Gboo Ɛfisɔsi Ko A 6:11 - Yataa 'a Dɔbɛnɛ Nama

¹¹ Wo ni Yataa 'a chɛɛ chɛ fenɛ n gbɛɛ bia. Chɛ an mbe a ma‑a, wo ni che sɔ‑a chidi, Sitana ee che‑a wo bɔ‑a a 'a yaa yaa koe n na.

Gboo Ɛfisɔsi Ko A 6:11 ပူးပေါင်းရင်းမြစ်များ

MAKI 13:22

A mu min na, fania kunka mansa an mbe na‑a wan, a basan fania fɔ mɔɛ n na, miin mbe an fandi ya Yataa 'a gbonka chɛ mɔɛ n na. An mbe kamaya koe n ma‑a wan, an ni koe tɔmɔsi n yian, mɔɛ n woo koe a. Ni an mbe kun fan, an mbe mɔɛ chɛ n bɛɛ woo‑a wan, Yataa‑a a boo sɔ miin ma, ma koe a a 'a mɔɛ n na.

GBOO DOMI KO A 13:12

Banda ɔ ka tena wan gbɛ, a ɔ ma yansan to tee bɔ‑a. A nyin fan mmɔ ni sɛmbɛ koe chɛ n ma koe a, pimbi ɔ ko yama chɛ nu. Mbɛ mmɔ‑a butuin chɛ feanka chɛ n ya, mmɔ ɛ butuinɛ chɛ‑a miin na tee a den.

GBOO DOMI KO A 13:14

Chɛɛ wo e min ma, wo to mmɔ 'a mansa Chisɔsi Chasi kɔ, a ni butuinɛ chɛ wo ko a. Wo sɛmbɛ wo yiima a ta koe a wo faa ma koe yama chɛ n tena, bea koe a an fɛ.

GBOO SAA KƆYINDI KO A 10:13

Dɔsiman kan kɔ kan mbe ee wo tan, min sima ma mɔ gbu tan nin bɛ. Chɛɛ Yataa ee a da a kuiɛ yɔn, a sin mbe ee dɔn dɔsimanɛ ni na mɔ gbu tena, i 'a danaya ɔ ma gbɛ min dɔ bia koe a. Ni dɔsimanɛ na‑a i tena tima min na, a tima dɔndɔ gbe chɛ kɔɔ, ɛ chia yian‑da wan e kun buɛ min dɔ, i ni bɔ a ɔ. Ɛ i ɔ gbɛa‑a wan a ɔ bia koe a.

GBOO FEAN BƆƐ KƆYINDI KO A 10:4

Nn mbe chɛɛ chɛ tena feanka miin na, dunya chɛ ta ma. Chɛɛ nn mbe Yataa 'a gbasaya an ya tena, nn ni kaina n yɔn, Sitana kai fa tena nu.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

GBOO FEAN BƆƐ KƆYINDI KO A 2:11

Chɛ ni a ma, Sitana ma na mmɔ bɔ yaa a. Koe min na mu, mmɔ‑a a ɔ sɔn fan a yiima ɛ buɛ min dɔ.

GBOO FEAN BƆƐ KƆYINDI KO A 4:4

An mbe ee che dan‑da Yataa bai chɛ a. Koe min na mu, an yiima ɛ tun pimbi an dɔ, Sitana boo ɔ, min 'na gbasaya ɛ dunya chɛ kun ma. A wan mbe a ma tena, an mbe ee man chɛ yen, ɛ ma man‑da an ma. Manɛ chɛ, min mbe ka sakana bai chɛndɛ chɛ ɔ, a si Chisɔsi ma. A wan Chasi chɛ, an mu Yataa bɔ nyɔɛ a.

GBOO FEAN BƆƐ KƆYINDI KO A 6:7

Sakana bai chɛ wɛɛ, nn mbe min sa, Yataa 'a gbasaya an mbe a ɔ. Chɛɛ chɛ fenɛ miin mbe nn boo nyima a, an mbe to nn manɛ a, an mu nn tan buɛ an na, nn tandenɛ min chɛen mu Yataa tena.

Gboo Ɛfisɔsi Ko A 4:14

Chɛ an mbe a ma‑a, mmɔ ee ma‑a yɔ den mɛsɛ nu, an mbe miin woo, fania fania kanɛ kan kɔ kan na. Mɔɛ chɛ nu, miin yaaen mu ka, an fan mbe an bun ka, yaa chia a.

Gboo Ɛfisɔsi Ko A 4:24

Wo sɔnɛ nama n ya, yɔ mɔɛ nu, miin nyanden mu Yataa bɔ nyɔɛ n na. A‑a wo nyan wo ni ma mɔ tandenɛ n na, miin mbe tenchen a ko a. Koe chɛ n mbe bɔ tea an dɔ.

Gboo Ɛfisɔsi Ko A 6:13

Chɛ an fɛ mu, wo wo ma chii gbae, Yataa 'a chɛɛ chɛ koe a. Chɛ an mbe a ma‑a, wo ni kun sɔ‑a gban, ko yama ma tee chɛ kɔɔ. A ni a ma, wo ni butuinɛ chɛ, aan a danka a, wo e sɔ ɔ chidi.

Gboo Kɔdɔsai Ko A 3:10

A sin, an sɔn nama chɛ, Yataa wandi an‑na a chɛ wo ɔ. A sin, ɛ a ma tena wan tun tun, wo ni ma yɔ ɛ buɛ min dɔ, wo ni a sɔn chɛndɛ chɛ.

Gboo Saa Tɛsadonika Ko A 5:8

Chɛɛ mmɔ tana, tee kɔɔ mɔɛ mu mmɔ a, mmɔ yiima sien fan mu chidi. Mmɔ kai faenɛ ni ma Yataa a, mmɔ ni to mɔ dɔ mende n na. Chɛ ni mmɔ konde gbain, yɔ a 'a chɛɛ chɛ doma an mbe mmɔ ma. Yiinatɛ ni ma mmɔ ɔ, mbɛ bauncha ɛ wan mmɔ ko a. Chɛ ni ma chɛɛ chɛ banfua a mmɔ kun na.

GBOO IBU MƆƐ N KO A 7:25

A sin fan fɛ mu, mɔɛ miin mbe na Yataa tena, a 'a gbasaya ɔ, ɛ an mɔɛ chɛ n kun bɔ wan tima ɔ tima an 'na ko yama n dɔ. Koe min na mu, tima ɔ tima ko a, ɛ wan nɔ, Yataa ma nande koe a, an mɔɛ chɛ n ko a.

CHIMISI 4:7

Chɛ an‑na a fɔ, wo kooya be Yataa ma. Wo ma dɔn Sitana ni kun wo ma. Ni wo‑a chɛ ma, ɛ a bui‑a wan, a ni ka wo fɛ.

1 PITA 5:8

Wo ma bɛndenɛ ni ma tima ɔ tima ko a, wo ya a kaenɛ ɛ. Wo chɛɛ ma nyɔɛ, Sitana, ɛ ben ben tena dau‑a, yɔ yaa ɛ ma mɔɛ yan‑da a nimisa koe a.

CHUDA 1:24

Sanche gbɛ, mmɔ tando be Yataa ma. An mu dechee mmɔ 'a Yataa a, an mbe mmɔ baun, a 'a denɛ Chisɔsi Chasi ɔ, mmɔ 'a mansa. A wan Yataa, an mbe a ma, mmɔ ee bea, mbɛ a‑a a ma, mmɔ sɔ‑a a chen kɔɔ manɛ ɔ, mabɔ kan kɔ kan mbe ee mmɔ ma, mɔɔ buɔdia mmɔ ɔ. Mansaya, ni bemaya, a basan gbasaya a, a ka suun ma, aan sanche, ɛ Yataa an boo ɔ, kuɔ fɔ, ni kuɔ fɔ ko a. A ni ma ka.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.

KO Ɔ NUNDENƐ 2:24

A ɔ, “Musu chɛ 'a kan chɛ, an mbe min chee, an dɔ, tea ɔ nunden ba a si Sitana ma, kan yama mu. Chɛɛ wo tana, wo wɛn to‑a ka nɔ chɔchi ɔ, Tiyatiya duu chɛ ɔ, wo wɛn ma bea ni a 'a kan chɛ fɛ, bai ɛ wan n da a wo ko a. N mbe a fɔ tena wo ye, mbɛ n mbe ee suun fankama dɔ gbɛɛ si tena wo kun ma.