Gboo Ɛfisɔsi Ko A 4:10 - Yataa 'a Dɔbɛnɛ Nama

¹⁰ A wɛn na‑a yii ka duu gboo kɔɔ, a wan sɛ‑a to aan, a sɛ kaina, min dɔ yansan kaina tɔɛ gbɛɛ ma. Chɛ ni a ma, Chasi ni a ma, fen kɔ fen dunya ɔ, a da ni fa.

Gboo Ɛfisɔsi Ko A 4:10 ပူးပေါင်းရင်းမြစ်များ

MATIU 24:34

N ni a ma din wo tena, mbɛ koe chɛ n gbɛɛ mbe ma‑a pɛn, wo nyɔn sima chɛ n mbe e na ban dunya ɔ.

DUKU 24:44

Mbɛ a ɔ, “Tima min na mmɔ bɛ ni, n na‑a a fɔ wan wo ye, mbɛ koe miin gbɛɛ nyɛndenɛ ɛ a si n ma, mbɛ an gbɛɛ ɛ bɔ‑a wan a a. Mbɛ ko ɔ ko sawa chɛ ɔ, Yataa‑a min be Mosisi ma, an bɛ Yataa 'a gbonka chɛ mɔɛ tɔɛ n na, a basan Yataa tando si gboo a, an gbɛɛ ɛ bɔ‑a wan a a.”

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHƆN 19:24

A nɛnɛ wakoe, an nyɔn tɛ ɔ, an dɔ, “Mmɔ ma a a panda. Mmɔ chɛ fenɛ chɛ a ko a, mmɔ ni a ɔ yen mɔɛ min mbe a ma sɔn‑da.” An sin na‑a a ma ka wan. Chɛ ma‑a, min mbe a ma, Yataa 'a gboo na‑a bai min fɔ, a si Chisɔsi ma, a ni bɔ a a. Yataa 'a gboo‑a a fɔ wan, a ɔ, “An‑na n 'na koa n du wan an nyɔn tɛ ɔ, mbɛ an‑na chɛ fenɛ chɛ n 'na gbansanɛ sin ko a.”

CHƆN 19:28

Chisɔsi na‑a a ɔ sɔn fan, mbɛ tima chɛ a gbɛ, a ban‑da a 'a wai gbɛɛ chɛ‑a, a ni min chɛ. A sin, min mbe a ma Yataa 'a gboo‑a bai min fɔ, a ni bɔ a a, mbɛ a ɔ, “N kanɛ a gbaa‑a.”

CHƆN 19:36

Chɛ na‑a ma, min mbe a ma, Yataa 'a gboo‑a min fɔ, a ni bɔ a a. A‑a a fɔ wan, a ɔ, “An mbe ee a kuu dɔndɔ wɛɛ ɔ kai‑a.”

CHISƆSI 'A SƆ MƆƐ NU 1:11

Mbɛ mɔ fea chɛ n dɔ, “Kadidi mɔɛ nu, fen mu wo e sɔ ɔ banda a fɛn‑da tidan? Chisɔsi chɛ, Yataa sɛ‑a ka min na banda bu ɔ, ɛ na‑a wan to mɔya chɛ ɔ, yɔ wo‑a a yen ka buɛ min dɔ sɛ‑a banda bu ɔ.”

CHISƆSI 'A SƆ MƆƐ NU 1:9

Chɛ fɔenɛ gbakɔ, a 'a sɔ mɔɛ n ya to‑a wan a a, aan a ya‑a a sɛ banda bu ɔ. Mbɛ a don‑da dingbii ɔ, a tuin‑da an ya a.

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

CHISƆSI 'A SƆ MƆƐ NU 3:18

Chɛɛ Yataa wandi na‑a min fɔ suun, an bɔ‑a ka a a. A na‑a a don fan a 'a gbonka chɛ mɔɛ n gbɛɛ da ɔ, mbɛ a 'a kunka mansa ɛ mɔnɛ ɔ bia‑a wan.

GBOO FEAN BƆƐ KƆYINDI KO A 12:2

N‑na kamin dɔndɔ sɔn fan, min ni Chisianɛ a. Yataa‑a an kamin chɛ ya wan, mbɛ a sɛ‑a a a pɔɔ banda bu ɔ. San tan kun ma naanin fan ben‑da gbɛ, kɛn koe chɛ chɛ‑a a ɔ. Chɛɛ n ma a ɔ sɔn, ni a gbugbu an ya a, a sɛ‑a, chɛ ma, ni a ma‑a cho ɔ wan. Yataa dɔndɔ gbe, an‑na a ɔ sɔn.

Gboo Ɛfisɔsi Ko A 3:19

A gbu sin nyin, n mbe samunɛ chɛ tena, wo ni a 'a koadia a tinsɔn. Chɛɛ a gbu sin, a ma koe a, mɔɛ ee min dɔ gbɛ, ɛnden bɛɛ a. Chɛ sin fan fɛ mu, wo sɔnɛ n ni ma yɔ Yataa wandi gbu ta.

Gboo Kɔdɔsai Ko A 1:19

Yataa sɔnɛ ni wan Chasi ɔ chia ɔ chia a. Yataa wandi sin fan na‑a chɛ ɔ bɛn.

Gboo Kɔdɔsai Ko A 2:9

Koe min na mu, Chasi ni mɔ gbu gboo an dɔ nɛ dunya ma, chɛɛ Yataa ni a a, chia ɔ chia a.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

GBOO IBU MƆƐ N KO A 4:14

A ka gbɛ an tima chɛ ma, tɛ mɔ wa, mɔ gbu n tɛ Yataa a, an mbe gbɛ mmɔ boo ɔ, min ta‑a banda bu ɔ. A mu Chisɔsi an na, Yataa 'a denɛ. Chɛ an fɛ mu, mmɔ ni mmɔ boo a chii, mmɔ kai fa koe ma a a.

GBOO IBU MƆƐ N KO A 7:26

Chɛ an fɛ mu, ko ma bɛndenɛ mu, tɛ mɔ wa chɛ, mɔ gbu n tɛ Yataa a, a sima ma sɔn koe a. A wɛn ma ko yama kan kɔ kan ma ni, ɛ tenchen Yataa ko a. A sin to, mabɔ ee a ma, an tɛ duenɛ ɛ, an bɛ ko yama ma mɔɛ n na. A ya‑a, a sɛ banda bu ɔ.

GBOO IBU MƆƐ N KO A 8:1

Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.