Gboo Ɛfisɔsi Ko A 5:21 - Yataa 'a Dɔbɛnɛ Nama

²¹ Wo chian‑da ka buɛ min dɔ Chasi ma, wo don wo nyɔn kɔɔ.

Gboo Ɛfisɔsi Ko A 5:21 ပူးပေါင်းရင်းမြစ်များ

GBOO SAA KƆYINDI KO A 16:16

wo ni don ya ɔ sɔɛ sima chɛ n kɔɔ. Wo gbu ni don mɔ ɔ mɔ kan kɔ kan kɔɔ, miin mbe wai chɛ chɛ tena.

GBOO FEAN BƆƐ KƆYINDI KO A 5:11

Nn‑na a ɔ sɔn fan, Mansa Yataa ma chianɛ mu koe min na. Chɛ an fɛ mu, nn mbe butuin chɛ mɔ dɔ mende yiima mun koe a chɛndɛ, a si a ma. Yataa‑a nn sɔn fan chɛndɛ chɛ. A sin, n yii na tɛen fan mu, wo ta yiinachii gbu wɛɛ ɔ, wo‑a n sɔn fan.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Kadesia Ko A 5:13

Koe min na mu, n suun ma nyɔɛ nu Chasi ɔ, Yataa‑a wo chee wan, a bɔ yɔncha ɔ. Chɛɛ yuu min tɛ‑a ka wo ma, wo ma ben ko yama ma‑a, wo gboo faa ma koe nu, wo ni a dɛn wo bɔ koe ma yɔncha ɔ. Chɛɛ koadianyɔncha ɔ, wo ma bɔi denɛ a wo nyɔn ko a.

Gboo Ɛfisɔsi Ko A 5:22

Wo wan fuu musu nu, wo don wo chɛɛ n kɔɔ, yɔ wo donden mu buɛ min dɔ Mansa Chisɔsi kɔɔ.

Gboo Ɛfisɔsi Ko A 5:24

Chɛ an fɛ mu, a nyin musu ni don a chɛɛ kɔɔ, chia kan kɔ kan na, yɔ chɔchi mɔɛ n donden mu buɛ min dɔ Chasi kɔɔ.

Gboo Fiipai Ko A 2:3

Wo ma ko ɔ ko ma, wo wandi ta tɔnɔnɛ ko a dechee. Wo ma yonka tɛ, wo wandi ɔ koa koe a. Chɛɛ wo wo wandi ma yii, wo ni mɔ dɔ mende n ya, a ben wo wandi gbu ma.

1 TIMOTI 2:11

Ni an ma‑a kanɛ kɔɔ, musu n ni an fandi ma yii chia ɔ chia a, an sin ma an da a kuiɛ ma sɛ.

1 TIMOTI 3:4

Ɛ ma mɔɛ an na min kunden mu a 'a chenɛ ma chɛndɛ chɛ, a 'a denɛ n kooenɛ a ye, an sin kanden mu chia ɔ chia a.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

1 PITA 2:13

Wo kooya be chɛ n gbɛɛ ma, miin mbe gbasaya ɔ wo kun ma dunya chɛ ɔ. Mansa Yataa toen mu wo ni a ma ka wan. Wo kooya be chɛnyɛ ya ɔ sɔɛ ma, min mu kun ti wa a.

1 PITA 2:17

Wo basɔmaya be mɔ ɔ mɔ ma. Wo to wo bɔɛ Chisianɛ n na. Wo chian Yataa ma, mbɛ wo‑a basɔmaya be kun ti wa ma.

1 PITA 5:5

Wo wan mɔ tɔngbɔɛ n nan sin, a chia dɔndɔ gbe chɛ a, a nyin wo ni kooya be chenanɛ n ma. Wo ma dɔpandaya bɔ, wo e ma wai chɛ‑a wo nyɔn ye. Koe min na mu, Yataa 'a gboo‑a a fɔ wan, a ɔ, “Yataa ma to ni dɔpanda tɔɛ n na, chɛɛ ɛ koadia demanɛ chɛ‑a wan chɛ n na, miin dɔ ma panda ni.”