Gboo Ɛfisɔsi Ko A 4:19 - Yataa 'a Dɔbɛnɛ Nama

¹⁹ An ma‑a gbɛ mɔɛ n na, ko ee miin faa gbaa, a sin, an‑na an kunɛ a fuin gbɛ ko yama ma koe a. An ma bɛndenɛ mu, tima ɔ tima ko a, ko yama ma koe a.

Gboo Ɛfisɔsi Ko A 4:19 ပူးပေါင်းရင်းမြစ်များ

MAKI 7:22

A ni ma waa ma basan koe an na mɔɛ a, mɔ ee fuu ɔ min na, bɛncha mu, a basan ko yama tɔɛ gbɛɛ a. Mɔɛ bun koe, kan baiya, toomaya, tɔ ɔ tɛ yama chɛ, yonka, wooya.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

1 TIMOTI 4:2

Kan yama bonda chɛ nu, ɛ ka fania yama kan chɛ mɔɛ n fan na. Gbasaya min mbe a ma, an ni ko chɛndɛ ya bɔ ko yama a, a ee to an dɔ. A maen mu yɔ an yiima faen fan mu an dɔ.

1 PITA 4:3

A saa a, wo‑a koe chɛ n ma kaka, miin ma koe a ni di gbeden mɔɛ chɛ n ye, miin ma Yataa sɔn. Wo 'a fɔɛ gbɛɛ ni yau kaka. Wo ni gbɛ wa min fan. Wo e dunya ma koe ma to fiti fata. Wo ni mauma koe n sɛsɛ ma wan to. A yɛ to, wo ni fenɛ n fai wan, wo e an ya Yataa a.

2 PITA 2:22

Koe chɛ min sin ma‑a ka an na, a ɔ yiandenɛ an nɛ, mbɛ tai min na‑a tɛ suun, tea mu. Tai gbu ɔ, mbɛ wuu an mbe yɛ a fɔnɔɛ daun‑da. A ɔ, kɔɛnya wɛɛ ɛ yɛ wan to a ma chemen chemen‑da, a koenɛ gbakɔ.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.

KO Ɔ NUNDENƐ 18:3

Dunya gbɛɛ‑a Babidon 'na gbɛ yama chɛ min, a 'a gbɛ yama min mbe yiima yama ma munda ka, a bɛbɛɛ ko tɛ. Dunya ma mansa gbɛɛ, an‑na waa ma basan a a, yua mɔɛ n nyan‑da a ɔ, a kunɛ a fuindenɛ ɛ duu diaya a.”