Gboo Ɛfisɔsi Ko A 4:21 - Yataa 'a Dɔbɛnɛ Nama

²¹ Wo wandi gbu‑a a ɔ sɔn fan, mbɛ an‑na bai sa wan wo tena, a si a ma. A sin, an‑na wo kan fan, wo ma koe a mɔ dɔndɔɛ a, wo bɛ Chasi chɛ a. Tea chɛ sin, sakana chɛndɛ chɛ, ɛ min fɔ, a sien mu a wan Chisɔsi an ma.

Gboo Ɛfisɔsi Ko A 4:21 ပူးပေါင်းရင်းမြစ်များ

MATIU 17:5

Pita to‑a koɔ tena wan Chisɔsi tena, mbɛ dingbii gbɛenɛ fo fo yii‑a an kun na, mbɛ Yataa koɔ‑a an dingbii chɛ ɔ, a ɔ, “N 'na denɛ an nɛ, a ko a di n ye kaka. N faa chimaen mu a ko a. Wo a da a kuiɛ a min.”

DUKU 10:16

Mbɛ Chisɔsi‑a a fɔ a fɛ denɛ n ye, a ɔ, “Ni mɔ ɔ mɔ‑a a too ma sɔ wo ma, a‑a a too ma sɔ ka n fan ma. Ni mɔ ɔ mɔ ban‑da wo ɔ, a ban‑da ka n fan dɔ. Chɛɛ a sin mɔɛ min mbe ban‑da n dɔ, a ban‑da ka Yataa an dɔ, min‑na n na na.”

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 10:27

N 'na sa n mbe an too ma sɔ wan n da a bai ma, n mbe min fɔ. N‑na an sɔn, a sin, an mbe bea wan n fɛ.

CHƆN 14:17

An Nyina chɛ, an mbe a ma, mɔɛ n ni tea ɔ sɔn a si Yataa ma. Chɛɛ Yataa wakoe ee mɔɛ miin faa ɔ, an mbe ee che an boo si‑a a kɔɔ. Koe min na mu, an mbe ee che a yen‑da, an sin ma a sɔn. Chɛɛ wo tana, wo‑a a sɔn fan, koe min na mu, wo bɛ mu sanche chɛ ɔ, a sin mbe ma‑a wan wo fɛ ya ɔ ma.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

GBOO DOMI KO A 10:14

Chɛɛ mɔɛ n mbe ee kun, an ni a tɔɛ chee bauncha ko a, ni an ma an kai fa ni Chisɔsi a. Chɛɛ ni an ma Yataa 'a sakana bai chɛ a min ni, an mbe ee che an kai fa chɛ chɛ a. An sin mbe ee kun, an ni sakana bai chɛ a min, ni mɔ ɔ mɔ ma a fɔ ni an ye.

GBOO FEAN BƆƐ KƆYINDI KO A 1:20

Koe min na mu, Yataa ɛ tooɔdia min gbɛɛ chɛ, Chisɔsi an mbe a gbɛɛ a tachɛ. Chɛ an fɛ mu, mmɔ ɛ a fɔ, mmɔ ɔ, “A ni ma ka,” Chisɔsi tɔɛ ɔ, basɔmaya be koe a Yataa ma.

GBOO FEAN BƆƐ KƆYINDI KO A 11:10

Chasi 'a tea, ɛ ka buɛ min dɔ n dɔ, n mbe ka yonka min tɛ‑a, a ɔ ee maun‑da Akaya chɛnyɛ gbɛɛ ɔ.

Gboo Ɛfisɔsi Ko A 1:13

A sin, a ma‑a ka wan wo wɛɛ a. Wo wan, wo wɛn‑na sakana bai chɛ a min, tea mu min na, min mbe wo baun. Wo sin‑na wo kai fa wan Chisɔsi Chasi a, mbɛ a‑a Yataa Nyina a na, wo too ɔ dia‑a min na, wo kun ma fɛn koe a.

Gboo Ɛfisɔsi Ko A 2:17

A sin, a na‑a wan, a‑a sakana bai chɛndɛ chɛ ɔ yian wo a, wo wɛn nii Yataa baima, a basan chɛ n na, miin gbɛndenɛ ni Yataa ma.

Gboo Kɔdɔsai Ko A 1:5

Wo e chɛ ma, a mu min na, wo yii na tɛenɛ mu koe chɛ an ma, Yataa‑a min sa tena ɔ bɛn wo ya ɔ banda bu ɔ. Tea bai chɛ, min mu sakana bai chɛndɛ a, a‑a a fo kɛn wo ma tima saa saa ko a, wo‑a a a min fan, ɛ na yiinatɛ min na.

Gboo Kɔdɔsai Ko A 1:6

Sakana bai chɛndɛ chɛ ɛ a ma tena wan, ko chɛndɛ sɛsɛ ɛ mɔɛ n tan tena tima ɔ tima ko a dunya gbɛɛ ɔ. A sin, wo wandi wɛɛ tɛ ɔ, ɛ ma tena ka wan. A bia tee saa saa chɛ ma, wo na‑a a a min kɛn, mbɛ wo dan‑da koadia demanɛ a chɛndɛ chɛ, Yataa ɛ min chɛ tea tea ɔ.

Gboo Kɔdɔsai Ko A 2:7

Wo ban‑da wo kai fa‑a a a gban. Chɛ an fɛ mu, wo a a tun wo kai fa koe ma a a, wo ma yɛ kuu kɔ. A sin, wo‑a wo kai fa ka buɛ min dɔ a a, wo ma yɛ to kuu kɔ, yɔ a fɔen mu buɛ min dɔ wo ye. Tima ɔ tima ko a, wo Yataa wai bɔ.

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.