Gboo Ɛfisɔsi Ko A 4:22 - Yataa 'a Dɔbɛnɛ Nama

²² Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Ɛfisɔsi Ko A 4:22 ပူးပေါင်းရင်းမြစ်များ

GBOO DOMI KO A 6:6

Mmɔ‑a a ɔ sɔn fan, mbɛ Chisɔsi ni gbangban tena tima min na kɔn gbengbanden chɛ ma, mmɔ sɔn kɔma n bɛɛ gbangban‑da wan a ma. Chɛ ma‑a min mbe a ma, Yataa ni mmɔ sɔn kɔma n bɔ mmɔ faa n dɔ. Chɛ ɛ a ma‑a wan, mmɔ ee ma‑a to yɔnɛ n na mmɔ 'a ko yama n boo ɔ.

GBOO DOMI KO A 7:11

Sawa chɛ, ko yama‑a a chen sɔ an na, n bun koe a. Ko yama‑a sawa chɛ an ya, n fa koe a.

GBOO FEAN BƆƐ KƆYINDI KO A 11:3

Chɛɛ n chianden mu ko dɔndɔ an ko a. Mbɛ ka chɛ na‑a Ifi bun buɛ min dɔ, yaa a, wo wɛɛ, wo yiima ɔ ma na chɛ. Wo ee na‑a ma‑a teaya ɔ, Chisɔsi Chasi a, wo ni ma a ko a chɛndɛ chɛ.

Gboo Kadesia Ko A 1:13

Chɛɛ wo gbu, wo na‑a a a min fan, n ni Chu n 'na sawa n bia buɛ min dɔ gbau gbau, a si Yataa fai koe ma. N‑na ko yawaenɛ sa wan mɔɛ n ma, a yama boo a, chɔchi ɔ. N gbu toen ni, n ni an kasaa wan.

Gboo Ɛfisɔsi Ko A 2:3

Mmɔ wɛɛ, tima dɔndɔ a, mmɔ bɛ ni wan ben‑da mmɔ bɛ an mɔ bonda chɛ n na, mmɔ ɛ bea mmɔ faa ma koe n fɛ. Mmɔ ni mmɔ yii ma koe n fan na tachɛ, a basan mɔgbuya yama a. A chia chɛ a, tɛ bɔ nii mmɔ ma, mmɔ bɛ an na. Mmɔ ni mɔɛ n fan na, Yataa ni miin tɔɔ‑a.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Ɛfisɔsi Ko A 4:25

Chɛ an fɛ mu, wo wo boo bɔ fania fɔɛ ɔ. Wo gbɛɛ, wo tea fɔ wo nyɔn ye. Koe min na mu, mmɔ gbɛɛ, mmɔ mu gboo dɔndɔɛ an na, Chasi ɔ.

Gboo Ɛfisɔsi Ko A 4:31

Faa yama gbɛɛ, faagbandia gbɛɛ, faatɛ gbɛɛ, wo wo boo bɔ an gbɛɛ ɔ. A yɛ to, gbonyɛ wa gbɛɛ, nyɔn ma bɔ wa gbɛɛ, ni toomaya wa, wo an boo ka.

Gboo Kɔdɔsai Ko A 2:11

Wo ma min chɛ‑a mɔ dɔndɔɛ a, wo bɛ Chasi a, wo a ban‑da kamincha‑a. Mɔ gbu ta da kamincha ma, chɛɛ Chisɔsi ta mu. A sin‑na a ma, mbɛ wo kunɛ bɔ‑a wo 'a ko yama n dɔ, miin ma nyin mɔgbuya chɛ ɔ.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

GBOO IBU MƆƐ N KO A 12:1

Chɛ gbɛɛ an fɛ mu, mmɔ wɛɛ, mɔɛ chɛ n gbɛɛ mbe wan nɛ mmɔ tɛ ɔ, miin na‑a a ɔ yian an chɛ chɛ wai n dɔ, mbɛ an kai faen fan mu Yataa a. Chɛ ko a, mmɔ ni mmɔ boo bɔ ko ɔ ko ɔ, miin mbe mmɔ ɔ chɛ chɛ. Chɛ n mu ko yama n fan na, miin mbe mmɔ bia gban. A sin, mmɔ ni mmɔ ma bɛn koe n ma koe a a chia ma, fɔɛ ɔ min mbe ya ɔ ma. Mmɔ an ma mmɔ sɔɛ gbɛɛ a, yɔ mɔɛ ɛ bui chɛ buɛ min dɔ, bui chɛ bɛnɛ ɔ.

GBOO IBU MƆƐ N KO A 3:13

Chɛɛ wo wo nyɔn faa ma nande, tee ɔ tee ko a. Wo chɛ ma bi, tima min na wɛ Yataa ma sɛmbɛ ni deman koe a wo ma. Chɛ ni a ma, ko yama ma na chenɛ sɔ wo kɔɔ, a ni wo bun, wo ni too ɔ gbɛa bɔ Yataa a.

CHIMISI 1:21

Chɛ an fɛ mu, wo ni wo boo bɔ ko yama gbɛɛ ɔ wo 'a fɔɛ ɔ. Wo ni wo boo si a 'a sakana bai chɛ kɔɔ, min been mu wo ma. Bai chɛ, a‑a a kun a ma koe a, wo ni bauncha ma sɔn.

CHIMISI 1:26

Ni mɔ ɔ mɔ‑a a fɔ, mbɛ Yataa sɔn mɔɛ mu a a, a ni a da a kuiɛ kun ma fɛn. Ni a ma chɛ ma ni, ɛ ma‑a ka a wandi an woo a. A ma Yataa sɔn.

1 PITA 1:18

Wo wandi gbu‑a a ɔ sɔn fan, mbɛ wo ni wan baa baa fɔɛ ɔ, wo bemba n ta bemba n ni min dɔ. Yataa ma kain gbɛ an ya ni, chɛ ma sanu, miin mbe yɔn, a ni an be wo kun ka koe a, a bɔ an fɔɛ chɛ ɔ. Wo‑a a ɔ sɔn fan, a na‑a fenɛ min be.

1 PITA 4:3

A saa a, wo‑a koe chɛ n ma kaka, miin ma koe a ni di gbeden mɔɛ chɛ n ye, miin ma Yataa sɔn. Wo 'a fɔɛ gbɛɛ ni yau kaka. Wo ni gbɛ wa min fan. Wo e dunya ma koe ma to fiti fata. Wo ni mauma koe n sɛsɛ ma wan to. A yɛ to, wo ni fenɛ n fai wan, wo e an ya Yataa a.

2 PITA 2:13

An mbe mɔnɛ ɔ yen‑da wan, an na‑a a ma min chɛ mɔ dɔ mende n na mɔnɛ ɔ bia. Koe min na di an ye, an nɛ koe chɛ n ma koe a tee a den, koe miin mu an gboo faa ma koe a. An mu mau an na, a basan popoya a, wo bɛ ɛ ma daunɛ chɛ‑a an na. Koe min na mu, su ɔ tee a an boo ɛ ma an 'na da mau koe chɛ n fan dɔ.

2 PITA 2:7

Yataa ni mɔ yama chɛ n kasaa tena tima min na, a na‑a kai Dɔti kun bɔ wan a ɔ suun. Dɔti chɛ ni mɔ chɛndɛ an na, a sin faa na‑a yɔn fan, tima min na an mɔɛ chɛ n ni ko yama yama chɛ n ma tena.