Gboo Ɛfisɔsi Ko A 4:11 - Yataa 'a Dɔbɛnɛ Nama

¹¹ A wan‑na koadia demanɛ chɛ mɔɛ n na, ma koe dama dama. A‑a mɔɛ dɔ n ma a 'a sɔ mɔɛ n na, mbɛ a‑a dɔ n ma Yataa 'a gbonka chɛ mɔɛ n na. Dɔ n sin, a‑a an ma Yataa bai sa mɔɛ n na, mbɛ a‑a gbasaya be dɔ n sin ma, an bɔɛ n sɔ koe a chia ma, a basan an kan koe a Yataa bai a.

Gboo Ɛfisɔsi Ko A 4:11 ပူးပေါင်းရင်းမြစ်များ

MATIU 28:20

A sin, wo ni mɔɛ n kan sawa chɛ n gbɛɛ bia koe a, n na‑a miin be wo ma. Wo sin ni dan to a a, mbɛ n mbe ma‑a wan wo fɛ tima ɔ tima, aan dunya chɛ ni ban bɛɛ.”

CHISƆSI 'A SƆ MƆƐ NU 13:1

Mɔɛ n ni wan nɔ Andiɔki duu ɔ, miin ni Yataa 'a gbonka chɛ mɔɛ n na, a basan a 'a kan chɛ mɔɛ n na. Banabasi ni an mɔɛ chɛ n dɔndɔ an na, ni Simiyɔn bɛɛ, an ni min chee, an dɔ, Simiyɔn finɛ. A yɛ to, Sɔɔ wɛɛ, ni Dusiɔsi, min ka‑a Sayini duu ɔ, an fea Manaɛn na, min bɔ‑a a ɔ chen dɔndɔɛ a, an fea Mansa Ɛdɔdi Andipasi a.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 21:8

Banda ɔ ka‑a kɛn, nn bɔ‑a wan nɔ, mbɛ nn na‑a Sisayea duu ɔ. Nn ta‑a wan kamin dɔndɔ 'a chenɛ a, sondaya a. A tɔ ni Fiipi, min ni ben ben sakana bai chɛndɛ chɛ ɔ yian‑da, a si Chisɔsi ma. A ni mɔ dɔndɔ an na to, mɔ wɔnfea chɛ n tɛ ɔ, Chuusaɛn mɔɛ n na‑a an boo sɔ miin ma.

GBOO DOMI KO A 12:7

Ni Yataa‑a yiimatɛ chɛ mmɔ ɔ, basan koe an na mɔ dɔ gbɛɛ n ma, mmɔ basan an ma chɛndɛ chɛ. Ni an kan koe mu, mmɔ an kan chɛndɛ chɛ.

GBOO SAA KƆYINDI KO A 12:4

Dua tana, a ma bɔ ni a nyɔn na. Chɛɛ Yataa Nyina tana sin, min mbe dua be, ɛ dɔndɔ gbe.

Gboo Ɛfisɔsi Ko A 2:20

Wo sin, wo kuu sien fan mu gban, yɔ chenɛ. Chisɔsi Chasi 'a sɔ mɔɛ nu, an bɛ Yataa 'a gbonka chɛ mɔɛ n na, an fan‑na a ma, mbɛ wo kuu si‑a. Chen chɛ gbu sin, a sɔ senɛ kuu ba mu Chisɔsi Chasi wandi an na.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

Gboo Ɛfisɔsi Ko A 4:8

Chɛ an fɛ mu, a nyɛnden mu Yataa 'a gboo ɔ, “A sɛ‑a kɛn aan, a sɛ‑a, a na‑a mɔ sɛsɛ chɛ wan bia ɔ, a sɛ‑a an na. A sin, a‑a boo fenɛ sɛsɛ be wan mɔɛ n ma.”

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

GBOO IBU MƆƐ N KO A 5:12

Tima chɛ gbu sin na gbɛ, a ni ma‑a ko ma kawaenɛ an na, ni wo ni wan gbɛ mɔ dɔ mende n kan‑da. Chɛɛ sanche wɛɛ, mɔɔ ni mɔ dɔ mende‑a wo kan, a nama a, a si Yataa bai kuu sɔ tena ma. Wo e wan dechee yɔ den toa nu, miin mbe a kuu sɔ susu yii ma, an mbe ee daun fen dɔ gbɛama daun.

CHUDA 1:17

Chɛɛ n dia nyɔɛ nu, ɛ wan wo yii ma, mmɔ 'a mansa Chisɔsi Chasi 'a sɔ mɔɛ nu, an na‑a bai min fɔ suun.

KO Ɔ NUNDENƐ 18:20

Wo wɛn mbe banda bu ɔ, wo buɔdia bɔ, Babidon yɔn koe a Yataa boo ɔ. Yataa 'a mɔɛ nu, Chisɔsi 'a sɔ mɔɛ gbau gbau nu, wo buɔdia bɔ, wo bɛ Yataa 'a gbonka chɛ mɔɛ n gbɛɛ a. Koe min na mu, Yataa‑a kaa a tɛ Babidon duu wa chɛ ma koe chɛ n ko a, a na‑a miin ma wo a.

KO Ɔ NUNDENƐ 21:14

Fɛnsi chɛ, duu chɛ a tindanɛ, a kuu sien ni sen gbugbu wa tan kun ma fea an ma. An senɛ chɛ n kan kɔ kan ma, sa tɔngbɔɛ 'a sɔ mɔ tan kun ma fea, an tɔɛ nyɛnden fan mu an ma. Sɔ mɔ dɔndɔ, sen dɔndɔ.