Gboo Ɛfisɔsi Ko A 3:8 - Yataa 'a Dɔbɛnɛ Nama

⁸ N fan, n fɛn ma wɛɛ ka mɔ a tenden na, Yataa 'a mɔɛ n gbɛɛ tɛ ɔ, chɛ gbɛɛ ɔ, a‑a koadia deman chɛ chɛ n fan na. A ɔ, Chisɔsi na‑a ko chɛndɛ miin ma, n ni a ɔ yian chɛ n na, miin ma Chu mɔ a. An ko chɛndɛ chɛ nu, koe n fan nɛ, miin nyin a danka ee.

Gboo Ɛfisɔsi Ko A 3:8 ပူးပေါင်းရင်းမြစ်များ

DUKU 14:22

Mɔɛ chɛ n cheeenɛ gbakɔ, a na‑a wan to, mbɛ a‑a a ɔ yian a kun ti chɛ a, mbɛ a‑a a sɔ wai min na, a‑a a chɛ, chɛɛ kaina a ma fa nin bɛ.

CHƆN 1:16

Koadia chinchimaya min faen mu a faa ɔ, an mbe a ma tena, ɛ mmɔ gbɛɛ dua tena tima sɛsɛ a.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

GBOO DOMI KO A 11:33

O Yataa wa. A 'a yiimatɛ koo. A 'a ko sɔnɛ wɛɛ koo ka wan to. Mɔ ɔ mɔ ee che a yii ma koe ɔ yian‑da. Mɔ ɔ mɔ ee a chɛ chɛ wai ɔ gbɛ.

GBOO DOMI KO A 12:10

Wo to wo nyɔn na chɛndɛ chɛ wo faa gbɛɛ a, yɔ mɔɛ ɛ to buɛ min dɔ a suun ma nyɔɛ n na. A sin, wo ma bɛndenɛ ni ma basɔmaya be koe a wo nyɔn ma, tima ɔ tima ko a.

GBOO DOMI KO A 2:4

Wo e Yataa wakoe bia tena baa baa an na, koe min na mu, a chinchinden mu wo ma. A faa ma gbandi wo tɔɔya koe a a ya kɔɔɛ a, a sin mbe a faa bia wan wo a tima sɛsɛ ko a. A nyin wo ni a ɔ sɔn, mbɛ Yataa ɛ chinchin tena wan wo ma. Koe min na mu, ɛ chia yian tena wan wo a faachima ɔ, wo ni wo kan kɔ sɔ wo 'a ko yama n na.

GBOO SAA KƆYINDI KO A 1:30

A wan Yataa dɔndɔ gbe, a wan‑na a ma, wo ma‑a mɔ dɔndɔɛ a Chisɔsi Chasi a. Ni mmɔ‑a a fɔ, yiimatɛ ɛ mmɔ ɔ, Chasi mu. Ni mmɔ‑a a fɔ, mmɔ tanden mu, a wan mu. A‑a mmɔ kun bɔ mmɔ 'a ko yama n dɔ, mmɔ ma‑a Yataa 'a mɔɛ n na.

GBOO SAA KƆYINDI KO A 15:9

Koe min na mu, Chasi 'a sɔ mɔɛ chɛ n gbɛɛ, an benden mu n ma. N gbu sin, mɔ a tenden ma n na, a chee koe a a 'a sɔ mɔɛ a. Koe min na mu, n‑na ko ma gbaaenɛ sa wan Yataa 'a mɔɛ n ma, chɔchi ɔ.

GBOO SAA KƆYINDI KO A 2:9

Chɛɛ min maen mu, ɛ ka wan dechee yɔ min nyɛnden mu Yataa 'a gboo ɔ. A ɔ, mɔ ɔ mɔ ma koe chɛ n dɔ yen nin bɛ, a ya a, a ɔ, a ma an na min ni, a too a, a ɔ, mɔ ɔ mɔ sin ma an dɔ gbɛ ni, a yiima ɔ. A ɔ, koe chɛ nu, Yataa‑a min sa tena ɔ bɛn mɔɛ n ko a, a ɔ, miin toen mu a a.

Gboo Kadesia Ko A 1:16

a 'a denɛ yian koe a n na. A na‑a chɛ ma, min mbe a ma, n ni a wakoe ɔ yian mɔɛ n na, miin nii ma Chu mɔ a. A‑a a yian kɛn, n nii ma n kun puin ni mɔ gbu kan kɔ kan ma.

Gboo Kadesia Ko A 2:8

Koe min na mu, Yataa min na‑a a ma, Pita ta‑a wai chɛ koe a mɔɛ chɛ n tena, miin mu Chu mɔɛ n na, an Yataa dɔndɔ gbe chɛ an‑na n bɛɛ sɔ, mɔɛ n tena, miin ma Chu mɔ a.

Gboo Ɛfisɔsi Ko A 2:7

Chɛ ni a ma, a ni a ɔ yian, mbɛ ɛ koadia demanɛ min chɛ‑a mmɔ a ya ɔ ma, a danka ee ma a. Chɛ sin mbe bɔ‑a chinchimaya an dɔ, Chisɔsi 'a gbasaya ɔ.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 3:16

Dua sɛsɛ ɛ wan a boo ɔ, banda bu ɔ. A sin, n mbe samunɛ chɛ tena, a ni a ma wo ɔ ni gbɛa, wo 'a danaya ɔ. Chɛ ni ma, Yataa Nyina 'a gbasaya ɔ

Gboo Ɛfisɔsi Ko A 3:19

A gbu sin nyin, n mbe samunɛ chɛ tena, wo ni a 'a koadia a tinsɔn. Chɛɛ a gbu sin, a ma koe a, mɔɛ ee min dɔ gbɛ, ɛnden bɛɛ a. Chɛ sin fan fɛ mu, wo sɔnɛ n ni ma yɔ Yataa wandi gbu ta.

Gboo Ɛfisɔsi Ko A 3:2

Mmɔ a ya wɛ, mbɛ wo‑a a a min fan, Yataa‑a n ma buɛ min dɔ wai chɛ mɔɛ a, a ko a. Wo wan ko a mu, a‑a koadia deman chɛ chɛ n na.

Gboo Fiipai Ko A 2:3

Wo ma ko ɔ ko ma, wo wandi ta tɔnɔnɛ ko a dechee. Wo ma yonka tɛ, wo wandi ɔ koa koe a. Chɛɛ wo wo wandi ma yii, wo ni mɔ dɔ mende n ya, a ben wo wandi gbu ma.

Gboo Fiipai Ko A 4:19

A sin, nyan fen ba chɛ n gbɛɛ Yataa boo ɔ, miin ma gbɔsɔɛ ɛ wo ma, wo e an ma sɔn‑da wan. Chɛ ɛ bɔ‑a koe chɛ an dɔ, Chasi‑a min ma wo ko a. N 'na Yataa, ɛ a ma‑a wan chɛ ni ma.

Gboo Kɔdɔsai Ko A 1:27

Yataa toen ni, a ni a ɔ yian mɔɛ chɛ n na, a‑a koe min dɔ nun an ma. An koe ma kawaen ni, a sin dua wa ni, mɔɛ n ko a, miin nii ma Chu mɔ a. An koe ɔ nundenɛ gbu an nɛ, mbɛ Chasi wakoe ɛ wan wo wɛɛ faa ɔ, min mu wo 'a yiinatɛ a, Yataa 'a basɔmaya ma sɔn koe a.

1 TIMOTI 1:13

N na‑a a main fan, mbɛ n‑na ko ma gbaaenɛ si a 'a mɔɛ n na. Chɛɛ Yataa chinchin‑da wan n ma, koe min na mu, danaya nii n dɔ a tima a Chisɔsi Chasi ko a, a sin, n nii ma a ɔ sɔn n ni koe min ma tena.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

2 TIMOTI 1:11

Sakana bai chɛ ko a mu, a‑a n ya sɔ mɔɛ a, n ni kanɛ chɛ, mbɛ n‑na a ɔ yian mɔɛ n na.

KO Ɔ NUNDENƐ 3:18

Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.