Gboo Ɛfisɔsi Ko A 6:10 - Yataa 'a Dɔbɛnɛ Nama

¹⁰ N ni a fɔ gbɛ wo ye, mbɛ wo ɔ ni gbɛa, koe min na mu, mɔ dɔndɔɛ mu wo a, wo bɛ Mansa Chisɔsi a. Gbasaya wa min nyɔn sima ɛ a ɔ, a ni ma wo ɔ.

Gboo Ɛfisɔsi Ko A 6:10 ပူးပေါင်းရင်းမြစ်များ

GBOO SAA KƆYINDI KO A 16:13

Wo ma bɛndenɛ ni ma, tima ɔ tima. Wo sɔ gban, wo 'a danaya ɔ, Chisɔsi Chasi a, wo sin ma chian. Wo ɔ ni gbɛa gbau.

GBOO FEAN BƆƐ KƆYINDI KO A 13:11

N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.

Gboo Ɛfisɔsi Ko A 1:19

N mbe samunɛ chɛ tena to, wo ni a ɔ sɔn, mmɔ wɛn kai faen mu Chisɔsi a, mbɛ Yataa 'a gbasaya mmɔ ɔ, a danka ee ɛnden bɛɛ a. An gbasaya wa dɔndɔ gbe chɛ,

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Fiipai Ko A 3:1

N suun ma nyɔɛ nu Chasi ɔ, wo e ka buɛ min dɔ, wo ma‑a mɔ dɔndɔɛ a Mansa Chisɔsi a, wo buɔdia bɔ. N mbe ee sika tena, yɛ koe a n da a kuiɛ ɔ wo tena. A sin, an mbe nyan‑da wo ko a.

Gboo Fiipai Ko A 4:13

Chasi 'a gbasaya ɔ, ɛ min be n ma, n mbe che wan, n ni ko ɔ ko kan kɔ kan ma.

Gboo Fiipai Ko A 4:8

N mbe min fɔ tena gbɛ sanche, n suun ma nyɔɛ nu Chasi ɔ, wo wo yii na chii koe chɛ n ma, baa ɛ miin ma, Yataa toen mu koe miin na. Koe nu, miin nyin, mabɔ ee miin ma ɛnden bɛɛ a, basɔmaya koe nu. Mɔɛ n mbe che kawa‑a koe miin ma, an mbe koe miin bai, dua ɛ koe miin dɔ.

Gboo Kɔdɔsai Ko A 1:11

Nn mbe samunɛ chɛ tena, Yataa ni gbasaya gbɛɛ be wo ma, a 'a gbasaya kamayaen ba ɔ. Wo ni ko gbɛama kan kɔ kan dɔ bia, faabia ɔ, wo bu ɔ diama ɛ.

2 TIMOTI 2:1

I tana, n 'na den, Yataa ni i ɔ gbɛa koadia demanɛ chɛ ɔ, mmɔ‑a min ma sɔn kɛn mmɔ ma‑a mɔ dɔndɔɛ a, mmɔ bɛ Chisɔsi Chasi a.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

1 PITA 3:8

Ka n mbe n da a bai chɛ kunɛ a bia nɛ, mbɛ wo yiima ni ma dɔndɔ. Wo ni to wo nyɔn na wo faa gbɛɛ a. Chinchimaya ni ma wo ɔ wo nyɔn ko a, wo sin ma dɔpandaya bɔ.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

1 CHƆN 2:14

N 'na denɛ nu, n mbe gboo chɛ nyɛn tena wo tena, koe min na mu, wo‑a Fa Yataa sɔn. Wo wɛn mu chenanɛ n na, n mbe gboo chɛ nyɛn tena wo tena, koe min na mu, wo‑a mɔɛ chɛ sɔn fan, a wɛn mbe nɔ dunya a dan tima a. Wo wɛn mu den tɔngbɔɛ n na, n mbe gboo chɛ nyɛn tena wo tena, koe min na mu, faa ɛ wo ɔ Yataa ko a. A sin, Yataa 'a bai ee ka wo yii ma. A yɛ to, wo‑a Sitana a bea.