Gboo Ɛfisɔsi Ko A 4:30 - Yataa 'a Dɔbɛnɛ Nama

³⁰ Wo sin ma a ma, Yataa Nyina faa ni yɔn. An mbe a ɔ yian, mbɛ Yataa an ta mu wo a, aan tee chɛ ko a, wo e bauncha ma sɔn‑da tee min ma.

Gboo Ɛfisɔsi Ko A 4:30 ပူးပေါင်းရင်းမြစ်များ

MAKI 3:5

Mbɛ Chisɔsi‑a an gbɛɛ ya kɔɔɛ ma fɛn dɔndɔ dɔndɔɛ a a 'a tindanɛ. A faa tɛenɛ ɛ an ma, a yɛ to, ɛ faamɔnɛ ɔ, a si an 'na faa a kɔɔɛ ma. Mbɛ a ɔ kamin chɛ ma, “I boo ɔ tan.” Mbɛ a‑a a boo ɔ sawan, mbɛ a boo baun‑da, yɔ a dɔndɔɛ ni buɛ min dɔ.

DUKU 21:28

Ni koe chɛ n‑na a kuu sɔ ma‑a, wo wo faa bia, wo yiima diaenɛ ni ma. Koe min na mu, a ɔ ee yansan‑da to, mbɛ Yataa‑a wo kun ka.”

CHƆN 3:33

Chɛɛ mɔɛ nu, miin mbe an boo si‑a a 'a sakana chɛ kɔɔ, an mbe ma‑a ka a ɔ yian fan na, mbɛ Yataa 'a bai mu tea an na.

CHISƆSI 'A SƆ MƆƐ NU 7:51

Mbɛ Sitibin n dɔ te gbɛ, a ɔ, “Wo too ɔ gbɛ kaka. Wo faa n dɔ ɛ wan dechee yɔ mɔɛ chɛ nu, miin ban‑da Yataa ɔ. Wo too gbee‑a, Yataa bai a min koe a. Wo e wan dechee yɔ wo bemba n ta bemba nu. Wo ee dɔn tima ɔ tima ko a, wo too ma sɔ koe a Yataa Nyina ma.

GBOO DOMI KO A 8:11

Yataa Nyina, min‑na a ma, Chisɔsi Chasi‑a a kɔɔ sɔ a ka saya ɔ, ɛ wan wo fɛ. A Nyina chɛ sin, min‑na chɛ ma ka, ɛ fɔɛ be‑a wan wo ma, wo wɛn mbe fa ka. Ɛ chɛ ma‑a wan, yɔ a na‑a a ma buɛ min dɔ dechee Chasi a.

GBOO DOMI KO A 8:23

Chɛɛ chɛ ee ma fen chɛ n dechee a, Yataa‑a miin nyan. Mmɔ wɛɛ, Yataa Nyina pɛn be‑a mmɔ ma. Chɛ sin ma‑a wɛɛ ka mmɔ ye, mmɔ ɛ kuun tena wan tun mmɔ faa ɔ. Mmɔ ɛ wan chɛ a, mmɔ ɛ ta‑a Yataa ma kɔn‑da, a ni mmɔ ma fion a 'a denɛ n na, gboo nama ɔ ya ɔ ma.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO SAA KƆYINDI KO A 15:54

Ni fenɛ min mbe fa, ɛ tui, a ma‑a gbɛ fenɛ a, min mbe ee fa, a ee tui, mbɛ bai chɛ ɛ bɔ‑a wan a a, min nyɛnden mu Yataa 'a gboo ɔ, a ɔ, “Kunɛ chɛ‑a saya ma, buɔdia kun tɛ‑a gbɛ.”

Gboo Saa Tɛsadonika Ko A 5:19

Wo ma wo boo sɔ Yataa Nyina ya ɔ, a 'a wai chɛ koe a wo ɔ.

GBOO IBU MƆƐ N KO A 10:29

Ni tea mu chɛ a, fen koe ɛ na‑a ma‑a gbɛ mɔɛ chɛ a, min mbe ee a gbɔsɔ‑a Yataa 'a denɛ ko a? Yataa 'a dɔbɛn nama chɛ, Chisɔsi wii min bɔn‑da mmɔ 'a ko yama n ko a, mɔɛ min mbe ee a ya‑a fen kɔ fen na. Fen mbe ma‑a an mɔɛ chɛ a? Yataa Nyina, min mbe koadia demanɛ chɛ, mɔɛ min mbe a main. Fen mbe ma‑a an mɔɛ a? Wo wo yii na chii wɛ, ko yawaen chɛ a, Yataa ɛ min si‑a an mɔɛ chɛ a.

GBOO IBU MƆƐ N KO A 3:10

Chɛ an fɛ mu, n faa na‑a tɛ wan an mɔɛ chɛ n nɛnɛ ma, mbɛ n‑na a fɔ, n dɔ, ‘An faa ma nyin tima ɔ tima ko a. A sin, an mbe ee dɔn, an ni bea n fɛ.’

GBOO IBU MƆƐ N KO A 3:17

A sin, Yataa faa na‑a tɛ nyɔn ma, san bi naanin ko a? Mɔɛ chɛ nu ni, miin na‑a ko yama ma, a sin, an na‑a bea wan an fuinɛ ma, an fa‑a.