Gboo Ɛfisɔsi Ko A 4:17 - Yataa 'a Dɔbɛnɛ Nama

¹⁷ Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Ɛfisɔsi Ko A 4:17 ပူးပေါင်းရင်းမြစ်များ

DUKU 16:28

a mu min na, n dɔ kaima duu n mbe nɔ. A ni ta, a ni an na si, min mbe a ma, an bɛɛ ma na na nɛ tɔɔya chɛ ɔ, n mbe ka min dɔ.’

CHISƆSI 'A SƆ MƆƐ NU 14:15

“N bɔ nu, wo toen mu wo ni ko bonda chɛ ma, fen ko a? Nn bɛɛ, mɔ gbu mu nn na, yɔ wo e ka buɛ min dɔ. Nn mbe nɛ, sakana bai chɛndɛ chɛ ɔ yian koe a wo a, wo ni wo boo bɔ tataya ko bonda chɛ n dɔ. Wo ni wo ya a mun Yataa ma, min mbe ee fa kuɔ fɔ ko a. A wan‑na banda a dan, an fea duu gboo a, kɔ yii wɛɛ, a basan fen kɔ fen na, miin be an dɔ.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

CHISƆSI 'A SƆ MƆƐ NU 2:40

Pita koɔ‑a wan an tena tima ɔ yansama ko a, mbɛ a‑a an na si, a ɔ, “Yataa ɛ na tena wan mɔ bonda chɛ sima n na mɔnɛ‑a, miin yau ka yama yama. Chɛ an fɛ mu, wo ni wo tanka an mɔnɛ chɛ ma.”

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

GBOO DOMI KO A 1:21

An‑na a ɔ sɔn fan, mbɛ Yataa ɛ wan nɔ, chɛɛ an mbe ee a tando a chia ma, an sin mbe ee a wai bɔ. An mbe yiinachii miin chɛ, ko ɔ ko ee bɔ an dɔ. Fen kɔ fen mbe ee an 'na yiinachii n dɔ, a mu min na, yiinachii yama n fan mbe an dɔ.

GBOO SAA KƆYINDI KO A 1:12

N mbe min fɔ tena wo ye, an nɛ. Mbɛ wo gbɛɛ, wo da a kuiɛ ee kaina dɔndɔ. Wo dɔ n mbe a fɔ wan, wo ɔ, “Pɔɔ fɛ mɔɛ mu n na.” Mbɛ wo dɔ n‑na a fɔ, wo ɔ, “N mbe Apɔdɔsi an fɛ,” dɔ n dɔ, “Pita,” dɔ n sin dɔ, “Chasi fɛ mɔɛ chɛndɛ mu n na.”

GBOO SAA KƆYINDI KO A 15:50

N suun ma nyɔɛ nu Chasi ɔ, n toen mu wo ni chɛ ɔ sɔn. Mbɛ mɔ gbu e ma i gboo ɔ, wii ɛ i ɔ, e ee don Yataa 'a mansaya kɔɔ. N mbe baa a, fenɛ min mbe fa, a ni che ma‑a fenɛ a, min mbe ee fa.

GBOO FEAN BƆƐ KƆYINDI KO A 9:6

Koe gbu mu chɛ an na, a nyin wo ni min sa wo yii ma. Mbɛ mɔɛ min mbe chin fen pɛɛ chin, ɛ chin fen pɛɛ an ma sɔn. Chɛɛ mɔɛ min mbe chin fen chenama chin, ɛ chin fen sɛmbɛndenɛ an ma sɔn.

Gboo Kadesia Ko A 3:17

N toen mu n ni min fɔ, an nɛ. Mbɛ Yataa‑a sawa be wan Mosisi ma. A ban‑da kɛn dɔbɛnɛ chɛ‑a Ebeami a, san chɛmɛ naanin, san bi sawa gbakɔ, mbɛ a‑a sawa chɛ be Mosisi ma. Chɛ an fɛ mu, an sawa chɛ ee che dɔbɛn chɛ yɔn‑da, Yataa ban‑da min chɛ‑a. Chɛ ee che ma‑a, min mbe a ma, Yataa‑a tooɔdia min chɛ Ebeami a, a ni ma fuu gbama a.

Gboo Kadesia Ko A 5:3

N mbe chɛ fɔ tena to mɔ ɔ mɔ ye, min ma Chu mɔ a, chɛɛ a dɔn‑da a a ni kamincha. Mbɛ a dindenɛ mu an mɔɛ chɛ ma, don koe a an sawa gbɛɛ kɔɔ.

Gboo Ɛfisɔsi Ko A 1:22

Yataa sin gbu, a‑a Chasi chɛ si fen kɔ fen kun ma, chɔchi ko a. A‑a fen kɔ fen don Chasi kɔɔ.

Gboo Ɛfisɔsi Ko A 4:22

Wo kan‑da wan, mbɛ wo ni wo sɔn kɔma chɛ n boo ka. Wo sɔn chɛ nu, miin beaen mu, wo tachɛ buɛ kɔma chɛ n fɛ, fɔɛ ɔ. A tima chɛ a, wo wakoe ni yɔn tena wan gbata gbata. Koe min na mu, wo toen ni ko yama n fan ma koe a, a sin, an ko yama chɛ ni wo bun tena wan.

Gboo Kɔdɔsai Ko A 2:18

Wo ma dɔn mɔɛ chɛ n ni a fɔ wo ye, mbɛ wo ee Yataa chia ma. Mɔɛ chɛ nu, miin toen mu chii koe a wo ma, kooya be koe a maeka n ma, mbɛ wo‑a an fai. A yɛ to, an mbe a fɔ, an dɔ, an mbe koe n dɔ yen fan, miin dɔ nunden mu. An mbe ma‑a ka fania an dɔ, an mbe yonka tɛ‑a, mɔgbuya chia a, tea sin mbe ee a ɔ.

Gboo Kɔdɔsai Ko A 2:4

N mbe chɛ fɔ tena, min mbe a ma, mɔ ɔ mɔ ma na wo bun, an 'na daɔdia bai ma kawaenɛ n na, an mbe miin dɔ yian‑da.

Gboo Saa Tɛsadonika Ko A 4:6

Mbɛ an chia chɛ a, mɔ ɔ mɔ ma ko yama ma a bɔ Chisianɛ a, a ma gbasaya din a ma. Nn‑na chɛ fɔ wan wo ye a kɔma a gbau gbau, mbɛ Mansa Yataa ɛ mɔɛ n tɔɔ‑a wan, miin mbe ko bonda chɛ sima ma‑a.

1 TIMOTI 5:21

N toen mu i ni dasi chɛ ya i sɔɛ a, i ma a to mɔ ko a, i sin ma a ɔ sii mɔ ko a. Yataa ɛ mɔ yen tena wan, Chisɔsi Chasi ɛ mɔ yen‑da, maeka n bɛɛ, Yataa‑a min ya, an‑na mɔ yen.

1 TIMOTI 6:13

Yataa ɛ mmɔ yen tena wan, min‑na fɔɛ be fen fen ma, Chisɔsi Chasi wɛɛ ɛ mmɔ yen‑da, min ma a nun ni Kɔfana Pɔnchɔsi Padeti ma, danaya min nyɔn sima ɛ a ɔ. N toen mu i ni

2 TIMOTI 4:1

Chisɔsi Chasi ɛ ma‑a tima min na a 'a mansaya ɔ, ɛ mɔɛ gbɛɛ gbɛmbo‑a wan, fuɛ n bɛ chɛndɛ ba n na. Chɛ an fɛ mu, Yataa an fea Chasi a, an mbe mɔ yen tena wan. N mbe na tena chɛ an ma din‑da i tena gbau gbau.

1 PITA 1:18

Wo wandi gbu‑a a ɔ sɔn fan, mbɛ wo ni wan baa baa fɔɛ ɔ, wo bemba n ta bemba n ni min dɔ. Yataa ma kain gbɛ an ya ni, chɛ ma sanu, miin mbe yɔn, a ni an be wo kun ka koe a, a bɔ an fɔɛ chɛ ɔ. Wo‑a a ɔ sɔn fan, a na‑a fenɛ min be.

2 PITA 2:18

An mbe bai n fɔ wan, yiimatɛ ee miin dɔ, dɔpandaya bai nu. An mbe koe yama n ma to, miin na di an gboo n ye. An mbe chɛ n ma, mɔɛ chɛ n bia koe an na, mɔɛ chɛ miin‑na a kuu sɔ an kunɛ bɔ‑a an ko yama chɛ n dɔ.