Gboo Ɛfisɔsi Ko A 4:12 - Yataa 'a Dɔbɛnɛ Nama

¹² A‑a chɛ n ma, min mbe a ma, mmɔ wɛn mu ka Yataa 'a mɔɛ n na, mmɔ ma ni bɛn an wai chɛ koe a. Chɛ ni a ma, mmɔ ɔ ni gbɛa gbau gbau, mmɔ wɛn mu Chasi gboo a.

Gboo Ɛfisɔsi Ko A 4:12 ပူးပေါင်းရင်းမြစ်များ

DUKU 22:32

Saimɔn, chɛɛ n‑na samunɛ chɛ i ko a, i chenɛ ni sɔ gban i 'a danaya ɔ n na. A sin, ni i‑a i ya a yɛ to n ma, a ma i bɔɛ n bɛɛ, an chenɛ ni sɔ gban an 'na danaya ɔ n na.”

CHISƆSI 'A SƆ MƆƐ NU 1:25

i 'a sɔ mɔya wai chɛ chɛ koe a. Chudasi‑a a to gbɛ, ta koe a pan, a bɛnden mu kaina.”

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 9:31

Mbɛ a ka gbɛ a tima chɛ ma, faachima yɛ‑a wan to mɔɛ chɛ n ma, chɔchi n gbɛɛ ɔ. A ka Chudia chɛnyɛ ɔ, a ta Kadidi, ni Samayia chɛnyɛ ɔ. Yataa Nyina basan‑da wan an ma, an dɔ gbɛa koe a. A sin, an ma munda‑a wan kaka, a mu min na, an gbɛɛ ni basɔmaya wa be wan Mansa Chisɔsi ma.

GBOO DOMI KO A 12:5

A chia dɔndɔ gbe chɛ a, mmɔ kɔkoo wɛɛ ka boo ɔ boo Chisiancha chɛ ɔ, mmɔ ma‑a gbɛ mɔ dɔndɔ a mmɔ bɛ Chasi a. A yɛ to, mmɔ‑a tun tunden fan mu, mmɔ nyɔn na.

GBOO DOMI KO A 12:7

Ni Yataa‑a yiimatɛ chɛ mmɔ ɔ, basan koe an na mɔ dɔ gbɛɛ n ma, mmɔ basan an ma chɛndɛ chɛ. Ni an kan koe mu, mmɔ an kan chɛndɛ chɛ.

GBOO DOMI KO A 14:19

Chɛ an fɛ mu, tima ɔ tima ko a, mmɔ butuin chɛ an koe chɛ n fan ma koe a. Koe chɛ nu, miin mbe na faachima a mɔɛ n tɛ ɔ, an sin mbe a ma to, mmɔ ɛ mmɔ nyɔn dɔ gbɛa, mmɔ 'a danaya ɔ Yataa a.

GBOO DOMI KO A 15:14

N bɔ Chisianɛ nu, n fandi gbu wɛɛ danden fan mu a a, mbɛ mɔ chɛndɛ wa mu wo wɛɛ gbu a. Wo‑a wo boo nyima tɛ bɔɛ sɔn fan wo manɛ a chɛndɛ chɛ. Wo‑a a ɔ sɔn fan, wo e dasi be buɛ min dɔ wo nyɔn ma.

GBOO DOMI KO A 15:2

A nyin mmɔ ni chɛ an ma. Koe min na di an ye, min mu an faa ma koe a, mmɔ an koe chɛ an chɛ mmɔ bɔ Chisianɛ n ye. Chɛ an mbe a ma‑a, an 'na fiienɛ ee ma‑a.

GBOO DOMI KO A 15:29

N mbe na‑a wan, mbɛ n‑na a ma, wo‑a dua da faenɛ ma sɔn gban. Dua chɛ, Chisɔsi Chasi ɛ min be.

GBOO SAA KƆYINDI KO A 12:27

Sanche chɛ ɔ, wo gbɛɛ, wo mu Chasi gboo dɔndɔɛ chɛ an na. A sin, dɔndɔ dɔndɔɛ a, wo mu a sɔna n fan na.

GBOO SAA KƆYINDI KO A 12:7

Chɛ an mbe a ɔ yian, mbɛ Yataa Nyina ɛ wan mmɔ tɛ ɔ. Yataa ɛ mɔ ɔ mɔ dua wan, dɔndɔ dɔndɔɛ a, wai chɛ koe a mɔɛ tɔɛ n ni ta ya ɔ ma.

GBOO SAA KƆYINDI KO A 14:12

Wo wɛɛ, wo ma bɛndenɛ ɛ ka buɛ min dɔ Yataa Nyina 'a dua ma sɔn koe, wo chɛ ma. Wo e min ma, koe gbɛɛ ya ɔ, dua miin mbe na demanɛ a, chɔchi ɔ, wo ni wai chɛ an pɛn na.

GBOO SAA KƆYINDI KO A 14:14

Ni n‑na samunɛ chɛ kamaya bai bonda chɛ n dɔ, n mbe a chɛ Yataa Nyina 'a gbasaya an dɔ. Chɛɛ n ta yiima, an mbe ee a ma tena, n mbe a ma.

GBOO SAA KƆYINDI KO A 14:26

N suun ma nyɔɛ nu Chasi ɔ, n mbe chɛ an fɔ tena. Ni wo bɛn‑da samun chɛ tena, mɔ dɔndɔ ni ma si sa kun ma, dɔndɔɛ ɛ kan chɛ kun ma. Dɔndɔɛ nan sin, a ni ma nɔ koe ɔ yian koe a, min dɔ nunden mu Yataa boo ɔ. Dɔndɔɛ wɛɛ, a ni ma sakana bai fɔ‑a kamaya bai n dɔ, mɔ ee miin dɔ gbɛ ka dechee. A yɛ to, mɔɛ dɔndɔɛ ni ma nɔ, a gbɛɛ ɔ yian koe a, sakana chɛ sien mu koe min ma. Ko ɔ ko min mbe chɛ‑a a ɔ, an ni ma tɔnɔnɛ an na chɔchi tena.

GBOO FEAN BƆƐ KƆYINDI KO A 12:19

A ma ma wo yiima chɛ gbɛɛ ɔ, mbɛ nn mbe nn fandi an ma fɔ tena wo tena. Nn mbe ma ka Yataa chen kɔɔ wan, nn mbe ma bai sa‑a, Chasi faa ma a. A sin, nn dia nyɔɛ nu, nn na‑a a gbɛɛ ma, basan koe mu wo ma.

GBOO FEAN BƆƐ KƆYINDI KO A 13:11

N suun ma nyɔɛ nu Chasi ɔ, an nɛ, wo buɔdia bɔ. Wo butuin chɛ, wo ni wo tachɛ buɛ n dɔ bɛn. Wo wo too ma sɔ n 'na dasi n ma. Wo ma kuiɛ dɔndɔɛ ɔ, wo ni ma faachima ɔ. A sin, Yataa min mbe faachima be, koadia ɛ to a faa ɔ, ɛ ma‑a wan wo kɔ.

GBOO FEAN BƆƐ KƆYINDI KO A 13:9

Koe min na mu, n bu ɔ diama an mbe ma, tima ɔ tima ko a, gbasaya ee wɛɛ nn boo ɔ, chɛɛ wo sin dɔ gbɛama ɛ. Nn mbe samunɛ chɛ min ko a, an nɛ, mbɛ mabɔ ma na ma wo ma.

GBOO FEAN BƆƐ KƆYINDI KO A 3:8

Mbɛ Yataa Nyina ɛ wai min chɛ, a manɛ ɛ koa‑a wan, a ni ben sawa ta ma. Tea mu chɛ a.

GBOO FEAN BƆƐ KƆYINDI KO A 4:1

Chɛ an fɛ mu, nn faa ee yɔn wai chɛ chɛ koe a. Koe min na mu, Yataa 'a chinchincha ɔ mu, a‑a wai chɛ be nn ma a chɛ koe a.

GBOO FEAN BƆƐ KƆYINDI KO A 5:18

Yataa an‑na koe chɛ n gbɛɛ ma, mmɔ ko a. A wan‑na a ma, Chasi‑a a ma, mmɔ ma‑a Yataa dia nyɔɛ a, mmɔ bɔ‑a chɛɛ ma nyɔncha ɔ. A sin fan‑na nn sɔ, mɔ dɔ mende n ma sawan koe a Yataa tena, dia nyɔncha ɔ.

GBOO FEAN BƆƐ KƆYINDI KO A 6:3

Nn ma to ni, nn ni kɔnɛ sɔ mɔ ɔ mɔ ya ɔ. Chɛ an mbe a ma‑a, mɔ ɔ mɔ ee wai chɛ ma bɔ‑a, nn mbe min chɛ ka.

GBOO FEAN BƆƐ KƆYINDI KO A 7:1

N dia nyɔɛ nu, tooɔdia chɛ n fan mbe mmɔ ko a. Chɛ ko a, mmɔ mmɔ boo a ko, a bɔ ko yama gbɛɛ ɔ. Fen kɔ fen, miin mbe a ma, mmɔ ma ɛ nyamui Yataa tena, mmɔ 'a fɔɛ gbɛɛ ɔ, mmɔ ni mmɔ boo a ko an ma. Mmɔ gbu sin, mmɔ 'a fɔɛ gbɛɛ ɔ, mmɔ ni ma tenchen Yataa ko a, a ma chianɛ ni ma mmɔ ɔ.

Gboo Ɛfisɔsi Ko A 1:23

Chɔchi gbu sin, an mu Chasi gboo a. An mbe a ma, a da ni fa gban, yɔ a wandi wɛɛ, ɛ a ma buɛ min dɔ, fen kɔ fen da ɛ fa.

Gboo Ɛfisɔsi Ko A 4:16

Chasi an mbe na a 'a mɔɛ n gbɛɛ a kaina dɔndɔɛ. Ɛ wan dechee yɔ mɔ gbu gboo, ni a sɔna nu, an gbɛɛ‑a tun tunden mu buɛ min dɔ. Fasa mɛsɛ chɛ nu, miin mbe an dɔ, an tɛ ma tɛ ni, a sin an mbe wai chɛ kuiɛ dɔndɔya an dɔ. Ni an gbɛɛ ma‑a wai chɛ‑a chɛndɛ chɛ, mbɛ mɔ gbu gboo koa‑a, a ɔ gbɛa‑a gbechen. Mɔɛ n bɛɛ, miin mbe chɔchi ɔ, ni an to‑a an nyɔn na, an ni wai chɛ kuiɛ dɔndɔya ɔ, chɔchi ɛ koa wan Chasi 'a gbasaya ɔ.

Gboo Ɛfisɔsi Ko A 4:29

Ni wo ma‑a koɔ‑a, bai yama ma bɔ wo da ɔ. Chɛɛ bai miin nyin dechee a fɔ koe a, a tima chɛ kɔɔ, wo e an fan fɔ. Bai chɛ nu, miin mbe mɔɛ n faa ma nande, a yɛ to, miin mbe basan an ma.

Gboo Ɛfisɔsi Ko A 4:4

Mmɔ gbɛɛ, mmɔ dɔndɔɛ mu mmɔ a, yɔ Chasi gboo ɛ buɛ min dɔ. Koe min na mu, Yataa Nyina, min mbe mmɔ fɛ, ɛ dɔndɔ gbe. Ɛ ka wan dechee, yɔ yiinatɛ chɛ wɛɛ, Yataa‑a mmɔ chee min ko a, a sin mbe mmɔ ɔ.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

Gboo Kɔdɔsai Ko A 1:28

A wan Chasi chɛ, nn mbe an bakoe ɔ yian mɔ ɔ mɔ a. Nn mbe dasi be tena wan, nn mbe ta‑a mɔɛ gbɛɛ kan‑da nn ta yiimatɛ chia gbɛɛ a. Chɛ ni a ma, nn ni kun a ma‑a, mɔɛ gbɛɛ ni na Yataa chen kɔɔ, an yiima da faenɛ ɛ, a si Chasi ma.

Gboo Kɔdɔsai Ko A 4:17

Wo a fɔ Akipɔsi ye, wo ɔ, a ni a ɔ yen, mbɛ ɛ wai chɛ chɛ tena wan, Mansa Chisɔsi‑a a boo bun a ma, min chɛ koe a.

1 TIMOTI 1:12

N mbe Chisɔsi Chasi wai bɔ tena, mmɔ 'a mansa. An‑na a yii na chii n na, mbɛ n danayaen fan mu wai chɛ koe a a ko a. A‑a gbasaya wɛɛ be n ma a chɛ koe a.

2 TIMOTI 4:11

Duku dɔndɔ gbe an mbe nɛ n tena. Ni i ma‑a na‑a, wo fea ni na Maki a, a mu min na, ɛ n deman‑da wan n 'na wai a.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

GBOO IBU MƆƐ N KO A 6:1

Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.