Gboo Ɛfisɔsi Ko A 6:18 - Yataa 'a Dɔbɛnɛ Nama

¹⁸ Wo samunɛ chɛ, tima ɔ tima ko a, Yataa Nyina ɛ wo sɔ‑a buɛ min dɔ chia ma. Wo 'a samunɛ sin gbɛɛ ɔ, wo Yataa ɔ tisa, a ni basan wo ma. Chɛ ko a, ko ɔ ko ma a ma, wo gboo ɔ ni fa. Ni wo sin ma‑a samunɛ chɛ‑a tima ɔ tima ko a, wo a chɛ Yataa 'a mɔɛ n gbɛɛ ko a.

Gboo Ɛfisɔsi Ko A 6:18 ပူးပေါင်းရင်းမြစ်များ

MATIU 26:41

Wo wo kɔɔ sɔ, wo ma chinɔ. Wo samunɛ ma ti bia, Sitana ma na a ma, wo ni wo kan kɔ sɔ Yataa a. Wo toen mu wo ni Yataa faa ma koe n ma, chɛɛ a gbasaya ee wo boo ɔ an ma koe a.”

MAKI 13:33

Wo wo kun ma fɛn, wo ma bɛndenɛ ni ma. Koe min na mu, wo ma tee sɔn, n na tima ɛ che‑a tee min ma.

MAKI 14:38

Wo wo kɔɔ sɔ, wo ma chinɔ. Wo samunɛ ma ti bia, Sitana ma na a ma, wo ni wo kan kɔ sɔ Yataa a. Wo toen mu wo ni Yataa faa ma koe n ma, chɛɛ a gbasaya ee wo boo ɔ an ma koe a.”

DUKU 21:36

Chɛ an‑na a fɔ, wo wo kun ma fɛn, a yɛ to, wo samunɛ chɛ tee ɔ tee a. Wo samunɛ chɛ, wo ni gbasaya ma sɔn koe chɛ n gbɛɛ ɔ bia koe a, miin mbe na tena wo tan‑da, mbɛ wo‑a an dɔ tandin. A yɛ to, wo samunɛ chɛ, wo ni che sɔ‑a n chen kɔɔ, wo kunɛ kɔɔ sɔenɛ a, n fan, Mɔ Gbu 'a Denɛ, n mbe na‑a tima min na.”

DUKU 22:46

Mbɛ a‑a an na kunɛ, a ɔ, “Wo e ka sa ɔ chinɔɛ an dɔ? Wo wo kɔɔ sɔ, wo ni samunɛ ma ti bia, ko ɔ ko ma na wo yiima ɔ chɛ chɛ a si Yataa ma.”

DUKU 3:26

Nakai fa tɔ ni Maati, Maati fa tɔ ni Matatiyasi, Matatiyasi fa tɔ ni Sɛmɛyin, Sɛmɛyin fa tɔ ni Chosɛki, Chosɛki fa tɔ ni Choda,

DUKU 3:37

Damɛki fa tɔ ni Mɛtusɛda, Mɛtusɛda fa tɔ ni Ɛnoku, Ɛnoku fa tɔ ni Chayɛdi, Chayɛdi fa tɔ ni Maadadɛɛ, Maadadɛɛ fa tɔ ni Kainan,

CHISƆSI 'A SƆ MƆƐ NU 1:14

An gbɛɛ ni wan kuiɛ dɔndɔya ɔ, samunɛ chɛ koe a tima ɔ tima ko a. An bɛ an ni ma musu chɛ n na, miin na‑a ta Chisɔsi san‑da. Chisɔsi de Mɛi wɛɛ, a ni ma wan nɔ, ni Chisɔsi suun ma nyɔɛ kaima nu.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 12:5

Mbɛ an‑na Pita ma gban pimbi chenɛ a. Chɛɛ a tima chɛ a, chɔchi mɔɛ chɛ n ni wan Yataa fai‑a a ko a, an faa gbɛɛ a.

CHISƆSI 'A SƆ MƆƐ NU 6:4

Mbɛ nn tana sin, nn ma gbɔsɔɛ ɛ ma‑a dechee samun chɛ an na, ni Yataa 'a bai sa koe a.”

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

GBOO DOMI KO A 8:15

A mu min na, Yataa‑a a Nyina min be wo ma, ma koe a wo fɛ, a ee wo ma yɔnɛ n na, a ni a ma chiandia ni ma wo ɔ. Chɛɛ min mbe ma, Yataa Nyina ɛ wo ma Yataa 'a denɛ n fan na. A sin Yataa Nyina chɛ ɛ a ma‑a wan, wo ni Yataa chee, wo ɔ, wo fa.

Gboo Kadesia Ko A 4:6

Yataa sin, a‑a a ma wan, a 'a denɛ Nyina, ɛ mmɔ fɛ. A‑a chɛ ma, koe min na mu, a 'a denɛ mu mmɔ a. A 'a denɛ Nyina chɛ sin, ɛ Yataa chee tena wan, a ɔ, “Fa.”

Gboo Ɛfisɔsi Ko A 2:22

Wo wandi gbu wɛɛ, mɔ dɔndɔɛ mu wo a, wo bɛ Chasi a. Chɛ ko a, ɛ wo a tun tena wan, wo bɛ Yataa 'a mɔɛ tɔɛ n na, wo ni ma yɔ a 'a chenɛ, ɛ ma kaina min a Nyina 'a gbasaya ɔ.

Gboo Ɛfisɔsi Ko A 3:18

Chɛ ɛ a ma‑a wan, wo ni a ɔ gbɛ chɛndɛ chɛ, wo 'a koadia da a koo buɛ min dɔ Chasi faa ɔ. A yɛ to, Yataa 'a mɔɛ tɔɛ n gbɛɛ, an bɛɛ ni a ɔ gbɛ a buɛ chɛ ɔ.

Gboo Ɛfisɔsi Ko A 3:8

N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 6:19

Wo samunɛ chɛ to, n bɛɛ ko a. Yataa ɛ bai don‑da wan n da ɔ, n mbe min fɔ. A ni a ma, chianɛ ma na ma n dɔ, n da a ka koe a, n ni bai sa mɔɛ n tena, a si sakana bai chɛndɛ chɛ ma, min dɔ nunden ni mmɔ ma a kɔma a.

Gboo Fiipai Ko A 1:4

A sin, tima ɔ tima, ni n ma‑a samunɛ chɛ‑a wo gbɛɛ ko a, n mbe a chɛ buɔdia an dɔ.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

Gboo Kɔdɔsai Ko A 1:3

Nn mbe ma samunɛ chɛ‑a tima ɔ tima, nn mbe Yataa wai bɔ wan wo ko a, mmɔ 'a mansa Chisɔsi Chasi fa.

Gboo Kɔdɔsai Ko A 1:4

Koe min na mu, nn‑na a a min, wo kai faen mu buɛ min dɔ Chisɔsi Chasi a. A sin to, koadia min nyɔn sima ɛ wo faa ɔ, Yataa 'a mɔɛ gbɛɛ ko a.

Gboo Kɔdɔsai Ko A 4:2

Wo ma sɛmbɛ samunɛ chɛ koe a pien. Wo e ma chɛ a, wo wo yii si koe n ma, wo e ta‑a Yataa wai bɔ‑a, tima ɔ tima ko a.

Gboo Saa Tɛsadonika Ko A 5:17

Wo samunɛ chɛ tima ɔ tima.

1 TIMOTI 2:1

N mbe a fɔ tena wo ye, a saa saa a ɔ, mbɛ wo ni samunɛ chɛ mɔ ɔ mɔ ko a. A sin, ni wo ma‑a Yataa ɔ tisa‑a, wo a disa chinchin koe a an ma, wo ni yɛ to, wo ni a wai bɔ.

2 TIMOTI 1:3

N mbe Yataa wai bɔ tena i ko a, n mbe wai chɛ tena min ye n yiima a koenɛ a fion, yɔ n bemba n ta bemba n ni a ma tee buɛ min dɔ. N mbe samunɛ chɛ tena i ko a su ɔ tee a.

FIDEMƆN 1:5

Koe min na mu, n‑na i 'a koadia ma tɔɛ a min, Yataa 'a mɔɛ n gbɛɛ ko a. A yɛ to, i kai faen mu buɛ min dɔ Mansa Chisɔsi a.

GBOO IBU MƆƐ N KO A 5:7

Tima min na Chisɔsi ni fɔɛ ɔ dunya chɛ ɔ, a ni samunɛ chɛ wan, a yɛ to, a ni Yataa ɔ tisa wan basan koe a a ma. A ni chɛ ma a kuiɛ ma sɛenɛ an na, a ya yii ɛ ta‑a bɔ‑a Yataa tena, min mbe che dechee a kun bɔ koe a saya ɔ. A sin ni baa be ka buɛ min dɔ Yataa ma, a wɛɛ, a ni a di kuiɛ a min fan.

1 PITA 4:7

A ɔ ma yansan to, mbɛ ko ɔ ko che‑a a danka a. Wo ma bɛndenɛ ni ma, wo ni kun tachɛ koe a wo wandi a chɛndɛ chɛ, wo ni kun samunɛ chɛ a, a chɛ buɛ a.

CHUDA 1:20

Chɛɛ wo tana, n dia nyɔɛ nu, wo ma yɛ kuu kɔ wo 'a danaya ɔ Yataa a. Wo samunɛ chɛ gbasaya chɛ ɔ, Yataa Nyina ɛ min be.