Gboo Ɛfisɔsi Ko A 3:9 - Yataa 'a Dɔbɛnɛ Nama

⁹ A sin, n ni a ma to, mbɛ mɔɛ n gbɛɛ ni koe ɔ gbɛ, a si koe chɛ ma, Yataa‑a min dɔ nun kɛn a‑a dunya a dan suun tima min na.

Gboo Ɛfisɔsi Ko A 3:9 ပူးပေါင်းရင်းမြစ်များ

MATIU 10:27

N‑na bai min tɛnsɛ ka wo tena mmɔ dechee a, wo an dɔ yian baa kun tɛ. N‑na wo too wɛwɛɛ bai miin na ka, wo an fɔ dunya ye, wo kuiɛ ma sɛenɛ a.

MATIU 13:35

Chɛ na‑a a ɔ yian fan, mbɛ Yataa da a kuiɛ bɔ‑a a a. A 'a gbonka chɛ mɔɛ na‑a a da a kuiɛ min na ben suun, a ɔ, ɛ koɔ‑a an tena tai an dɔ. An ma koe min dɔ sɔn tee, a ka dunya a dan tima ma, ɛ an dɔ yian‑da wan an na.

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHƆN 10:30

Nn fea Fa a, mɔ dɔndɔɛ mu nn na.”

CHƆN 5:17

Mbɛ Chisɔsi ɔ, “Fa Yataa ɛ basan fan mɔɛ n ma, tima ɔ tima ko a. N bɛɛ, a nyin n ni a ma ka.”

CHƆN 5:19

Mbɛ Chisɔsi ɔ an ma, a ɔ, “N ni chɛ ma din wo tena, mbɛ n fan, n fɛn mu ka Yataa 'a denɛ a, n mbe ee che ko ɔ ko ma‑a, n kun ma gbasaya a. N mbe koe chɛ n fan ma dechee, n mbe Fa yen miin ma‑a. N Fa, ɛ koe miin ma, n bɛɛ, n fɛn mu a 'a denɛ a, n mbe an fan ma.

CHISƆSI 'A SƆ MƆƐ NU 15:18

N sin‑na koe chɛ n kɔɔ fɔ wan, kɛn suun tima a.” ’

GBOO DOMI KO A 11:25

N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.

GBOO SAA KƆYINDI KO A 2:7

Nn mbe bai sa wo tena, a si yiimatɛ an ma, Yataa‑a miin nun tee. A e na to dunya a dan‑da, a‑a a fɔ wan, mbɛ an yiimatɛ chɛ, an mbe na‑a basɔmaya a mmɔ tena.

Gboo Ɛfisɔsi Ko A 1:4

A e na to dunya gbu a dan‑da wɛɛ, a na‑a ban fan gbɛ a boo sɔ‑a mmɔ ma, mmɔ ma koe a a ta mɔɛ n na, mmɔ wɛn mu mɔ dɔndɔɛ a Chisɔsi Chasi a. A na‑a chɛ ma, min mbe a ma, mmɔ ni ma a ko a tenchen, mɔɛ nu, mabɔ kan kɔ kan mbe ee miin ma. Koadia ɔ,

Gboo Ɛfisɔsi Ko A 3:2

Mmɔ a ya wɛ, mbɛ wo‑a a a min fan, Yataa‑a n ma buɛ min dɔ wai chɛ mɔɛ a, a ko a. Wo wan ko a mu, a‑a koadia deman chɛ chɛ n na.

Gboo Ɛfisɔsi Ko A 6:19

Wo samunɛ chɛ to, n bɛɛ ko a. Yataa ɛ bai don‑da wan n da ɔ, n mbe min fɔ. A ni a ma, chianɛ ma na ma n dɔ, n da a ka koe a, n ni bai sa mɔɛ n tena, a si sakana bai chɛndɛ chɛ ma, min dɔ nunden ni mmɔ ma a kɔma a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Kɔdɔsai Ko A 1:26

Bai an nii nɛ, min dɔ nunden ni san wu sɛsɛ ko a, a ka mɔ bemba n ta bemba n na tima ma. Chɛɛ sanche gbɛ, a ɔ yian‑da Yataa 'a mɔɛ n na.

Gboo Kɔdɔsai Ko A 3:3

Koe min na mu, wo fa‑a wan. A sin, wo 'a fɔɛ nama, ɛ sa ɔ nun dɔ, Yataa boo ɔ, Chasi ɛ kaina min.

Gboo Kɔdɔsai Ko A 4:3

A sin, wo samunɛ chɛ nn ko a, min mbe a ma, Yataa ni chia yian nn na, a 'a bai chɛ ɔ yian koe a. Sakana bai chɛ, Yataa‑a min dɔ nun tee mɔɛ n ma, n ni a ɔ yian den mɔɛ n na. Sakana bai chɛ, a si Chasi ma, n mbe ka sa ɔ pimbi chenɛ a min ko a.

GBOO FEAN BƆƐ TƐSADONIKA KO A 2:13

Nn suun ma nyɔɛ nu Chasi ɔ, a dindenɛ mu nn ma, Yataa wai bɔ koe a wo ko a tima ɔ tima. Wo ko a di mmɔ 'a mansa Chisɔsi ye kaka. Yataa wɛɛ na‑a wo pɛn ya, bauncha ma sɔn koe a. A saa saa a, ɛ wo baun fan Yataa Nyina 'a gbasaya ɔ, min mbe a ma‑a, wo ni ma tenchen Yataa ko a. A yɛ to, wo dandenɛ min chɛen mu tea chɛ a, a si Chisɔsi ma, ɛ wo baun fan.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

2 TIMOTI 1:9

A‑a mmɔ baun fan, mbɛ a‑a mmɔ chee ma koe a a ta mɔɛ n na. A ma chɛ ma ni mmɔ sɔn chɛndɛ an ko a. Chɛɛ Yataa e na to dunya a dan‑da, a wandi na‑a a ɔ bɛn ka wan, a 'a koadia demanɛ ɔ, a‑a min dɔ yian Chisɔsi Chasi ɔ.

2 TIMOTI 4:17

Chɛɛ Mansa Chisɔsi sɔ‑a wan n kɔ gban, a‑a a ma n che‑a a 'a sakana bai fɔ‑a chɛndɛ chɛ. Chɛ‑a a ma wan, mɔɛ miin ma Chu mɔ a, an gbɛɛ‑a a a min. A sin to, a‑a n kun ka wan.

1 PITA 1:20

Yataa e na to dunya chɛ a dan‑da, a na‑a a boo sɔ pɛn Chisɔsi ma, ma koe a ka. Chɛɛ tee dankama tee chɛ nɛnɛ n kɔɔ, Yataa‑a Chisɔsi yian wo deman koe an na.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 14:6

Mbɛ n‑na maeka dɔ mende yen, ɛ ben‑da banda a yɔ konde. Sakana bai chɛndɛ ɛ a boo ɔ, sakana min mbe ee tui kuɔ fɔ. Ɛ a boo ɔ, mɔɛ n gbɛɛ ko a dunya ma. Chɛ n ko a chɛnyɛ kunɛ kan kɔ kan dɔ, chɛnyɛ koɛ n dɔ, dambi n dɔ, ni mɔ gbu kan kɔ kan ko a.

KO Ɔ NUNDENƐ 17:8

I na‑a soe yama min yen ka sunɛ, a ni wan fɔɛ ɔ, chɛɛ a fa‑a gbɛ. A ɛ na tena wan bɔ‑a to, a ka son dɔ yiien ba chɛ ɔ, min danka ee ka. A sin, ɛ ta‑a wan kaina chɛ, Yataa ɛ a kasaa kaina min. Dunya chɛ ma mɔɛ nu, Yataa nii ma miin tɔɛ nyɛn ni a 'a gboo ɔ, an gbɛɛ, an da ɔ gbaa‑a wan, an mbe ma‑a soe yama chɛ ma fɛn‑da. A 'a gboo chɛ, mɔɛ miin mbe kuɔ fɔ fɔɛ ma sɔn‑da, a na‑a an tɔɛ nyɛn min dɔ, a e na dunya a dan. Soe chɛ ni wan tee fɔɛ ɔ, a ee sanche fɔɛ ɔ, chɛɛ ɛ yɛ‑a wan to fɔɛ ɔ.”

KO Ɔ NUNDENƐ 4:11

“Nn 'na mansa, nn 'na Yataa, tando bɛnden mu i wan ma, basɔmaya bɛnden mu i ma, a basan gbasaya a. I wan‑na fen fen nyan, i 'a yiinachii, an‑na a ma, an gbɛɛ nyan‑da.”