Gboo Ɛfisɔsi Ko A 4:25 - Yataa 'a Dɔbɛnɛ Nama

²⁵ Chɛ an fɛ mu, wo wo boo bɔ fania fɔɛ ɔ. Wo gbɛɛ, wo tea fɔ wo nyɔn ye. Koe min na mu, mmɔ gbɛɛ, mmɔ mu gboo dɔndɔɛ an na, Chasi ɔ.

Gboo Ɛfisɔsi Ko A 4:25 ပူးပေါင်းရင်းမြစ်များ

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO DOMI KO A 12:5

A chia dɔndɔ gbe chɛ a, mmɔ kɔkoo wɛɛ ka boo ɔ boo Chisiancha chɛ ɔ, mmɔ ma‑a gbɛ mɔ dɔndɔ a mmɔ bɛ Chasi a. A yɛ to, mmɔ‑a tun tunden fan mu, mmɔ nyɔn na.

GBOO SAA KƆYINDI KO A 10:17

Mmɔ da a koo, chɛɛ mɔ dɔndɔ gbe mu mmɔ a, a mu min na, mmɔ ɛ biidi gbugbu dɔndɔ gbe an daun.

GBOO FEAN BƆƐ KƆYINDI KO A 7:14

N gbu na‑a wo ma yonka tɛ wan a tena, wo sin ma n na mau ni. Tima ɔ tima ko a, nn‑na bai miin gbɛɛ fɔ wo ye, tea nu mu. A sin, a chia dɔndɔ gbe chɛ a mu, nn‑na yonka min tɛ Taitɔsi tena, a si wo ma, a wɛɛ ma‑a tea a.

Gboo Ɛfisɔsi Ko A 4:15

Chɛɛ mmɔ ɛ min ma, mmɔ tea fɔ, koadia ta fɛ chia a. Mmɔ ni koa chia ɔ chia a, Chasi ta chia a, a wɛn mu mmɔ kun ti a.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Ɛfisɔsi Ko A 4:31

Faa yama gbɛɛ, faagbandia gbɛɛ, faatɛ gbɛɛ, wo wo boo bɔ an gbɛɛ ɔ. A yɛ to, gbonyɛ wa gbɛɛ, nyɔn ma bɔ wa gbɛɛ, ni toomaya wa, wo an boo ka.

Gboo Ɛfisɔsi Ko A 5:30

Koe min na mu, mmɔ maen fan mu yɔ a sɔna nu, a gboo chɛ ko a.

Gboo Kɔdɔsai Ko A 3:8

Chɛɛ sanche gbɛ, wo koe chɛ n gbɛɛ boo ka. Koe nu, yɔ faatɛ, ni faagbandia. A yɛ to, toomaya wɛɛ, ni tɔ ɔ tɛ yama chɛ, a basan bai yama sa a.

Gboo Kɔdɔsai Ko A 3:9

Wo ma fania fɔ wo nyɔn ye, koe min na mu, wo‑a wo boo bɔ wan wo sɔn kɔma n dɔ.

1 TIMOTI 1:10

A yɛ to, ɛ ko tɛ mɔɛ chɛ n fan ko a, mɔɛ miin mbe an bɔ mɔ kaima mun an 'na musu a. Mɔɛ chɛ n bɛɛ, miin mbe fania fɔ, ni miin mbe fania siiya chɛ. Mɔ ma tachɛ mɔɛ nu, ni miin mbe koe n ma, min kaen mu kan chɛndɛ chia ma.

1 TIMOTI 4:2

Kan yama bonda chɛ nu, ɛ ka fania yama kan chɛ mɔɛ n fan na. Gbasaya min mbe a ma, an ni ko chɛndɛ ya bɔ ko yama a, a ee to an dɔ. A maen mu yɔ an yiima faen fan mu an dɔ.

TAITƆSI 1:12

An bɔɛ dɔndɔ gbu, an fandi gbu ta ko sɔn mɔɛ, a‑a a fɔ wan, mbɛ Keti mɔɛ n mu tima ɔ tima fania fɔ mɔ wa an fan na, an gboo ɔ faen mu, an sin bɛnchɛ. A yɛ to, koe a fasan mɔ wa mu an na, kan baiya tɔ wa nu.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

1 PITA 2:1

Chɛ an fɛ mu, wo wo boo bɔ ko yama ma gbɛɛ ɔ. Wo sɛmbɛ fania fɔ koe a. A yɛ to, wo sɛmbɛ ma koe a nɛnɛn fea ti n na. A sin, wo main chɛ kan kɔ kan boo ka, mbɛ wo sɛmbɛ‑a too koe a mɔ dɔ gbɛɛ n na.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.