Gboo Ɛfisɔsi Ko A 4:15 - Yataa 'a Dɔbɛnɛ Nama

¹⁵ Chɛɛ mmɔ ɛ min ma, mmɔ tea fɔ, koadia ta fɛ chia a. Mmɔ ni koa chia ɔ chia a, Chasi ta chia a, a wɛn mu mmɔ kun ti a.

Gboo Ɛfisɔsi Ko A 4:15 ပူးပေါင်းရင်းမြစ်များ

CHƆN 1:47

Chisɔsi‑a Natanɛɛ yen kɛn na‑a a tena, a‑a chɛ an fɔ, a si a ma. A ɔ, “Isɔɛɛ mɔɛ chɛndɛ chɛndɛ a yen ko na‑a, tɔɛ chɛ bɛnden mu min kun ma. Mɔɛ mu a a, a ee mɔ ɔ mɔ bun.”

GBOO DOMI KO A 12:9

Ni i bɔɛ ko a dia‑a i ye, a ko a ni dia i ye i faa gbɛɛ a. Wo ma to ko yama a, chɛɛ wo ko chɛndɛ ma an bia wo boo fea a.

GBOO SAA KƆYINDI KO A 11:3

Chɛɛ n toen mu wo ni a ɔ gbɛ, mbɛ musu kan kɔ kan kun ti mu a chɛɛ an na. Mɔ gbu kan kɔ kan sin dunya ɔ, a kun ti mu Chasi an na. Chasi sin kun ti mu Yataa an na.

GBOO FEAN BƆƐ KƆYINDI KO A 4:2

Chɛɛ nn‑na nn yii na chii, nn ma nn boo chɛ ni mauma koe kan kɔ kan dɔ, a ni ma nun dɔ wɛɛ a. Nn sin mbe ee koe n ma, miin mbe mɔɛ n bun. Nn gbu sin mbe ee Yataa 'a bai ma sa chia ɔ chia a. Chɛɛ nn mbe fɔɛ min dɔ, Yataa chen kɔɔ, basɔmaya da faenɛ kɔɔ mu. A sin, chɛ ɛ na tena wan pɛmbɛ a nn ko a, mɔɛ gbɛɛ tena, yiinachii chɛndɛ ɔ.

GBOO FEAN BƆƐ KƆYINDI KO A 8:8

N mbe ee ka sawa an sa tena, wo ko a. Chɛɛ ni n‑na a ɔ yian, mɔɛ n ma bɛnden ni buɛ min dɔ, deman chɛ koe a, n mbe ma‑a ka a ɔ gbɛ an na, wo 'a koadia nyin buɛ min dɔ.

Gboo Ɛfisɔsi Ko A 1:22

Yataa sin gbu, a‑a Chasi chɛ si fen kɔ fen kun ma, chɔchi ko a. A‑a fen kɔ fen don Chasi kɔɔ.

Gboo Ɛfisɔsi Ko A 1:4

A e na to dunya gbu a dan‑da wɛɛ, a na‑a ban fan gbɛ a boo sɔ‑a mmɔ ma, mmɔ ma koe a a ta mɔɛ n na, mmɔ wɛn mu mɔ dɔndɔɛ a Chisɔsi Chasi a. A na‑a chɛ ma, min mbe a ma, mmɔ ni ma a ko a tenchen, mɔɛ nu, mabɔ kan kɔ kan mbe ee miin ma. Koadia ɔ,

Gboo Ɛfisɔsi Ko A 2:21

Yataa 'a mɔɛ n gbɛɛ, an mbe wan yɔ chen dɔndɔ gbe, koe min na mu, mɔ dɔndɔɛ mu an na, an bɛ Chasi a. A sin, ɛ koa‑a wan, a ni ma tenchen Mansa Yataa 'a chenɛ a.

Gboo Ɛfisɔsi Ko A 4:25

Chɛ an fɛ mu, wo wo boo bɔ fania fɔɛ ɔ. Wo gbɛɛ, wo tea fɔ wo nyɔn ye. Koe min na mu, mmɔ gbɛɛ, mmɔ mu gboo dɔndɔɛ an na, Chasi ɔ.

Gboo Ɛfisɔsi Ko A 5:23

Koe min na mu, gbasaya ɛ wan mɔ kaima boo ɔ, a 'a musu kun ma, yɔ gbasaya ɛ buɛ min dɔ Chasi boo ɔ, chɔchi kun ma. Chasi wandi gbu sin, an mbe mɔɛ n gbɛɛ baun chɔchi ɔ, miin maen mu yɔ a gboo wandi.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 2:2

Wo to Yataa 'a bai a min koe a, tima ɔ tima ko a, yɔ den toa toen mu buɛ min dɔ a de susu yii a. Wo a a min, min mbe a ma, wo ni kɔɔ Yataa sɔnɛ ɔ, mbɛ wo‑a bauncha ma sɔn.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.

1 CHƆN 3:18

N 'na denɛ nu, mmɔ 'a koadia, a ma ma dechee bai n na, mmɔ ɛ miin fɔ. A ni ma tea koadia a, min dɔ ɛ yian mmɔ chɛ chɛ wai an dɔ.