Gboo Ɛfisɔsi Ko A 6:1 - Yataa 'a Dɔbɛnɛ Nama

¹ Wo wan denɛ nu, wo ma‑a ka buɛ min dɔ mɔ dɔndɔɛ a, wo bɛ Mansa Chisɔsi a, wo kooya be wo woo mɔɛ n ma. Chɛ an nyin a ma koe a.

Gboo Ɛfisɔsi Ko A 6:1 ပူးပေါင်းရင်းမြစ်များ

DUKU 2:51

Chɛ gbakɔ, Chisɔsi yii‑a wan Nasaɛti duu ɔ, an bɛ an na, a sin‑na kooya be wan an ma. A de‑a koe chɛ n gbɛɛ sa wan a yii ma, ɛ an tɛnsɛ a yiima ɔ.

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

GBOO DOMI KO A 16:2

Wo wo boo si a kɔɔ chɛndɛ chɛ, yɔ Yataa 'a mɔɛ n mbe an nyɔn bia buɛ min dɔ. A sin, ni a toen mu basɔmaya kan kɔ kan na, wo a chɛ a a. Koe min na mu, a‑a ko chɛndɛ ma wan mɔ sɛsɛ a, a basan n bɛɛ a.

GBOO DOMI KO A 7:12

Chɛ an fɛ mu gbɛ, Yataa wandi an ta mu sawa a. Sawa chɛ sin, Yataa an‑na a be. A sin, sawa chɛ ɛ a ɔ yian fan mɔ gbu ɛ koe miin ma, miin mu tea a. A yɛ to, ni koe miin nyin mɔ gbu ko a.

GBOO SAA KƆYINDI KO A 15:58

Chɛ an fɛ mu, n faa ma suun ma nyɔɛ nu Chasi ɔ, wo sɔ gban wo 'a danaya ɔ. Wo ma ka wo gba ɔ, wo ma Mansa Chisɔsi 'a wai a tima ɔ tima ko a. Koe min na mu, wo‑a a ɔ sɔn fan, wai ɔ wai, wo e min chɛ‑a Mansa chɛ ko a, a ee ma wai gbama a.

1 TIMOTI 5:4

Chɛɛ ni denɛ n ma‑a fuinya musu min boo ɔ, ni mama n denɛ ma‑a min boo ɔ, an mbe e na to ko ɔ ko ma‑a, an ni an 'na Yataa wai ɔ yian chenɛ pɛn na. An mbe koe min chɛ‑a ka an woo mɔɛ chɛ n ye, an mbe ma‑a ka an ta kuiɛ an na yɛ‑a. Koe min na mu, Yataa faa ma koe an nɛ.

1 PITA 2:13

Wo kooya be chɛ n gbɛɛ ma, miin mbe gbasaya ɔ wo kun ma dunya chɛ ɔ. Mansa Yataa toen mu wo ni a ma ka wan. Wo kooya be chɛnyɛ ya ɔ sɔɛ ma, min mu kun ti wa a.