Gboo Ɛfisɔsi Ko A 5:9 - Yataa 'a Dɔbɛnɛ Nama

⁹ Koe min na mu, a ɔ ɛ yen ka wan, mbɛ mɔɛ ɛ wan manɛ kɔɔ. Mɔ ɔ mɔ min mbe manɛ chɛ kɔɔ, ɛ ko chɛndɛ an ma tea tea ɔ, a sin, a tanden mu Yataa tena.

Gboo Ɛfisɔsi Ko A 5:9 ပူးပေါင်းရင်းမြစ်များ

MATIU 3:8

Wo chɛ chɛ wai n ni a ɔ yian, mbɛ wo‑a wo kan kɔ sɔ wo 'a ko yama n na.

CHƆN 1:47

Chisɔsi‑a Natanɛɛ yen kɛn na‑a a tena, a‑a chɛ an fɔ, a si a ma. A ɔ, “Isɔɛɛ mɔɛ chɛndɛ chɛndɛ a yen ko na‑a, tɔɛ chɛ bɛnden mu min kun ma. Mɔɛ mu a a, a ee mɔ ɔ mɔ bun.”

GBOO DOMI KO A 15:14

N bɔ Chisianɛ nu, n fandi gbu wɛɛ danden fan mu a a, mbɛ mɔ chɛndɛ wa mu wo wɛɛ gbu a. Wo‑a wo boo nyima tɛ bɔɛ sɔn fan wo manɛ a chɛndɛ chɛ. Wo‑a a ɔ sɔn fan, wo e dasi be buɛ min dɔ wo nyɔn ma.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

Gboo Ɛfisɔsi Ko A 4:15

Chɛɛ mmɔ ɛ min ma, mmɔ tea fɔ, koadia ta fɛ chia a. Mmɔ ni koa chia ɔ chia a, Chasi ta chia a, a wɛn mu mmɔ kun ti a.

Gboo Ɛfisɔsi Ko A 4:25

Chɛ an fɛ mu, wo wo boo bɔ fania fɔɛ ɔ. Wo gbɛɛ, wo tea fɔ wo nyɔn ye. Koe min na mu, mmɔ gbɛɛ, mmɔ mu gboo dɔndɔɛ an na, Chasi ɔ.

Gboo Ɛfisɔsi Ko A 6:14

Chɛ an fɛ mu, wo sɔ gban, wo ni tea ɔ gbɛ a si Yataa ma. A sin ni ma yɔ yuu wo bu tɛ. Wo ma nyina, mbɛ Yataa‑a wo ya mɔ tandenɛ n na a tena. Chɛ ɛ wo konde gbain‑da wan, yɔ soya 'a chɛɛ chɛ doma.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Kɔdɔsai Ko A 3:18

Wo wan fuu musu nu, wo don wo chɛɛ n kɔɔ, yɔ a ma biaen mu buɛ min dɔ musu ko a, miin mu mɔ dɔndɔɛ a, an bɛ Mansa Chisɔsi a.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

GBOO IBU MƆƐ N KO A 1:8

Chɛɛ a 'a denɛ wakoe tana, Yataa‑a a fɔ wan a 'a gboo ɔ, a ɔ, “Yataa mu i a, i 'a mansaya danka ee ma‑a, kuɔ fɔ ni kuɔ fɔ ko a. A sin, e gbasaya a tachɛ‑a wan i 'a mɔɛ n kun ma, teaya ɔ.

GBOO IBU MƆƐ N KO A 11:33

an 'na kai fa Yataa a, a na‑a a ma wan, an kun‑da chɛnyɛ sɛsɛ n ma chɛɛ ɔ. An na‑a tea din fan mɔɛ n ma. A sin, too ɔ dia na‑a chɛ wan an na, a yɛ to, an‑na a ma wan, yaa n ma che ni bia chɛ‑a.

1 CHƆN 2:29

Wo‑a a ɔ sɔn fan, mbɛ Chisɔsi tanden fan mu Yataa tena. A sin mbe nyan fan gbɛ, wo ni a ɔ sɔn, mbɛ mɔ ɔ mɔ min tanden mu, Yataa 'a denɛ mu a a.

3 CHƆN 1:11

N dia nyɔɛ, i ma bea mɔɛ n fɛ, miin mbe ko yama ma. Chɛɛ bea chɛ n fan fɛ, miin mbe ko chɛndɛ ma. Mɔ ɔ mɔ min mbe koe ma min nyin, Yataa 'a mɔɛ mu. Chɛɛ mɔ ɔ mɔ min mbe koe ma, min ma nyin, a ma Yataa sɔn.