Gboo Ɛfisɔsi Ko A 5:14 - Yataa 'a Dɔbɛnɛ Nama

¹⁴ A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

Gboo Ɛfisɔsi Ko A 5:14 ပူးပေါင်းရင်းမြစ်များ

DUKU 1:78

Chinchincha Yataa mu mmɔ 'a Yataa a. Ɛ mɔɛ a na‑a wan mmɔ baun koe a, yɔ ɛ tee kaienɛ a na buɛ min dɔ, manɛ be koe a mmɔ ma.

DUKU 15:24

Koe min na mu, n 'na den chɛ faen fan ni, chɛɛ a yɛ‑a gbɛ fɔɛ ɔ. A toen fan ni a ɔ, chɛɛ a yen‑da gbɛ.’ Mbɛ an‑na a kuu sɔ daunɛ chɛ‑a an mbe ta‑a tɔmbɔɛ don‑da a boo ɔ.

CHƆN 8:12

Chisɔsi koɔ‑a wan to mɔɛ chɛ n tena, a ɔ, “N fan mu manɛ a dunya chɛ gbɛɛ ko a. Mɔ ɔ mɔ min mbe bea‑a n fɛ, ɛ manɛ ma sɔn‑da wan, min mbe a ma, mɔɛ ni ma fɔɛ ɔ. A yɛ to, a mɔɛ chɛ ee tachɛ‑a kuɔ fɔ ko a pimbi pimbi ɔ.”

CHƆN 9:5

N mbe tima min na dunya chɛ ɔ, n fan mu manɛ a dunya ko a.”

CHISƆSI 'A SƆ MƆƐ NU 13:47

Koe min na mu, Mansa Yataa‑a a fɔ ka wan nn ye, a ma koe a. A‑a a fɔ wan a 'a gboo ɔ, a ɔ, ‘N‑na wo ma manɛ a, chɛ n ko a, miin ma Chu mɔ a. Chɛ ni a ma, wo ni na bauncha a dunya tɔnkɔnɛ gbɛɛ ɔ.’ ”

GBOO DOMI KO A 6:13

Wo sin gbu ma wo wandi be chia ɔ chia a ko yama ma, wo ma wo boo chɛ ko yama n dɔ. Chɛɛ wo e min ma, wo wo wandi be Yataa ma. Wo a ma yɔ mɔɛ nu, miin‑na fɔɛ ma sɔn, a ka saya ɔ. Wo wo wandi gbɛɛ be a ma, a ma koe a wo ni tea koe n ma.

GBOO SAA KƆYINDI KO A 15:34

Wo yiima chɛndɛ ni ma gbɛ wo baima, wo ni sɛmbɛ ko yama ma koe a kuɔ fɔ. N mbe chɛ fɔ tena den, mbɛ wo dɔ nu, wo ma ko ɔ ko sɔn, a si Yataa ma. Chɛ ni a ma wo ni mau.

GBOO FEAN BƆƐ KƆYINDI KO A 4:6

A sin, Yataa na‑a a fɔ wan, a ɔ, “Manɛ ni be, a bɔ pimbi ɔ.” A wan Yataa dɔndɔ gbe chɛ, an mbe a ma a 'a manɛ ɛ ma mmɔ faa n dɔ. A ni man, a ni a ma, mmɔ ni yiimatɛ sɔn, a si Yataa 'a manɛ ma. Man chɛ, min mbe yen tena man‑da, a ka Chisɔsi Chasi ya kɔɔ.

Gboo Ɛfisɔsi Ko A 2:1

A saa a, wo faenɛ ni, Yataa Nyina ta fɛ chia a. Koe min na mu, wo ni koe n ma wan, miin mbe ee a chia ma, ko yama nu.

Gboo Kɔdɔsai Ko A 3:1

Tima min na Yataa‑a Chasi a yɛ to fɔɛ ɔ, a‑a a ma wan, wo wɛɛ‑a fɔɛ nama ma sɔn. Chɛ an‑na a fɔ, wo to fen chɛ n na, Yataa‑a miin sa tena ɔ bɛn wo ko a banda bu ɔ. Chasi ɛ nɔ wan si ɔ kaina a ma bɛndenɛ, Yataa boo nyima ɔ.

Gboo Saa Tɛsadonika Ko A 5:6

Chɛ ko a, mmɔ ma ma chinɔɛ ɔ, yɔ mɔɛ tɔɛ chɛ nu. Chɛɛ mmɔ ni ma mmɔ ya a tima ɔ tima ko a, mmɔ yiima sienɛ ɛ chidi.

2 TIMOTI 1:10

Chɛɛ sanche gbɛ, mmɔ baun mɔɛ Chisɔsi Chasi na‑a dunya ɔ, min mbe a ma, mmɔ ni a 'a koadia deman chɛ ɔ yen. Chasi‑a a ma gbasaya ee to saya boo ɔ mmɔ kun ma. Sakana bai chɛndɛ chɛ ɔ, a‑a kuɔ fɔ fɔɛ yian mmɔ a.

2 TIMOTI 2:26

Mbɛ an mbe yiimatɛ ma sɔn‑da wan, an ni bɔ gbai chɛ a, an na‑a chɛɛ ka Sitana 'a gbai min na, an ni min 'na sawa kɔɔ.