Gboo Ɛfisɔsi Ko A 5:11 - Yataa 'a Dɔbɛnɛ Nama

¹¹ Wo ma wo boo chɛ ko ɔ pimbienɛ ɔ, miin mbe ee den chɛndɛ suun. Chɛɛ an ko bonda chɛ nu, wo a ma mɔɛ n ni a ɔ sɔn, mbɛ an ma nyin.

Gboo Ɛfisɔsi Ko A 5:11 ပူးပေါင်းရင်းမြစ်များ

MATIU 18:15

Mbɛ Chisɔsi ɔ, “Wo wɛn mbe ka n fɛ, ni i bɔɛ‑a ko yama ma i a, ta a tena wo fea gbe a, mbɛ i‑a a ɔ yian a a, a‑a koe min ma i a. Ni a dɔn‑da a 'a ko yama ma gba chɛ ma, mbɛ wo fea ma‑a to a a kuiɛ dɔndɔɛ ɔ.

DUKU 3:19

Chɛɛ chɛ gbakɔ, Chɔn‑na tea fɔ wan Mansa Ɛdɔdi ye. A ɔ, a ma tea ko ma ni, a kɔɔ kaima 'a musu Ɛdɔdiyasi bɔ koe a a boo ɔ, a ni a ma a 'a musu a. Mansa chɛ 'a ko yama ma gba dɔ mende nu, a‑a an bɛɛ fɔ wan a ye.

CHISƆSI 'A SƆ MƆƐ NU 26:18

i ni an ya a ka, i ni an bɔ pimbi ɔ, a na manɛ ɔ, i ni an bɔ Sitana boo ɔ, an ni ma Yataa 'a gbasaya kɔɔ. Chɛ ni a ma, Yataa ni a boo bɔ an 'na ko yama n dɔ, mbɛ an‑na an si tena ma sɔn, Yataa 'a mɔɛ n tɛ ɔ. Mɔɛ chɛ nu, Yataa ɛ a ma, miin mbe ma tenchen a ko a, koe min na mu, an‑na an kai fa n na.’

GBOO DOMI KO A 13:12

Banda ɔ ka tena wan gbɛ, a ɔ ma yansan to tee bɔ‑a. A nyin fan mmɔ ni sɛmbɛ koe chɛ n ma koe a, pimbi ɔ ko yama chɛ nu. Mbɛ mmɔ‑a butuin chɛ feanka chɛ n ya, mmɔ ɛ butuinɛ chɛ‑a miin na tee a den.

GBOO DOMI KO A 16:17

N bɔ Chisianɛ nu, n mbe wo disa tena wo ni wo kun ma fɛn mɔɛ chɛ n boo ɔ. Mɔɛ chɛ nu, miin mbe mɔɛ n dɔ fasan, an mbe sɔnkɔ sɔnkɔɛ a bea an tɛ ɔ. Mɔɛ chɛ nu, miin mbe an bɔɛ n ka tea chia ma. A yɛ to, wo kan‑da ko chɛndɛ miin ma, an mɔɛ chɛ n mbe wo kan ko dɔ gbɛɛ n na, miin mbe ee a chia ma. Wo ma gbɛn an mɔ bonda chɛ n ma.

GBOO DOMI KO A 6:21

Wo na‑a tɔnɔnɛ minan sɔn a ɔ? Tea ko a, wo nii ma tɔnɔn kan kɔ kan sɔn ni an koe chɛ n dɔ. An koe n mu ka sanche maumaya koe n na wo tena. Saya an bɔ‑a a koe n dɔ.

Gboo Kadesia Ko A 6:8

A sin, ni mɔɛ ma‑a dechee a faa ma koe yama ma‑a mɔgbuya ɔ, a gbɔɛ ɛ ma‑a kuɔ fɔ saya an na, a danka a. Chɛɛ mɔɛ min mbe ma‑a Yataa Nyina gbee a, a gbɔɛ ɛ ma‑a kuɔ fɔ fɔɛ an na.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Ɛfisɔsi Ko A 5:12

A gbu sin ma mauen ba mu, mɔɛ ɛ ma bai sa‑a, a si an koe chɛ n ma, an mbe miin ma nun dɔ.

Gboo Ɛfisɔsi Ko A 5:7

Chɛ an gbu fɛ mu, wo ma bea an mɔ bonda chɛ n fɛ.

Gboo Kɔdɔsai Ko A 1:12

Nn mbe Yataa wai bɔ tena tima ɔ tima, tɔnɔnɛ chɛ n bɛɛ ma sɔn koe a, a‑a miin be koe fɔ a ta mɔɛ n ma, miin mbe a 'a manɛ kɔɔ. A wan Yataa dɔndɔ gbe, an mbe a gbasaya be wo ma, an ma sɔn koe a.

Gboo Saa Tɛsadonika Ko A 5:7

Pimbi ɔ mu, mɔɛ n mbe chinɔ. A yɛ to, pimbi ɔ mu, gbɛ ɛ mɔɛ n bia.

GBOO FEAN BƆƐ TƐSADONIKA KO A 3:14

Mɔɛ ɛ ma‑a wan kɔɛ nɔ, min ban‑da koe chɛ n ma koe a, nn‑na koe miin nyɛn gboo chɛ ɔ wo tena. Ni ɛ ka wan, wo wo ya gba sa an mɔɛ chɛ ma. Wo sin gbu ma gbɛn a ma, min mbe a ma, a ni mau a wandi ma.

GBOO FEAN BƆƐ TƐSADONIKA KO A 3:6

Nn suun ma nyɔɛ nu Chasi ɔ, nn mbe chɛ fɔ tena wo ye gbau gbau, mmɔ 'a mansa Chisɔsi Chasi tɔɛ ɔ. Wo ma gbɛn suun ma nyɔɛ chɛ n gbɛɛ ma, miin mbe gboo ɔ fa bɔ tena an 'na fɔɛ ɔ. A sin, an mbe ee bea tena koe chɛ n fɛ, nn na‑a min fɔ an ye.

1 TIMOTI 5:20

Tea fɔ an ye fanka ɔ, an fɛn mbe ko yama ma‑a, min mbe a ma, mɔɛ tɔɛ n ni chian.

1 TIMOTI 5:22

I 'a tima ya i boo bun koe a mɔɛ kun ma, a yian koe a gbakoo ya a. I 'a tima ya, mɔ dɔ mende 'a ko yama maenɛ a ee na sin i ma. To Yataa gbee an na tun.

1 TIMOTI 6:5

An sin mbe ma an nyɔn dɔ sawan sawanɛ an na su ɔ tee a, mɔɛ miin yiima a ma ko ni, a sin tea sima wɛɛ ee a ɔ. Ɛ wan an yii ma, mbɛ Yataa koe ee ta nyanɛ gbaa.

2 TIMOTI 3:5

An 'na Yataa koe ɛ an da ɔ wan, chɛɛ a ee an faa ɔ. Ka a mɔ bonda chɛ n bai ma.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

TAITƆSI 2:15

Yataa 'a gbasaya ɛ i boo ɔ gbɛ, i ni koe chɛ n gbɛɛ ɔ yian mɔɛ n na, i ni dasi be, i ni an 'na ko yama fɔ an ye. I ma a ma mɔ ɔ mɔ ni baa bɔ i ma.

KO Ɔ NUNDENƐ 18:4

Mbɛ n‑na kuiɛ dɔ mende a min to gbankon, banda bu ɔ, a ɔ, “N 'na mɔɛ nu, wo ka a fɛ, wo bɔ a ɔ, wo ni tanka a 'a ko yama ma koe ma, wo ni tanka a 'a kasaa n ma Yataa boo ɔ.