 3:24

Wo e ma‑a ka wai chɛ‑a kun ti min ko a, a mu Chasi an na. A sin ni ma wo yii ma, mbɛ wo e wo 'a tɔnɔnɛ ma sɔn‑da Mansa Chisɔsi an na.

Gboo Kɔdɔsai Ko A 3:25

Chɛɛ ko yama ma mɔɛ, ɛ a 'a pawa ma sɔn‑da wan an koe chɛ ko a, a‑a min ma. A sin, Yataa ee mɔ ɔ mɔ a yɛ‑a a boo kɔ, ɛ ma‑a chɛ ma‑a.

GBOO IBU MƆƐ N KO A 10:35

Chɛ an fɛ mu, wo gboo ɔ ma fa. Koe min na mu, a dankama a, wo e tɔnɔnɛ ma sɔn‑da wan min koo.

GBOO IBU MƆƐ N KO A 11:26

A na‑a a ma bɛn fan, mbɛ nyanɛ gbɛɛ Ichipi chɛnyɛ ɔ, a ma che ni mainɛ ɔ bia koe a, Chasi ko a. Koe min na mu, tɔnɔnɛ an mbe a ɔ.