Gboo Ɛfisɔsi Ko A 3:5 - Yataa 'a Dɔbɛnɛ Nama

⁵ Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

Gboo Ɛfisɔsi Ko A 3:5 ပူးပေါင်းရင်းမြစ်များ

MATIU 13:17

N ni a ma din wo tena, mbɛ Yataa 'a gbonka chɛ mɔɛ sɛsɛ, a basan mɔɛ chɛ n na, miin tanden ni Yataa tena, an toen ni an ni koe chɛ n dɔ yen, wo‑a miin dɔ yen ka, chɛɛ an ma an dɔ yen ni. An toen ni to an ni an na min, wo‑a miin na min ka, chɛɛ an ma an na min ni.

MATIU 20:7

Mbɛ an dɔ, ‘Chɛɛ mɔ ɔ mɔ ma nn ya ni wai chɛ ko a, nn ni ban.’ Mbɛ kamin chɛ ɔ, ‘Wo na, wo ni ta wai chɛ n 'na yadi ɔ.’ Mbɛ an bɛɛ ta‑a.

MATIU 23:34

Chɛ an fɛ mu, n yen ko Yataa 'a gbonka chɛ mɔɛ n na na‑a wo tena. N mbe dɔ sɔ tɔɛ n bɛɛ a na‑a wan, a basan Yataa 'a sawa kan mɔɛ n na. Chɛɛ wo e an dɔ n fa‑a wan kɔn gbengbandenɛ ma, wo ni dɔ n fa chia dɔ mende a, mbɛ wo‑a dɔ n bosa mmɔ 'a samun chɛ chenɛ n na. A tɔɛ n sin, wo e an gbain‑da wan a bɔ duu kan kɔ kan dɔ, an mbe ta‑a kaina.

DUKU 10:24

N ni a ma din wo tena, mbɛ Yataa 'a gbonka chɛ mɔ sɛsɛ, a basan mansa sɛsɛ a, an toen ni an ni koe chɛ n dɔ yen, wo‑a miin dɔ yen ka, chɛɛ an ma an dɔ yen ni. An toen ni to an ni an na min, wo‑a miin‑na min ka, chɛɛ an ma an na min ni.”

DUKU 11:49

Chɛ an ko a ni, Yataa min yiima tɛen mu, a‑a a fɔ, a ɔ, ‘N mbe n 'na gbonka chɛ mɔɛ nu, a basan n 'na sɔ mɔɛ n na, n mbe an na ta‑a wan an tena. An mbe an dɔ n fa‑a wan, mbɛ an‑na ko yawaenɛ sa a tɔɛ n ma.’

CHƆN 14:26

Min mbe wo deman‑da, Yataa Nyina, Fa ɛ na‑a min na na‑a n gba ɔ, an mbe wo kan‑da ko ɔ ko ma, a si n 'na bai n ma. A sin mbe a ma‑a wan, n 'na bai chɛ n ni puin wo yii ma, n ni bai miin fɔ, mmɔ bɛ ni tima min na.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 10:28

Mbɛ a‑a a fɔ an ye, a ɔ, “Wo wandi gbu, wo‑a a ɔ sɔn fan, mbɛ nn 'na Chu sawa‑a min fɔ. Mbɛ nn fan Chu mɔ kan kɔ kan, nn mbe ee ta mɔ ɔ mɔ dɔ gbɛɛ 'a chen na. Chɛ ma, nn ni gbɛn an ma, miin ma Chu mɔ a. Chɛɛ Yataa ban‑da a ɔ yian‑da n na, mbɛ n ma tɛ mɔ gbu kan kɔ kan dɔ, n gbu ma mɔ ma nyamui koe fɔ.

GBOO DOMI KO A 16:25

Mmɔ tando be Yataa ma. A wan mbe kun a ma‑a mmɔ gboo ɔ ee fa‑a, dan koe a a a. N mbe chɛ an fɔ wo ye, n mbe ma sakana bai chɛndɛ chɛ ɔ yian‑da wo a, a si Chisɔsi Chasi ma. A sin fɔen mu ka wan ko ɔ nunden chɛ wɛɛ ɔ, min na bɔ‑a ya a ma. An tea ɔ nunden chɛ, Yataa nii ma a ma ni mɔ gbu ni fua min dɔ sɔn‑da san sɛsɛ sɛsɛ ko a suun.

GBOO SAA KƆYINDI KO A 2:10

Chɛɛ Yataa‑a koe chɛ n dɔ yian mmɔ a, a Nyina 'a gbasaya an dɔ, a‑a min na na mmɔ tena. Koe min na mu, Yataa Nyina chɛ ɛ ko ɔ ko kɔɔ gbɛngbɛn fan, a ni ma Yataa yii ma koe wɛɛ a.

Gboo Ɛfisɔsi Ko A 2:20

Wo sin, wo kuu sien fan mu gban, yɔ chenɛ. Chisɔsi Chasi 'a sɔ mɔɛ nu, an bɛ Yataa 'a gbonka chɛ mɔɛ n na, an fan‑na a ma, mbɛ wo kuu si‑a. Chen chɛ gbu sin, a sɔ senɛ kuu ba mu Chisɔsi Chasi wandi an na.

Gboo Ɛfisɔsi Ko A 3:9

A sin, n ni a ma to, mbɛ mɔɛ n gbɛɛ ni koe ɔ gbɛ, a si koe chɛ ma, Yataa‑a min dɔ nun kɛn a‑a dunya a dan suun tima min na.

2 PITA 3:2

N toen mu wo ni wo yii na chii bai chɛ n ma, Yataa 'a gbonka chɛ mɔɛ n na‑a miin fɔ suun. Wo ni wo yii na chii to sawa chɛ ma, Mansa Chisɔsi‑a min be, mmɔ baun mɔɛ. A sin, a 'a sɔ mɔɛ n na‑a an sawa chɛ a ben fan wo tena.

CHUDA 1:17

Chɛɛ n dia nyɔɛ nu, ɛ wan wo yii ma, mmɔ 'a mansa Chisɔsi Chasi 'a sɔ mɔɛ nu, an na‑a bai min fɔ suun.