Gboo Ɛfisɔsi Ko A 5:20 - Yataa 'a Dɔbɛnɛ Nama

²⁰ Tima ɔ tima ko a, mmɔ Yataa wai bɔ, mmɔ Fa. Mmɔ a wai bɔ fen kɔ fen ko a. Mmɔ chɛ ma, Mansa Chisɔsi Chasi tɔɛ ɔ.

Gboo Ɛfisɔsi Ko A 5:20 ပူးပေါင်းရင်းမြစ်များ

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 1:8

Koe saa mu min na, n mbe Yataa wai bɔ tena wo gbɛɛ ko a, Chisɔsi Chasi 'a gbasaya ɔ. N mbe Yataa wai bɔ tena, koe min na mu, dunya gbɛɛ, an mbe a fɔ tena wan danaya min mbe wo ɔ Chisɔsi Chasi ko a.

GBOO SAA KƆYINDI KO A 1:4

N mbe Yataa wai bɔ tena wan wo ko a, tima ɔ tima. A sien mu koadia deman chɛ an ma, a‑a min chɛ wo a, wo wɛn mu mɔ dɔndɔɛ a Chisɔsi Chasi a.

GBOO SAA KƆYINDI KO A 15:24

Chɛ gbakɔ, tima ɛ che‑a wan, dunya ban koe a. A tima chɛ a, Chasi ɛ kun‑da wan nyina n gbɛɛ ma, miin mbe sɔ tena nu. Ɛ kun‑da wan ya ɔ sɔɛ n ma, ni fen kɔ fen miin gbasa dunya chɛ ɔ. Ɛ a ma‑a wan fen kɔ fen ni yɛ, mmɔ Fa Yataa 'a mansaya kɔɔ.

Gboo Ɛfisɔsi Ko A 5:4

Wo ma maumaya ko ma, wo gbu sin ma kun dɔ ban bai sa. A yɛ to, wo ma damba dambaya koe ma. Koe chɛ n dɔndɔ wɛɛ, a ma ma bɛn ni an ma koe a. Chɛɛ wo e min ma, tima ɔ tima ko a, wo Yataa wai bɔ.

Gboo Fiipai Ko A 1:3

Tima ɔ tima, ni n‑na n yii na chii wo a, n mbe n 'na Yataa wai bɔ wan.

Gboo Fiipai Ko A 4:6

Ko ɔ ko kan kɔ kan ma wo faa gbaa. Chɛɛ wo 'a samunɛ ɔ, wo 'a Yataa ma nande ɔ, wo a ma, a ni a ɔ sɔn, wo toen mu a ni koe miin chɛ wo ye, tima ɔ tima ko a. A sin, wo a wai bɔ koe n gbɛɛ ko a, a‑a miin chɛ wo ye.

Gboo Kɔdɔsai Ko A 3:17

A sin, ni wo ma‑a ko ɔ ko ma‑a, wo da ɔ, ni wo chɛ chɛ wai n dɔ, wo an ma Mansa Chisɔsi tɔɛ ɔ. Ni wo ma‑a chɛ gbɛɛ ma‑a, wo Fa Yataa wai bɔ, Mansa Chisɔsi 'a gbasaya ɔ.

Gboo Saa Tɛsadonika Ko A 3:9

Nn mbe tando be tena gba Yataa ma, wo ko a. Koe min na mu, nn 'na buɔdia koo, a chen kɔɔ, wo ko a.

Gboo Saa Tɛsadonika Ko A 5:18

Wo ma min chɛ‑a mɔ dɔndɔɛ a Chisɔsi Chasi a, Yataa toen mu wo ni chɛ an ma. Ko ɔ ko ni wo tan, wo ni a wai bɔ.

GBOO FEAN BƆƐ TƐSADONIKA KO A 1:3

Nn suun ma nyɔɛ nu Chasi ɔ, nn mbe samunɛ chɛ tena tima ɔ tima wo ko a. A sin nyin fan nn ni a ma ka. Koe min na mu, wo 'a kaifa Chisɔsi a, a ma ɛ munda tena wan kaka. A sin to, koadia ma ɛ munda tena wan wo faa ɔ, wo nyɔn ko a.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

GBOO IBU MƆƐ N KO A 13:15

Chɛ an fɛ mu, mmɔ tando be Yataa ma, tima ɔ tima ko a. Mmɔ 'a yasi dɔndɔ mu chɛ an na, mmɔ ɛ min be a ma, Chisɔsi 'a gbasaya ɔ. Mɔɛ min mbe a fɔ, a ɔ, ɛ Yataa an ko a, a ɛ chɛ an fɔ.

1 PITA 2:5

Wo na Chisɔsi tena yɔ senɛ miin mbe fɔɛ ɔ. Wo a ma Yataa ni a 'a chenɛ sɔ wo a. A yɛ to, wo e ma‑a tenchen tɛ mɔɛ n fan na, mɔ gbu n tɛ ɔ Yataa a. Nɔ mu wo e basɔmaya fenɛ n be‑a Yataa ma, ɛ a boo si‑a miin kɔɔ. Chɛ ɛ ma‑a wan, a mu min na, Chisɔsi na‑a a ma wan.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.