Gboo Ɛfisɔsi Ko A 6:5 - Yataa 'a Dɔbɛnɛ Nama

⁵ Wo wan yɔnɛ nu, wo kooya be wo ti n ma. Wo chian an ma, a sin, masamba ni ma wo ɔ an ko a. Wo kooya be an ma wo faa gbɛɛ a, yɔ wo e a be buɛ min dɔ Chisɔsi Chasi ma.

Gboo Ɛfisɔsi Ko A 6:5 ပူးပေါင်းရင်းမြစ်များ

MATIU 6:22

Chisɔsi ɔ, “Mɔ gbu ya ɛ wan yɔ dambo manɛ a gboo ko a. Ni mɔ ya a kaenɛ ma‑a gboden, a gboo gbɛɛ ɛ ma manɛ an dɔ.

MATIU 6:24

Chisɔsi ɔ, “Mɔ ɔ mɔ ee che ma‑a wai chɛ mɔɛ a kun ti fea kɔɔ. Ni chɛ ma‑a, dɔndɔɛ ko a ee dia a ye a ni che dɔndɔɛ ɔ. Ɛ kooya be‑a wan dɔndɔɛ ma, a ni ben a bɔɛ ma. Chɛ an fɛ mu, e ee che wai chɛ‑a Yataa ye, mbɛ i‑a wai chɛ kɔpɔɛ wɛɛ ye dɔndɔ a.

MATIU 8:9

A mu min na, n fandi gbu wɛɛ, n mbe mɔɛ n fan 'na gbasaya kɔɔ, n bɛɛ soya n mbe wan n kɔɔ. N mbe a fɔ wan dɔndɔ ye, n dɔ, ‘Ta,’ mbɛ a ta‑a. N mbe a fɔ wan dɔndɔ wɛɛ ma, n dɔ, ‘Na,’ mbɛ a na‑a. Mbɛ n‑na a fɔ n 'na bɔi denɛ ma, n dɔ, ‘Chɛ ma,’ mbɛ a‑a a ma.”

CHISƆSI 'A SƆ MƆƐ NU 2:46

Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ,

GBOO DOMI KO A 9:3

Chɛ ɛ ma tena n na, n suun ma nyɔɛ n fan ko a, Chu mɔɛ nu, n chɛnyɛ mɔɛ nu. Ni chɛ ɛ ma wan demanɛ a an tena, ɛ ma wan n 'na yiinachii ɔ, n fandi gbu, Yataa ni n danka, mbɛ nn fea tɛ du‑a Chasi a, an ko a.

GBOO SAA KƆYINDI KO A 2:3

Chɛ an‑na a fɔ, mmɔ bɛ ni kɛn, n gboo ɔ nii ma gbɛa nin bɛ. A yɛ to, chianɛ ni wan n dɔ, a basan ma samba a.

GBOO SAA KƆYINDI KO A 7:22

Koe min na mu, Mansa Chisɔsi ɛ yɔnɛ min chee, a ma‑a mɔ kun kaenɛ a. A chia dɔndɔ gbe chɛ a, mɔɛ min mbe ee yɔncha ɔ, ni Mansa Chisɔsi‑a a chee, a mɔɛ chɛ ma‑a a 'a yɔnɛ a.

GBOO FEAN BƆƐ KƆYINDI KO A 1:12

Nn mbe yonka tɛ ko dɔndɔ gbe an na, nn gbu sin yii na koen mu an na dechee. An nɛ, mbɛ nn mbe fɔɛ min dɔ dunya chɛ ɔ, a bɛbɛɛ nn tachɛ buɛ wo tena, mbɛ Yataa fɔɛ mu, tea ɛ min dɔ. Nn mbe chɛ ma tena Yataa 'a duaya an dɔ, mɔgbuya ta yiimatɛ ɔ ma.

GBOO FEAN BƆƐ KƆYINDI KO A 7:15

A sin, chɛ ko a, wo 'a koadia ma ɛ munda tena wan a faa ɔ, ɛ ma a yii na chii‑a wo a. A si wo gbɛɛ ma bɛnden ni buɛ min dɔ, bea koe a dasi chɛ n fɛ, a ni miin be wo ma. A yɛ to, wo gbɛɛ, wo‑a wo boo si buɛ min dɔ a kɔɔ ma samba ɔ, chianɛ ɛ wo ɔ.

Gboo Ɛfisɔsi Ko A 5:22

Wo wan fuu musu nu, wo don wo chɛɛ n kɔɔ, yɔ wo donden mu buɛ min dɔ Mansa Chisɔsi kɔɔ.

Gboo Ɛfisɔsi Ko A 6:24

Koadia ɛ miin gbɛɛ faa ɔ, mmɔ 'a mansa Chisɔsi Chasi ko a, koadia min mbe ee danka kuɔ fɔ, Yataa ni an gbɛɛ dua.

Gboo Fiipai Ko A 2:12

N dia nyɔɛ nu, mmɔ bɛ ni tima min na, wo ni wan n da a kuiɛ ma. N mbe ee ka tima min na wo ya kɔɔ, a gbu nyin gbɛ sanche wan, wo ni ma n da a kuiɛ ma chɛndɛ chɛ. Wo ma yɛ kuu kɔ koe n ma koe a, miin ma biaen mu wo ko a, Yataa‑a wo wɛn baun. Wo an ma ma samba ɔ, wo an ma chiandia ɔ.

FIDEMƆN 1:16

Sanche gbɛ, yɔn dechee ma a a, chɛɛ a benden mu yɔnɛ ma kaka. A mu gbɛ mɔ faa ma suun ma nyɔɛ an na. N toen mu a a kaka, chɛɛ i sin mbe to‑a wan a a, a ben n ma. I 'a yɔnɛ mu a a, a yɛ to, i suun ma nyɔɛ mu a a Mansa Chisɔsi ɔ.

1 PITA 3:2

Koe min na mu, an mbe a ɔ yen‑da wan wo sɔnɛ nyin buɛ min dɔ Yataa chen kɔɔ, wo sin chianden mu ka wan to a ma.