Gboo Ɛfisɔsi Ko A 4:31 - Yataa 'a Dɔbɛnɛ Nama

³¹ Faa yama gbɛɛ, faagbandia gbɛɛ, faatɛ gbɛɛ, wo wo boo bɔ an gbɛɛ ɔ. A yɛ to, gbonyɛ wa gbɛɛ, nyɔn ma bɔ wa gbɛɛ, ni toomaya wa, wo an boo ka.

Gboo Ɛfisɔsi Ko A 4:31 ပူးပေါင်းရင်းမြစ်များ

CHISƆSI 'A SƆ MƆƐ NU 21:30

Mbɛ gbunɛ bea‑a an duu wa chɛ gbɛɛ ɔ ben‑da, mɔɛ n mbe ta‑a ben‑da bui chɛ‑a dɔndɔ a. Mbɛ an‑na Pɔɔ bia fɔin, an‑na a konkon, a bɔ Yataa 'a kata chɛ ɔ. A sin, a ya kɔɔɛ a, an‑na Yataa 'a kata chɛ da n na tɔn tɔn fan.

GBOO DOMI KO A 3:14

Tima ɔ tima ko a, an mbe an bɔ n danka wan, faamɔnɛ ɔ.

GBOO SAA KƆYINDI KO A 14:20

N suun ma nyɔɛ nu Chasi ɔ, wo wo boo bɔ den mɛsɛ n 'na yiinachii ɔ. Wo wo yii na chii, yɔ gbakoo nu. Chɛɛ ni ko yama ma ɔ mu, wo ma den toa n na.

GBOO SAA KƆYINDI KO A 5:8

Chɛ an fɛ mu, mmɔ tachɛ Yataa faa ma a, yɔ Chu mɔɛ n ni kun bɔ a ɔ bɛn chɛ bia buɛ min dɔ, a chia ma. Mmɔ ma mmɔ 'a bɛn chɛ bia faa yama a, mmɔ ma a bia, mmɔ ɛ tun mmɔ 'a ko yama kɔma n dɔ. Chɛɛ mmɔ Yataa 'a sawa bia mmɔ boo fea a, mmɔ ni sɔn yama boo ka. Mmɔ ni Chu mɔɛ n ya tɔmɔsi a, miin ni biidi dɛnfɛenɛ daun, yisin nii min dɔ, bɛn chɛ tima kɔɔ. Chɛ ɛ a ɔ yian tena wan, mbɛ mmɔ tandenɛ ni ma Yataa chen kɔɔ.

GBOO FEAN BƆƐ KƆYINDI KO A 12:20

N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.

Gboo Kadesia Ko A 5:20

A mu to fenɛ n fai koe an na, fenɛ miin ma Yataa a, ni yawa gbasi, a basan chɛɛ ma nyɔncha a. A yɛ to, koɔ wa, toomaya, ni faa gbandiaya. A sin, an mbe to dechee an fandi an na, mbɛ an du‑a ben‑da gbambe ma.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Ɛfisɔsi Ko A 4:25

Chɛ an fɛ mu, wo wo boo bɔ fania fɔɛ ɔ. Wo gbɛɛ, wo tea fɔ wo nyɔn ye. Koe min na mu, mmɔ gbɛɛ, mmɔ mu gboo dɔndɔɛ an na, Chasi ɔ.

Gboo Ɛfisɔsi Ko A 4:26

Wo faa ni tɛ wɛɛ, wo ma ko yama ma. Wo faa gbu sin, a ma tɛ, a ka sauma ma, aan tee ni bea.

Gboo Kɔdɔsai Ko A 3:19

Wo wan musu si kai n bɛɛ, wo to wo 'a musu n na, wo ma faa ma gbaa koe ma an na.

Gboo Kɔdɔsai Ko A 3:8

Chɛɛ sanche gbɛ, wo koe chɛ n gbɛɛ boo ka. Koe nu, yɔ faatɛ, ni faagbandia. A yɛ to, toomaya wɛɛ, ni tɔ ɔ tɛ yama chɛ, a basan bai yama sa a.

1 TIMOTI 3:11

A musu n bɛɛ sɔnɛ a ni dondan, an ma tɔ ɔ tɛ chɛ, an ni ma basɔmaya tɔɛ n na, an tandenɛ ni ma ko ɔ ko ɔ.

1 TIMOTI 3:3

A ee gbɛ wa min, faagbandia tɔ ma a a, chɛɛ a ni ma mɔɛ a min faa chimaen mu, a ee koɔ yan. A sin, kɔpɔɛ wako ee a faa ɔ kaka.

1 TIMOTI 5:13

A ka chɛ ma, an mbe a kuu sɔ wan nyapen nyapencha ma yan‑da, benbenɛ a chenɛ n kun ma. Min yau chɛ ma, an mbe tɔ tɛ chɛ wan a basan ko ɔ fɔɛ ma yanɛ a, bai n fɔɛ a min ma an fɔ bai a.

2 TIMOTI 2:23

I ma i boo chɛ wooya kɔɔsa bia ɔ, yiimatɛ ee min dɔ. I‑a a ɔ sɔn fan, mbɛ chɛ ɛ na koɛ an na.

2 TIMOTI 3:3

Mɔgbuya ee an dɔ, an faa a kɔɔen ba ɛ. An mbe koe ɔ fɔ kaka, an mbe ee an fandi boo ɔ, nimisa don mɔ wa nu, miin ma to ni fen chɛndɛ a.

TAITƆSI 1:7

Chɔchi ya ɔ sɔɛ sin, min mbe Yataa 'a wai kun ma, mabɔ ee ma a ma, dɔpanda tɔ ma a a, a faa ma gbandi, a sin mbe ee gbɛ wa min. Kɔpɔɛ wakoe ee koa a faa ɔ, a sin mbe ee ma gbun na bea mɔ a.

TAITƆSI 2:3

A fɔ musu ma taenɛ n bɛɛ ye, an ni baa be Yataa ma an sɔnɛ n dɔ. An ma ma yɔnɛ a gbɛ ko a, an ma tɔ ɔ tɛ yama chɛ. An mbe kanɛ min chɛ, a ni ma kan chɛndɛ a.

CHIMISI 1:19

N suun ma nyɔɛ nu Chasi ɔ, wo ko a di n ye. A sin, wo chɛ sa wo yii ma. Ni wo too ma sɔ koe mu, wo ma tima yayi a ma sɔ koe a. Chɛɛ wo tima ya koɔ koe a. Wo ni tima ya, faatɛ bɔ koe a.

CHIMISI 3:14

Chɛɛ toomaya faenɛ ɛ mɔɛ min faa ɔ, a toenɛ ɛ dechee a faa ma koe n na, yiimatɛ tɔ ma a mɔɛ chɛ a. A yau ko yama tɔɛ gbɛɛ ma, a mɔɛ chɛ yii na chii koe a, mbɛ yiimatɛ tɔɛ mu a a.

CHIMISI 4:11

N suun ma nyɔɛ nu Chasi ɔ, wo ma wo nyɔn ma bɔ. Mɔ ɔ mɔ min mbe a bɔɛ ma bɔ‑a, a ni kaa a tɛ a ma, a mɔɛ chɛ ɛ ma‑a ka sawa chɛ an ma bɔ‑a, Mosisi‑a min be. Ɛ ɛ ma‑a ka kaa a tɛ‑a an sawa chɛ an ma. Ni mɔɛ sin‑na kaa a tɛ sawa chɛ ma, mbɛ a ee ma‑a to a kɔɔ. Koe min na mu, a ban‑da ma‑a kaa a tɛ mɔɛ a sawa gbu ko a.

1 PITA 2:1

Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

1 CHƆN 3:12

Mmɔ ma ma yɔ mɔna chɛ, Ken, Sitana 'a mɔɛ, min‑na a dɔ kaima fa. A‑a chɛ ma koe min na, a na‑a a ɔ yen fan, mbɛ a ta chɛ chɛ wai nii ma nyin, chɛɛ a dɔɛ tanden fan ni Yataa tena.

1 CHƆN 3:15

Mɔ ɔ mɔ min mbe too‑a a suun ma nyɔɛ a, mɔ fa mɔɛ mu a a. A sin, wo‑a a ɔ sɔn fan, mbɛ mɔ fa mɔ kan kɔ kan, a ee kuɔ fɔ fɔɛ ma sɔn.

KO Ɔ NUNDENƐ 12:10

Mbɛ n‑na mɔɛ koɔ kuiɛ a min, a ka banda bu ɔ. A koɔ‑a gbankon, a ɔ, “Mmɔ 'a Yataa‑a chɛɛ fo gbɛ. Ɛ a 'a gbasaya a tachɛ wan gbɛ, a 'a mansaya dunya kun ma. Yataa 'a Chasi wɛɛ, mmɔ kun ka mansa, ɛ a 'a gbasaya yian‑da wan dunya ɔ. Nyina yama n 'na mansa chɛ ee to sɔ ɔ Yataa chen kɔɔ, a ee to nɔ, kun yama si koe a mmɔ bɔɛ n kun ma su ɔ tee. Nyina yama chɛ fesan‑da nɔ, a a dɛ‑a dunya ɔ.