Gboo Ɛfisɔsi Ko A 4:32 - Yataa 'a Dɔbɛnɛ Nama

³² A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Ɛfisɔsi Ko A 4:32 ပူးပေါင်းရင်းမြစ်များ

MATIU 6:12

I boo bɔ nn 'na ko yama n dɔ, yɔ nn bɛɛ, nn mbe nn boo bɔ buɛ min dɔ ko yama n dɔ, an mbe miin ma nn na.

MAKI 11:25

A sin, tima ɔ tima ko a, ni wo‑a wo kɔɔ sɔ samun chɛ koe a, wo wo boo bɔ pɛn ko yama chɛ ɔ, mɔ ɔ mɔ na‑a min ma wo a. Chɛ an mbe a ma‑a, wo fa wɛɛ, min mbe banda bu ɔ, a ni a boo bɔ wo 'a ko yama n dɔ, wo‑a miin ma.”

DUKU 1:78

Chinchincha Yataa mu mmɔ 'a Yataa a. Ɛ mɔɛ a na‑a wan mmɔ baun koe a, yɔ ɛ tee kaienɛ a na buɛ min dɔ, manɛ be koe a mmɔ ma.

DUKU 11:4

I boo bɔ nn 'na ko yama n dɔ, a mu min na, miin mbe ko yama n ma nn na, nn bɛɛ nn mbe nn boo bɔ wan an 'na ko yama n dɔ. I ma dɔn ko ɔ ko ni a ma, nn ni ko yama ma.’ ”

DUKU 17:4

Ni a sin‑na ko yama ma wo a, si tena wɔnfea wɛɛ tee ma, mbɛ ɛ wo disa tima ɔ tima a 'a ko yama chɛ ko a, wo wo boo bɔ a 'a ko yama maen chɛ n dɔ wo a.”

DUKU 6:35

Chɛɛ wo e min ma, wo to wo ko don ma nyɔɛ n na, mbɛ wo‑a ko chɛndɛ ma an na. Kuiɛ a dɛ, a sin wo ma wo yii na chii a a yɛ koe a wo ma. Ni wo‑a koe chɛ n ma, Yataa ɛ tɔnɔnɛ chenama be‑a wan wo ma, mbɛ wo sɔnɛ bɔ‑a Yataa Wa sɔnɛ a. A mu min na, ɛ ko chɛndɛ ma wan wai nyima sɔn bai n na, a basan chɛ n na, miin yau kaka.

DUKU 6:37

Chisɔsi ɔ, “Wo ma wo bɔɛ n ma bɔ. Ni wo ma chɛ ma ni, Yataa wɛɛ ee kaa a tɛ‑a wo wakoe ma. Wo ma kaa yama a tɛ. Ni wo ma chɛ ma ni, Yataa wɛɛ ee wo yɛi‑a. Wo wo boo bɔ wo bɔɛ n 'na ko yama maenɛ n dɔ wo a. Ni wo‑a chɛ ma, Yataa wɛɛ‑a a boo bɔ‑a wan wo ta ko yama maenɛ n dɔ.

CHISƆSI 'A SƆ MƆƐ NU 28:2

Mɔɛ miin sin ni nɔ an kaina chɛ, an‑na ko chɛndɛ min ma nn na, a ɔ gbɛ, an nyɔn sima a ɔ yen koe a. Koe min na mu, an‑na ta a dɛn fan, mbɛ an‑na an boo si nn gbɛɛ kɔɔ, buɔdia ɔ. Sona an ni na tena, a sin, kaina chimaen fan ni kaka.

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

GBOO SAA KƆYINDI KO A 13:4

Faabia, an mbe koadia ɔ, a basan chinchimaya a. Toomaya ee koadia ɔ, yonkatɛ ee a ɔ, dɔpandaya wɛɛ ee a ɔ.

GBOO FEAN BƆƐ KƆYINDI KO A 2:10

Mɔ ɔ mɔ, wo e min to‑a nɔ, a 'a ko yama ko a, n bɛɛ n mbe a to‑a wan nɔ. N‑na ko ɔ ko min to nɔ, ni tataya koe gbu ma wɛɛ, n mbe a ma‑a wan wo ko a, Chasi chen kɔɔ.

GBOO FEAN BƆƐ KƆYINDI KO A 2:7

Chɛ gbɛɛ ɔ, ɛ nyan fan gbɛ wo ni a to nɔ, mbɛ wo‑a a nande. Ni chɛ ma, faayɔnɛ ɛ koa‑a wan a ma.

GBOO FEAN BƆƐ KƆYINDI KO A 6:6

Nn‑na a ɔ yian fan, mbɛ nn mbe wai chɛ tena Yataa an ko a. Nn sɔnɛ a koen fan mu Yataa tena, a 'a yiimatɛ ɛ wan nn dɔ, nn mbe nn faa bia wan. A sin to, nn mbe ko chɛndɛ ma wan mɔɛ n na. Yataa Nyina ɛ wai chɛ tena wan nn dɔ, koadia wɛɛ ɛ nn faa ɔ.

Gboo Ɛfisɔsi Ko A 5:1

Chɛ an fɛ mu, wo mu ka buɛ min dɔ Yataa faa ma denɛ n na, a nyin gbu wo ni butuin chɛ, wo ni a sɔnɛ ya.

CHIMISI 5:11

Dua ɛ ma wan mɔɛ chɛ n ma, miin mbe faabia chɛ ko yawaenɛ ɔ. Kai Chobi mu an mɔɛ chɛ n dɔndɔ a. Wo‑a a a min fan, a na‑a a faa bia buɛ min dɔ. A sin, wo‑a a ɔ yen fan to, Mansa Yataa 'a dɔbɛnɛ na‑a bɔ buɛ min dɔ a gbee a. A mu min na, chinchimaya faa an mbe Yataa ɔ, a sin mbe chinchin.

2 PITA 1:7

Chɛ sin to, wo a wɛɛ ma munda bia chɛndɛ a, wo e min chɛ wo nyɔn na. A dankama nɛnɛ an nɛ, wo an ma munda koadia a, wo nyɔn ko a.

1 CHƆN 1:9

Chɛɛ ni mmɔ dɔn‑da a ma, mbɛ mmɔ‑a ko yama ma wan, Yataa danayaen mu, ɛ na‑a tea koe an ma‑a. Ɛ a boo bɔ‑a wan mmɔ 'a ko yama n dɔ, mbɛ a‑a mmɔ ko mmɔ 'a ko yama n gbɛɛ n dɔ, mmɔ ni gbɛ fo.

1 CHƆN 2:12

N 'na denɛ nu, n mbe gboo chɛ nyɛn tena wo tena, koe min na mu, Yataa‑a a boo bɔ wo 'a ko yama n dɔ Chisɔsi ko a.