Gboo Ɛfisɔsi Ko A 6:20 - Yataa 'a Dɔbɛnɛ Nama

²⁰ Koe min na mu, bai chɛ an ko a mu ka, n mbe sa ɔ pimbi chenɛ a. Wo samunɛ chɛ n ko a, min mbe a ma, n ni koɔ mɔɛ gbɛɛ tena, faagbɛa ɔ, yɔ a nyin n ni koɔ buɛ min dɔ.

Gboo Ɛfisɔsi Ko A 6:20 ပူးပေါင်းရင်းမြစ်များ

CHISƆSI 'A SƆ MƆƐ NU 21:33

Mbɛ soya chɛ n kun ti chɛ, a ta‑a, mbɛ a‑a Pɔɔ bia. Mbɛ a‑a a fɔ, a ɔ, an ni yɔɔɛ fea chɛ a ma. Mbɛ a‑a dɔ tisa chɛ gbɛ, a ɔ, “Nyɔn mu kamin chɛ a, a yɛ to, a gbu sin‑na fen ma?”

CHISƆSI 'A SƆ MƆƐ NU 26:29

Mbɛ Pɔɔ‑a a fɔ, “A ɔ ni yansan fan, a ɔ ni wua wan, n ma to ni i dɔndɔ gbe a, chɛɛ mɔɛ tɔɛ gbɛɛ, miin mbe n kuiɛ a min tena ka bi, an ni ma Yataa tena, yɔ n mbe buɛ min dɔ. Yɔɔɛ chɛ dechee, n boo ma, an ma ma an ta ma.”

CHISƆSI 'A SƆ MƆƐ NU 28:20

Chɛ an fɛ mu gbɛ, n‑na wo chee, wo yen koe a, n ni koɔ wo tena. Koe min na mu, n boo ɔ chiien mu ka yɔɔɛ a, a si an koe chɛ an ma, Isɔɛɛ mɔɛ n yii na tɛen mu min ma.”

CHISƆSI 'A SƆ MƆƐ NU 28:31

A ni bai sa wan an tena, a si Yataa 'a mansaya ma. A yɛ to, a ni mɔɛ n kan fan, a si Mansa Chisɔsi Chasi ma. A nii chɛ ma nun dɔ, mɔ ɔ mɔ sin nii a a gban.

CHISƆSI 'A SƆ MƆƐ NU 5:29

Chɛɛ Pita n bɛ Chisɔsi 'a sɔ mɔɛ tɔɛ chɛ n na, an‑na a fɔ wan mɔɛ chɛ n ye, an dɔ te, “A ma bɛnden mu nn ni Yataa faa ma koe an ma. Chɛɛ a ma din ni nn ma, nn ni mɔ gbu n fan faa ma koe n ma.

GBOO FEAN BƆƐ KƆYINDI KO A 3:12

Chɛ an fɛ mu, yiinatɛ chɛ sima ɛ ka buɛ min dɔ nn dɔ, chian mbe ee nn dɔ.

GBOO FEAN BƆƐ KƆYINDI KO A 5:20

Chɛ ko a, nn yen ko gbɛ nɛ, nn mu Chasi 'a sɔ mɔɛ a. Nn mbe a ɔ yian‑da, a maenɛ mu yɔ Yataa wandi an mbe koɔ tena nn dɔ. Nn mbe wo disa tena, yɔ Chasi wandi an mbe koɔ tena, Yataa ni a ma wo ni mun chɛɛ ma nyɔncha ɔ, wo ni ma a dia nyɔɛ n na.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

Gboo Ɛfisɔsi Ko A 6:19

Wo samunɛ chɛ to, n bɛɛ ko a. Yataa ɛ bai don‑da wan n da ɔ, n mbe min fɔ. A ni a ma, chianɛ ma na ma n dɔ, n da a ka koe a, n ni bai sa mɔɛ n tena, a si sakana bai chɛndɛ chɛ ma, min dɔ nunden ni mmɔ ma a kɔma a.

Gboo Fiipai Ko A 1:20

A mu min na, ɛ wan n 'na yiinatɛ ɔ, ni n 'na yiinachii, mbɛ n mbe ee na‑a mau‑a ɛnden bɛɛ a. Chɛɛ tima ɔ tima ko a, a bɛbɛɛ sanche, n faa ɛ sɔ‑a wan gban. Chɛ ni a ma, n 'na fɔɛ gbɛɛ ɔ, n ni na basɔmaya a Chisɔsi tena, n ni ma wan fɔɛ chɛ ɔ, chɛ ma, n ni fa wɛɛ.

Gboo Fiipai Ko A 1:7

A nyin yiinachii chɛ sima ni ma n dɔ, a si wo ma. Koe min na mu, wo wakoe ɛ wan n faa ɔ. A mu min na, wo gbɛɛ, wo e basan tena wan n ma, wai chɛndɛ chɛ chɛ koe a, Yataa‑a min be n ma, a chɛ koe a. Wo basan‑da wan n ma, tima min na n ni ben‑da sɔ‑a sawa ti n na, sakana bai chɛndɛ chɛ ko a, a kɔ ni gbɛa. A sin to, n mbe wɛɛ ka sa ɔ pimbi chenɛ a sanche, wo e basan tena wan n ma.

Gboo Kɔdɔsai Ko A 4:3

A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

Gboo Kɔdɔsai Ko A 4:4

Wo samunɛ chɛ n ko a, min mbe a ma, n ni bai chɛ ɔ yian gbadan, yɔ a nyin n ni koɔ buɛ min dɔ.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

2 TIMOTI 1:16

Mansa Chisɔsi ni chinchin Wɔnesifɔyɔsi 'a chenɛ ma, koe min na mu, a ni buɔdia be wan n ma tima sɛsɛ ko a. A ma mau ni n ma, n 'na pimbi chen na sa ko a.

2 TIMOTI 2:9

Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.

FIDEMƆN 1:10

Chɛ an fɛ mu, n mbe disa chɛ tena Wɔnesimɔsi an ko a. N 'na denɛ mu gbɛ a a Chasi ɔ. Koe min na mu, a‑a a kai fa Chasi a, n boo kɔɔ nɛ pimbi chenɛ a.

FIDEMƆN 1:9

Chɛɛ i 'a koadia n faa ɔ, a‑a a ma, n mbe i disa tena wan gbɛ. N fan Pɔɔ, n mbe chɛ ma tena wan, chenan kai mu wɛɛ n na, a sin, n mbe to sa ɔ pimbi chenɛ a Chisɔsi Chasi ko a.

1 CHƆN 3:16

Chisɔsi Chasi‑a a fɔɛ be wan mmɔ ko a. Chɛ‑a a ma wan, mmɔ‑a a ɔ sɔn koadia mu fenɛ min nyɔn sima a. Chɛ an fɛ mu, mmɔ wɛɛ, a nyin fan mmɔ ni mmɔ wandi be mmɔ suun ma nyɔɛ n ko a.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.