Gboo Ɛfisɔsi Ko A 5:18 - Yataa 'a Dɔbɛnɛ Nama

¹⁸ A sin, wo wo boo bɔ gbɛ min ba ɔ, a ma na wo wakoe ɔ chɛ chɛ. Chɛɛ Yataa Nyina, an ni tachɛ gbɛ wo a.

Gboo Ɛfisɔsi Ko A 5:18 ပူးပေါင်းရင်းမြစ်များ

MATIU 23:25

“Wo wan sawa kan mɔɛ chɛ nu, wo wan Fayisii nu, koe min mbe wo tan‑da, a yau gba wo ko a. Nɛnɛn fea ti mu wo a. Wo e wan yɔ kɔpu chɛ nu, miin kɔɛ koenɛ ɛ ka, chɛɛ an bu ɔ nɔɔenɛ ɛ. Wo faa n dɔ ma gbɛ ni. Wo e mɔɛ n boo fenɛ bɔ wan an boo ɔ, bemaya ɔ, a sin to wo gbɔsɔen mu wo wandi an ko a dechee.

MATIU 24:49

mbɛ a bun‑da a bɔɛ n gbasi‑a. A yɛ to, mbɛ a bea‑a daun ba chɛ fɛ, a basan gbɛ min ba a, an bɛ kɔn gbasi kai n na.

DUKU 1:15

Koe min na mu, ɛ ma‑a wan mɔ chenama a Mansa Yataa tena. A ma gbɛ kan kɔ kan min. A de e na to a suun‑da, Yataa Nyina ɛ ma‑a wan den chɛ fɛ gban.

DUKU 11:13

Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”

DUKU 12:45

Chɛɛ ni wai chɛ mɔɛ chɛ‑a a fɔ, a ɔ, mbɛ kun ti chɛ ee fua tena yɛ‑a, mbɛ a bun‑da a bɔɛ n gbasi‑a, kai nu a basan musu n na. Ɛ ma‑a gbɛ daun chɛ an na, ni gbɛ min ba a, min mbe a bia‑a a ɔ bendenɛ a.

DUKU 21:34

Chisɔsi ɔ, “Wo wo wandi kun ma fɛn. Wo ma daun chɛ ma wo ma gbɔsɔɛ a, a basan gbɛ a kɔɔen minɛ a. A yɛ to, wo ma dunya chɛ ɔ faagbaa n sa wo kun ma. Ni wo‑a chɛ ma, ni n 'na tima che‑a, koe chɛ n gbɛɛ, an mbe a ma wan, n ni wo tɛnɛ.

CHƆN 2:10

Mbɛ a ɔ, “Ni i bɔ n‑na mɔɛ n chee bɛn bonda chɛ ɔ, an mbe gbɛ chɛndɛ pɛn be mɔɛ n ma. Ni an‑na a ɔ yen, mbɛ gbɛ kun‑da an gboo ɔ, mbɛ an‑na a kuu sɔ gbɛ tafu tafu be‑a. Chɛɛ i tana, i‑a gbɛ chɛndɛ si tena ɔ bɛn fan aan, mbɛ i danka‑a a a bɔ‑a sanche.”

CHISƆSI 'A SƆ MƆƐ NU 11:24

Banabasi chɛ ni mɔ chɛndɛ an na, min danayaen ni, a sin Yataa Nyina ni wan a fɛ gban. Mbɛ a‑a a ma wan, mɔ sɛsɛ sa‑a chɛ n kun ma, miin faa mun‑da Mansa Chisɔsi tena.

GBOO DOMI KO A 13:13

Mmɔ a kuu sɔ tachɛ‑a chɛndɛ chɛ mmɔ wandi a, fɔɛ ɔ. Wo a ma yɔ mɔɛ nu miin mbe koe n na tachɛ tena chɛndɛ tee a. A yɛ to, wo ma wo boo chɛ gbɛ min kɔmpini ɔ, a basan ko tɛ gbɛɛ a. A sin, wo ma butuin chɛ, wo sin ma too wo nyɔn na.

GBOO SAA KƆYINDI KO A 11:21

Koe min na mu, wo e ma daunɛ chɛ‑a, mɔ ɔ mɔ ee a chɛ a nyɔn ko a. A sin, mɔɛ dɔndɔɛ kɔnkɔ tɔɛ ɛ ma, mɔɛ dɔndɔɛ sin gbɛ tɔɛ ɛ.

GBOO SAA KƆYINDI KO A 5:11

N ni min fɔ tena gboo chɛ ɔ, an nɛ, mbɛ wo ma gbɛn mɔɛ chɛ n ma, miin‑na an fandi chee Chisianɛ n na, chɛɛ an mbe ko tɛ an nyaa ma. Ni chɛ ma, an fen ko yaen mu kaka, an mbe fenɛ n fai miin ma Yataa a, an mbe an bɔɛ n tɔ yama ɔ tɛ, an mbe gbɛ wa min, chɛ ma, an mbe kanka chɛ. Wo gbu ma si wɛɛ, wo ni daunɛ chɛ mɔɛ bonda chɛ a, min boo ɛ chɛ dɔndɔ wɛɛ ɔ.

GBOO SAA KƆYINDI KO A 6:10

N mbe ee a fɔ, chɛ n bɛɛ, miin mbe kanka chɛ, ni miin fen ko yaen mu kaka. A yɛ to, gbɛ min mɔ wa an bɛɛ, ni miin mbe tɔ ɔ tɛ yama chɛ, an bɛ kafa tɔɛ n na. An dɔndɔ wɛɛ ee don‑da Yataa 'a mansaya kɔɔ.

Gboo Saa Tɛsadonika Ko A 5:7

Pimbi ɔ mu, mɔɛ n mbe chinɔ. A yɛ to, pimbi ɔ mu, gbɛ ɛ mɔɛ n bia.

TAITƆSI 1:6

A sin ma bɔ ee ma a ma, musu dɔndɔ gbe an mbe ma a boo ɔ. A 'a denɛ n kai faenɛ ɛ Chisɔsi a. An mbe a kuiɛ ma, an mbe ee wooya koɛ yan.